NDAL! TERRORIT SHTETËROR NDAJ FAMILJEVE TONA

-- nga Beqir SINA, Nju Jork, SHBA

Alternativa: të lirohen të 14 të burgosurit shqiptarë që mbahen në burg në Mal të Zi

Washington DC: Sot, e Enjte më 7 shkurt 2008, gjatë ceremonisë së quajtur Mëngjezi i Lutjeve, organizuar nga Shtëpia e Bardhë, në Washington D.C, ku merr pjesë vetë presidenti i SHBA-së, dhe qindra delegacione nga mbarë bota, siç e kemi parë këto tre- katër vitet e fundit, kryesisht familjarët, e të burgosurve politik shqiptar në Mal të Zi, si dhe përkrahsit dhe dashamirët e tyre, bashkëatdhetarët tanë, solidarizohen me këtë protestë. Ata po demostrojnë që të dëgjohet zëri i tyre, për lirimin e të burgosurve në Mal të Zi. Demostrata po zhvilohet si një përballje demokratike në këtë shesh mes shqiptarve të amerikës dhe një delegaconi të lart qeveritar nga Mali i Zi, i cili, po merrë pjes në këtë Mëngjez të Lutjeve.

Poashtu, thuhet në një kumtes të protestueseve se qëllimi i tyre është të sensabilizojnë edhe delegacjonet dhe personalitetet botërore, pjesmarrës në ceremoninë Lutja e Mëngjesit, në mënyrë që edhe ata duke parë shqiptarët, të cilët kanë ardhur nga të katër anët e Amerikës, heret në mëngjes, dhe janë mbledhur në mënyrë demostrative përpra Hotelit Hilton, në kryeqytetin amerikan Washington D.C të ngrenë edhe një herë zërin e tyre përë këtë ngjarje dhe të tjera të kësaj natyre që ndodhen me shqiptarët në Mal te Zi. Protesta, nisi para hotelit Hilton ne rrugën "Cennecticut", vijon më pasë duke marshuar drejt ambasadës malazeze qe gjindet në rrugën "New Hampshire".

Kronika e protestës:

Familjet e të burgosurve, nga Detroiti, në bashkëpunim me komunitetin shqiptarë në Shtetet e Bashkuara të Amerikës, zhvillonë, përballë hotelit Hilton në Uashington D.C. në një mjedis ku ishin të përqëndruar forca të shumta të policisë amerikane, pasi po zhvillohej Mëngjesi i Lutjeve, i 56-të. Jashtë në sheshin përball hotelit rreth më shumë se 500 shqiptaro-amerikanë, të ardhur nga Florida, Miçingani, Çikago,Nju Jorku, Nju Jersi, Kenektiket, Pensillvenia, Maine, Rohd Island, Winckonsin, hodhën parrulla, për të tërhequr vemendjen ndaj shkeljeve të të drejtave të shqiptarëve në Mal të Zi. Përkatësishtë, arrestimin dhe mbajtjen në burg të 14 shqiptarëve, mes tyre katër me pasaportë amerikane.

Gjatë kohës që rreth 130- delegacione nga mbarë bota, po linin hotelin mes masave të rrepta sigurie, midis tyre edhe vetë Presidenti i SHBA-s Goerge W. Bush, masa e ezaltuar protestuesve, ka brohoritur me thirrjet e fuqishme USA -USA- USA. Ka qënë ky ndoshta momenti më kulmorë, i asaj demonstrate paqësore, e cila, mbahej për të paraqitur keqperdorimin e të drejtave te shqiptarëve nën Mal të Zi. Kjo demonstratë, i bëri një përballje të "hidhur" delegacionit, që vinte në Mëngjesin e Lutjeve nga Podgorica, për të marrë pjes në Lutjet e Mëngjezit në kryeqytetin amerikanë Washington DC. Qëllimi kryesore i kësaj demonstrate, ishte që përmes formës se sensabilizimit, të lirohen të burgosurit politik shqiptarët nga Mali i Zi katër prej tyre shqiptaro amerikanë- Ata kanë denancuar edhe ligjet diskriminuese kundrejt shqiptarëve në Mal të Zi, që specifikisht po u'a mohojnë të drejtat e tyre, në çdo lëmi; sociale, politike, ekonomike dhe kulturore.

Protestuesit që demostruan për rreth tre orë, duke treguar njëherishit edhe një kulturë të lartë demostrimi, pos fjalimeve që mbajtën oratorët, mbanin në duar edhe flamuj të shumtë amerikanë dhe shqiptarë. Ata mbanin strishe e pankarta në të dyja gjuhët(anglisht e shqip) binin në sy ato ku lexohej -"Lironi shqiptarët nga burgjet famëkeqe", "Ata mbahen në burg se kanë bërë të vetmin fajë - se janë shqiptarë" " Të burgosurit janë të burgosur politik" "Majft me diskriminimine shqiptarëve", "Mali i Zi shtet kriminel" , "We Want Full Rights"-" Equal Rights for Albanians in MonteNegro"- e tjera si këto. Ata kanë kërkuar prej qeverisë amerikane që të angazhohet edhe më shumë për të ndikuar tek qeveria malezeze për lirimin e shtetasve të saj: Rrok dhe Kolë Dedvukaj, të arrestuar bashkë me grupin e shqiptarëve nga Malësia e Madhe në aksionin e njohur si "Fluturimi i shqiponjës". Rreth 18 shqiptarë u arrestuan më 9 shtator të vitit 2006 në mesin e të cilëve tre me shtetësi amerikane në akuzën se po përgatisnin sulme terroriste në Mal të Zi.