Nju Jork: Pritje festive për 96 vjetorin e Pavarësisë

-- nga Beqir SINA, New York

Misioni i Përhershëm pranë Kombeve të Bashkuara i Republikës së Shqipërisë, mbrëmë në Nju Jork, së bashku me Konsullatën e Përgjithme të Republikës së Shqipërisë, për shqiptarët me banim në Nju Jork, e tre shtetet për rreth tij, organizoi një pritje festive, me koktej me rastin e 28 Nëntorit, 96-vjetori i ngritjes së flamurit.

28 Nëntori, Shpallja e Pavarësisë së Shqipërisë, 96-vjetori i ngritjes së flamurit në Vlorë, ngjarje me përmasa historike për kombin shqiptar

NEW YORK CITY: 28 Nëntori, 96 - Vjetori i Shpalljes së Pavarësisë së Shqipërisë, Festa e Flamurit në Nju Jork nisi me festimet që u bënë në fund të javës së kaluar nga Bashkësia Shqiptare që organizoi me Bashkinë e Nju Jorkut. Dhjetra të pranishëm u gëzuan në një atmosferë festive, teksa bashkia e Nju Jorkut, nxorri edhe një Proklamtë e cila nderon 28 Nëntorin, 96 - Vjetorin e Shpalljes së Pavarësisë së Shqipërisë, Festa e Flamurit. Festa e Flamurit, këtë vit ka një të veçantë se ajo festohet së bashku me pavarësinë e Kosovës, shpallur në 17 shkurt, të këtij viti.

Misioni i Përhershëm pranë Kombeve të Bashkuara i Republikës së Shqipërisë, mbrëmë në Nju Jork, së bashku me Konsullatën e Përgjithme të Republikës së Shqipërisë, për shqiptarët me banim në Nju Jork, e tre shtetet për rreth tij, organizoi një pritje festive, me koktej në lokalin Macellaria Restaurant (me pronar shqiptar biznesmenin Sejdi Bytyqi), me rastin e 28 Nëntorit,96 -vjetori i ngritjes së flamurit.

Në këtë ditë festive ishin të ftuar dhe ishin të pranishëm, shqiptarë me banim në Nju Jork, intelektualë, avokatë të njohur të komunitetit, shoqata, biznesmenë, aktivistë, studentë e studente, veprimtarë e aktivistë të përkushtuar për çështjen shqiptare. Mori pjesë edhe zoti Tahir Muhedini, Kryetar i Partisë për Drejtësi dhe Integrim. Nuk mungonin as disa organizata të ndryshme kulturore dhe artistike të shqiptarve të Nju Jorkut, artistë të kinemasë dhe aktorë që luajn në filma, si Luan Bexheti e të tjerë.

Tre funksionarë të lartë, nga Misioni ynë në OKB dhe konsullata në Nju Jork, me në krye Ambasadorin e Republikës së Shqipërisë në Misionin e Përhershëm pranë Kombeve të Bashkuara, shkëlqesia e Tij z. Adrian Neritani, ambasadori Lublin Dilja, konsulli i përgjithëshëm dr. Albert Jerasi, prisnin të pranishmit.

Në lokalin e mbushur plot me përfaqësues, lider nga organizatat, shoqatat, dhe entet fetare të komunitetit, i jepnin një larmi dhe një pamje tejet festive, Festës së Flamurit, Ditës së Pavarësisë së Shqipërisë. Përfaqësues të shumtë të komunitetit shqiptar në Nju Jork, të ftuar nga Misioni ynë pranë OKB-së, shfrytëzuan festën e 28 Nëntorit, t'i përcjellin përfaqësueseve të shtetit shqiptarë urimet më të mira për këtë festë. Mes pjesmarrësve ishin edhe vatranët me në krye, kryetarin e Federatës PanShqiptare të Amerikës, VATRA, zotin Agim Karagjozi.

