L E T Ë R S I

Shkrime letrare:

Letërsia shqiptare trashëgon një fond të pasur vlerash nga krijuesit shkodranë. Që nga koha e Marin Barletit, në Rilindjen Kombëtare e deri pas Luftës së Dytë Botërore, shkrimtarët dhe poetët shkodranë kanë dhënë me veprat e tyre një kontribut të madh, në pasurimin e shpirtit të shqiptarëve dhe ngritjen e vetëdijes kombëtare. Një vend të veçantë zënë priftërinjtë e periudhës së Rilindjes, të cilët mbollën dashurinë për atdhé.

Por edhe në kohën e sotme, kemi shkrimtarë shkodranë të talentuar, ndonëse lëvizjet shoqërore të ndodhura me rënien e komunizmit, kanë ndikuar, që numri i shkrimtarëve të bjerë disi, pasi edhe sistemi i botimit dhe shpërndarjes së librit nuk ka funksionuar ashtu siç duhet këto kohë dhe kjo jep pa dyshim edhe pasojat e veta në produktin letrar.

Gjekë Marinaj

SHKODRËS

Mos i mbyll dritaret e kësaj mbrëmje,
Ndjenjat e mia në qiellin tënd vetëtojnë;
Si zogj të hutuar që shtegtojnë plot dhembje
“Shkodër!”, “Shkodër!”, cicërojnë.
Sonte mos i ndiz qirinjtë e darkës,
Durimin e Rozafës në sofër mos e sjell,
Mallit që kam për ty m`i mjaftojnë flakët
Që hënën e qytetëruar ta veshin me diell.
Këtë muzg, shqyej e bëri krahë perdet e teatrit
Le të dukesh midis tyre si një shpend.
Migjeni që s’po e kapërdin dot kafshatën…
Në poezinë time fshin djersët e portretit tënd.
Mungesa mbetet një mesnatë me yje të vrarë,
Kur këtu është natë, ditë është tek ti,
Ti shtrydh ndjenjat e unë ndjehem i tharë
Por madhështia jote më njomëson përsëri.

Martin Camaj

Shkodra

Aty si tash para se me ardhë fiset
ishe
me tambël në plasaritjen e currave
e me themele në ujin e njelmë.
Të dhanë vetëm nji emën: Shkodra.
E të thirrën qytet me kunora
e të hodhën përkrye gur
e hekurat e para.

Azem Shkreli

Shkodra

Desha t’ia prek
Rozafës flokun
S’më deshe
Zbrita t’ia puth
Algjet Liqenit
Më nxore
Tani përherë me ke
Maje Taraboshit me cuba
Shkoder, Shkodra.

Krijues të traditës:

• Anton Pashku
• Arshi Pipa
• Ernest Koliqi
• Filip Shiroka
• Gaspër Pali

• Gjergj Fishta
• Hil Mosi
• Luigj Gurakuqi
• Marin Barleti
• Martin Camaj
• Migjeni
• Ndre Mjeda
• Pashko Vasa
• Vinçens Prennushi
• Zef Zorba

Krijues bashkëkohorë:

• Alban Kraja

• Alfred Çapaliku
• Anton Çefa
• Frederik Rreshpja
• Gazmend Krasniqi
• Gjekë Marinaj
• Gjergj Kola
• Gjergj Lacuku
• Irhan Jubica
• Klajd Kapinova
• Kolec Traboini
• Kolë Jakova
• Kujtim Dashi
• Lazër Stani

• Ledia Dushi
• Ledri Kurti
• Lekë Gjoka
• Luigj Çekaj
• Ndoc Gjetja
• Pjetër Arbnori
• Primo Shllaku
• Ridvan Dibra
• Shpëtim Kelmendi
• Skënder Drini
• Sokol Zekaj
• Xhuli Babatinca
• Zija Çela