AKADEMI PËRKUJTIMORE KUSHTAR DY VJETORIT TË VDEKJES SË PRESIDENTIT TË KOSOVËS PROF. DR. IBRAHIM RUGOVA

-- nga Beqir SINA, Nju Jork, SHBA

Daci: "Kujtojmë Anteun e Shekullit tonë, ikonën e Pavarësisë së Kosovës Dr. Ibrahim Rugovën"

Arthure Avenue, Bronx - NY: Lidhja Demokratike e Dardanisë, dega Nju Jork e rrethe, mbajti ditën e djelë më 20 janar, një akademi përkujtimore, kushtuar dy vjetorit të vdekjes së Presidentit të parë Kosovës Dr. Ibrahim Rugova.
Akademia, u mbajte ne lokalet e restorantit "Mario's" në Bronx - Nju Jork. Kjo, akademi, u mbajtë edhe kësaj rradhe në shenjë respekti dhe dashurie duke përjetësuar figurën e pakrahasushme të Presidentit të parë të Kosovës, Dr. Ibrahim Rugova, feniksit të Kosovës.

Akademia përkujtimore, u shoqërua me disa fjalime të rastit, materiale këto dedikuar Presidentit të Kosovës Dr. Ibrahim Rugova. Në sallë ishin të vendosur flamuri i Shqipërisë, SHBA-ës, Kosovës(Dardanisë), buqeta me lule të freskta, dhe një portretë i madh në fasadën e murit dhe në qendër të sallës kujtonin figurën e tij. Moderatori i kësaj akademie përkujtimore, ishte sekretari i degës së LDD-së, z. Shkumbin Teta (gazetar). I cili çeli tubimin duke ju kërkuar pjesëmarrësve, që me një minute zi - të nderojnë kujtimin e paharruar të Presidentit të Kosoves. Dr. Ibrahim Rugova, duke i lënë vendin intonimit të himnit kombëtar Shqiptar, Amerikan dhe atë të Kosovës.

Fjalën kryesore e mbajti, kryetari i degës së Lidhjes Demokratike të Dardanisë, për Nju Jork e rrethe zoti Agim Rexhaj, duke thnë se edhe në këtë përvjetor, në këtë rikujtim të Presidentit tonë të madh, Dr. Ibrahim Rugova, sot, mbase më shumë se kurrë, po ndjehet mungesa e liderit të madh, e burrështetasit të madh, e vizionarit, i cili, me jetën, me angazhimin, me punën e me përkushtimin shembullor, solli Kosovën në prag të pavarësisë.

Ai ka nënvizuar më pasë se sot, kur Kosova, po bënë hapat e saj final drejt realizimit të pavarësisë, të shtetësisë e të sovranitetit të saj, figura dhe personaliteti historik i Dr. Ibrahim Rugovës dhe zëri i popullit na obligon pandalshëm të bëjmë hapat vendimtar drejt realizimit të ëndrrës së madhe kombëtare të realizimit përfundimtar të pavarësisë, të demokracisë e të sovranitetit të Kosovës dhe ne besojmë se alternativë e vetme e Kosovës është pavarësia e saj, integrimi në strukturat euroatlantike dhe, siç e thoshte presidenti ynë i madh, miqësia e përhershme me SHBA-të.

Akademinë e përshëndeti edhe sekretari praë i Misionit të Përherëshëm të Shqipërisë pranë OKB-së, diplomati Andris Stasoli." Rugova për shqiptarët ishte person i duhur në momentine duhur, thotë Stasoli. Ai u shfaq para komunitetit ndërkombëtar, dhe përpara nesh, si një lider largëpamës. Përfaqësues i denjë i një populli për të hecur përpara dhe demostruar vlerat e tija më të mira. Ato të lirisë, maturisë e civilizimit. Le ta shfrytëzojmë figurën e tij, për të përballuar sfidat që na presin me kohën.