"Dita e 28 Nëntorit të vitit 1912, thotë kryetari i Vatrës, zoti Agim Karagjozi, është dita më e ndritshme në historinë moderne të kombit shqiptar. Kjo është ditë e pavarësisë shqiptare, e cila u përgjysmua më vonë. Por, ja që erdhi në saj të kësaj dite edhe pavarësia së Kosovës, dita më fatlume për popullin e shumë vuajtur të Kosovës dhe të gjithë kombin shqiptarë. Pra, një Kosovë e pavarur, një Shqipëri që e ka marrë ftesën në NATO, dhe në miqësi të përhershme me SHBA-të, janë gëzimi i vetënatyrëshëm i të gjithë shqiptarëve." tha kryetari i Vatrës zoti Agim Karagjozi.

Misioni Shqiptar Pranë Kombeve të Bashkuara, theksojë në fjalën e tij shkëlqesia e Tij z. Adrian Neritani, uron të gjithë bashkatdhetarët: Gëzuar 28 Nëntorin!

Ambasadori Neritani, më tej ka theksuar se me rastin e përvjetorit të Festës së Pavarësisë së Shqipërisë, në emër të Misionit që përfaqësoj, ju uroj përzemërsisht që kjo ditë t'i shërbejë secilit prej nesh, atje ku jeton e punon, si ditë krenarie, nderimi dhe reflektimi.

Viti i fundit, thotë ai me të vertëtë ka shënuar ngjarje me përmasa historike për kombin shqiptar. Pavarësia e Kosovës dhe ftesa e Shqipërisë për anëtarësim në NATO janë gdhendur në ndërgjegjen tonë kombëtare si dëshmi të historisë moderne. Këto ngjarje janë kurorëzim përpjekjesh të gjata, madhështore e të kombinuara me faktorë të rëndësishëm ndërkombëtarë. Ne i jemi mirënjohës SHBA.

Këto ngjarje kanë krijuar edhe një sfidë e përgjegjësi më të madhe po aq historike per sot e për të ardhmen. Si dëshmitarë dhe pjesetarë të këtyre zhvillimeve historike, ne kemi shumë arsye të ndjehemi krenarë. Ne kemi po aq arsye t'i transmetojmë të tjerëve vlerat dhe krenarinë tone të trashëguar nga historia, dhe atë që po na përgatit për sfidat e së ardhmes moderne.

Më tej në përshëndetje Neritani, tha se: "Festa e Pavarësisë është gjithashtu edhe një ditë e madhe nderimi për sakrificat e te gjithëve, secili sipas mundësive dhe aftësive, individualisht dhe në organizime respektive. Kjo mirënjohje i drejtohet vecanërisht atyre që nuk janë më midis nesh në këtë përvjetor të Pavarësisë së Shqipërisë. Mirënjohja i drejtohet të gjithë atyre që ndikojnë dhe do të ndikojnë gjithnjë e më shumë që proceset demokratike të përshpejtohen dhe përparimi ynë të jetë i pandalshëm.

Kjo është edhe një ditë e madhe reflektimi. Angazhimet dhe pergjegjësitë apo sfidat me të cilat përballemi janë e do të jenë pjesë natyrale e procesit të zhvillimit të demokracisë institucionale dhe të integrimit euro-atlantik."

Ambasadori ynë pranë OKB-së, shkëlqesia e Tij z. Adrian Neritani, ceku faktin se edhe Komuniteti shqiptar në SHBA ka një meritë dhe vend të vecantë. Angazhimi i tij ndaj shkatërrinit të komunizmit dhe ndërtimit të demokracisë në Shqipeëi si edhe në përpjekjet për shpalljen e pavarësisë së Kosovës janë të pazëvendësueshme.

Kjo është një vlerë me të cilën krenohemi. Përgjegjësitë dhe sfidat e ndërtimit të ekonomisë moderne në një shoqëri të përparuar e demokratike këkojnë nga komuniteti shqiptar në SHBA angazhimin dhe organizimin respektiv. Vlerat e akumuluara dhe të transmetuara, integrimi i natyrshëm dhe pjesëmarrës në shoqërinë amerikane, angazhimi simetrik e respektiv nga të gjithë aktorët e interesuar do të provojnë më së miri që e ardhmja jonë do të jetë më e mirë se e sotmja.