Ndërkohë që Dr Albert Jerasi, Konsull i Përgjithëshëm i R. Shqipërisë në Nju Jork, në këtë tubim tha se Rugova ishte njeriu që i la Kosovës, përmasat e kontureve të një politikani, shkrimtari e filozofi. Dhe sot, në çdo orë jemi më pranë asaj që punojë dhe sakrifiokojë ai. Çdo ditë dhe çdo orë është duke u realizuar ajo që ëndërronte ai dhe ajo që ai na e la pasë, pavarësia e Kosovës. Së fundi ajo do të jetë përmbushja më e mirë që i bëhet amanetit të presidentit Rugova, ka theksuar Dr. Albert Jerasi, Konsull i Përgjithëshëm i R. Shqipërisë në Nju Jork.

Në emër të Kishës Katolike Shqiptare në Amerikë "Zoja e Shkodrës" foli z. Marijan Cubi, sikurse, nga Federata PanShqiptare e Amerikës dr. Gjon Buçaj. Kryetari i partisë Lëvizja e Legalitetit z. Hakik Mena. Naum Prifti, foli si shkrimtarë i njohur shqiptaro amerikanë. Ndërsa, Agim Aliçkaj në emër të Ligës Qyetetare Shqiptaro Amerikane dhe Lumi Hadri në emër të Këshillit Kombëtar Shqiptaro Amerikanë. Më pasë kujtuan Rugovën edhe kryeredaktori i gazetës shqiptaro amerikane z. Dalip Greca, dhe nga Shoqata Atdhetare Dibrane znj. Shyrhete Hakaj. Në emër të Shoqatës "Çamëria" foli z Majlinda Myrto. Veprimtari i dalluar i komunitetit z. Lekë Gojçaj, dhe nga Rhod Island ingj. nuklear z. Adem Salihaj, si dhe nga Austria, themeluesi i degës së LDD-së, për Austri z Enver Shala, sollën kujtimet e tyre nga takimet me Rugovën.

Zoti Elmi Berisha ish përfaqësuesi i Presdentit Rugova, n/kryetar i degës së LDD-së, për Nju Jork me rrrethe, i thuri lavdi njeriut që më së shumti në jetë e admironte, mikut që më ofrojë ngrohtësinë, mentorit që çdo herë me urtësinë e tij më udhërrefeu për jetën. Inkurajuesit që fjalët e tij më shpien përpara, liderit që dëshirojë të ndjek edhe vizionin dhe rrugën e tij, Presidentit të pavdekëshëm të Kosovës Ibrahim Rugova, ka pohuar ai.Redaktori përgjegjës i gazetës së përditëshme në gjuhën shqipe Bota Sot, z Dervish Jahjaga ne fjalimin e tij tha: "Viti 2008 do të futet në historinë moderne shqiptare si viti i Dr. Ibrahim Rugovës - viti i pavarësisë, vitit i arqitektit të shtetit më të ri në botë - Kosovës. Dr. Rugova i vetmi ia dinte kodin popullit shqiptarë të Kosovës, atë kod e kishte zbërthyer i pari dhe ai kod sot po bëhet publik nën emrin Kosovë e pavarur, tha z. Jahjaga".

U lexua edhe përshëndetja e Akademik Nexhat Dacit, drejtuar kësaj akademie përkujtimore. I cili theksonte në fjalën e tij se jeni tubuar sot, për të kujtura me nderim të veçantë njeriun e madh të kombit shqiptarë, ikonën e shtetit të pavarur të Kosovës, Presidentin historik të Kosovës, Dr. Ibrahim Rugova, i cili dy vjet më parë u nda fiizikisht nga ne. 21 janari i vitit 2006 ishte goditje e rëndë jo vetëm për institucionet dhe politikën shtetërore të vëndit tonë por mbi të gjitha ishte një goditje e rënda për popullin shqiptar të Kosovës.

Në fund ai theksonte se: "Ne sot kujtojmë me mall, por edhe me krenari Anteun e Shekullit tonë, ikonën e Pavarësisë së Kosovës dr. Ibrahim Rugovën. Ne jemi të nderuar që jetuam dhe punuam me këtë burrë të pavdekëshëm të historisë tonë. Ne kemi marrë përsipër që t'ia çojmë në vend vizionin e tij, ta bëjmë shtetin e pavarur të Kosovës, ka përfunduar përshëndetjen për këtë akademi përkujtimore zhvilluar në Nju Jork, kryetari i LDD-së, Akademik Nexhat Daci.