DEMOSTRATË PËR TË DREJTAT E SHQIPTARËVE NË MAL TË ZI

-- nga Beqir SINA, Nju Jork, SHBA

NDALONI VIKITIZIMIN E MALËSISË

Agjentët e fshehtë të policisë malazeze nga zyrat e ambasadës filmojnë dhe fotografojnë protestuesit

WASHINGTON D.C.: Protesta e paralajmëruar drejtuar kundër dhunës së përdorur ndaj shqiptarëve nga pushtetmbajtësit malazez, zhvilluar në kryeqytetin e Shteteve të Bashkuara, Washingtone, DC., morri përmasa më të gjëra. Protesta u mbajtë të hënën (23 qershor), dhe në të morën pjesë disa qindra pjesmarrës. Protestuesit, të cilëve iu ishin bashkuar edhe anëtarë të familjeve të të arrestuarve, fillimisht u ndalën para ndërtesës së Departamentit të Shtetit. Më pasë, protesta u zhvendos para Shtëpisë së Bardhë, dhe është mbyllur me marshin e protestuesve para ndërtesës së ambasadës së Malit të Zi. Më pas një një përfaqësi e protestuesve pati takime në Capitol Hill, në kongres e senat, si dhe me zyrtarë t?7 lart të qeverisë amerikane.

Protestuesit, e organizuar, të cilët erdhën të nisur nga Kisha e Shën Palit - Detroit, dhe një pjesë e tyre nga Bronksi - New York, qenë dëshmitarët të vazhdimit të protestave masive të grupeve shqiptare që janë mbajtur në Detroit, New York, dhe kryeqytetin amerikan Washington D.C. Një ndër pjesmarrësit e kësaj proteste, veprimtari i dalluar Lekë Gojçaj, që kishte udhëtuar nga New Yorku, i tha gazetës Bota Sot, se protestusit treguan kultur dhe demostruan mjaft qetësisht, pa krijuar as më të voglin incident. Duke lehtësuar kështu edhe punën e policisë, e cila e vezhgoi nga afër protestën.

Organizatorët e këtyre protestave masive nëpër qytet më të mëdha amerikane, edhe të hënën u udhëhoqën me moton "Kërkojmë, që pushteti malazez të pushojë shkeljet e të drejtave njerëzore dhe lirive themelore pjesëtarëve të popullit Shqiptar Autokton në Mal të Zi, dhe të lirojë Shqiptarët e paraburgosun të Malësisë, nga burgu në Shpuzë" Protestuesit, thanë gjithashtu se hedhim poshtë akuzat e montueme dhe akcionet policore mizore "Fluturimi i Shqiponjës" kundër qytetarëve të pafaj të Malësisë.

Protestuesit, paqësor mbanin ne duar flamujt shqiptar e amerikan dhe pankarta te shumta ku shkruhej në të dy gjuhët(shqip- anglisht) si dhe vazhdimisht hodhën sllogane, e brohoriten dendur duke denuar shkeljen e te drejtave te shqiptareve nga ky shtet. Ndër parrullat shquheshin ato ku thuhej;, ”Te ndalet brutaliteti i policise ne Mal te Zi", "Duam te drejta te barabarta", "Duam te drejta njerezore per shqiptaret ne Mal te Zi", "Amerike liro te burgosurit tane shqiptar - te pafajshem nga burgjet malazeze", "Pa drejtesi s’ka qetesi në Mal të Zi“ , ”Liro baban tim, Liro xhaxhan tim”,"Lironi vëllezërit Tanë" e tjera.

Shkas për këtë protestë janë bërë kërkesat e vazhdueshme të shqiptarëve nga këto treva, për të drejtat e barabarta : Të drejtave të njeriut • gjuhës • kulturës • punësimit • edukimit • vetëqeverisjes lokale • Komunën e Tuzit. Për t'u mbrojtur nga : Arrestimi ilegal • tortura • profili etnik • keqëtrajtimi/korrupcioni shtetëror • asimilimi • emigrimi i dhunëshëm • konfiskimi i tokave dhe resurseve natyrore. Protestuesit të shumtë në numër, thanë se po kërkojmë që pushteti malazez të pushojë shkeljet e të drejtave njerëzore dhe lirive themelore pjesëtarëve të popullit Shqiptar Autokton në Mal të Zi, dhe të lirojë Shqiptarët e paraburgosun të Malësisë, nga burgu në Shpuzë. Njëhereshit, ata thonë se kemi fakte të hedhim poshtë akuzat e montueme dhe akcionet policore mizore "Fluturimi i Shqiponjës" kundër qytetarëve të pafaj të Malësisë.

Sipas "Zërit të Amerikës", gazetari i saj thotë se "Një zëdhënës i Departamentit të Shtetit i ka thënë "Zërit të Amerikës", se Shtetet e Bashkuara vazhdojnë të ngrenë në nivel diplomatik shqetësimin për kohëzgjatjen e procesit gjyqësor dhe për akuzat, se të ndaluarit janë keqtrajtuar nga policia malazese. Por zëdhënësi ka shtuar se qeveria amerikane nuk është marrë me provat dhe me procesin gjyqësor ndaj tyre. Zëdhënësi thekson "VOA" se qeveria amerikane, është e angazhuar që procesi ndaj të pandehurve të jetë i drejtë dhe ata të trajtohen në mënyrë njerëzore. Sipas zëdhënësit, personeli konsullor i ambasadës amerikane në Mal të Zi ka bërë rreth 20 vizita në mjediset e burgimit të të arrestuarve për të parë gjendjen e tyre shëndetësore,"pohoi "VOA" në fund të protestës.

Vesel Sinishtaj, deputet në Parlamentin e Malit të Zi, i cili mori pjesë në këtë protestë tha se më 15 korrik pritet gjykimi i shqiptarëve që akuzohen nga qeveria malazeze. Sipas tij, deri më 15 shtator, organet malazeze kanë paraljmëruar se do të shpallet gjykimi edhe ndaj policëve të cilët akuzohen për përdorim të dhunës ndaj shqiptarëve që mbahen në burg. "Do të duhej të ndodhte e kundërta. Drejtësia malazeze dë të duhej të merrej së pari me policët që keqpërdorën detyrën e më pas me shqiptarët", tha Sinishtaj dhe shtoi se bashkëatdhetarët që po mbahen në burg për më se dy vjet duhet të lirohen të gjithë si të pafajëshëm".

Viktor Ivezaj, Joseph Dedvukaj, Gjon Lulgjuraj ishin tre nga folësit kryesorë të protestës. Ata paraqitën fakte të shumta mbi diskriminimin e shqiptarëve në Mal të Zi dhe kërkuan lirimin e të gjithë të burgosurve shqiptarë. Ne diskutimiet e tyre, ata thanë, se shteti i korruptuar malazez eshte duke ndjekur nje politik diskriminuse dhe antishqiptare ndaj popullit tone, dhe e denuan ate me force. Në fund të protestës foli dom Alfred Kalaj, i cili bekoi protestën duke iu lutur Zotit që kërkesat e shqiptarëve të pranohen, ndërsa për qeverinë e Malit të Zi, tha se ajo duhet t'i vejë gishtin kokës se s'mund të bëhet asgjë me forcë në dëm të shqiptarëve

Demonstruesit e ardhur nga shtete të ndryshme të Amerikçs si Miçigan, Ilinoi, Nju Jork thanë se janë takuar edhe me kongresmenë e zyrtarë të departamentit të shtetit. Organizatorët e demonstratës u bënë thirrje edhe Tiranës e Prishtinës zyrtare që të ushtrojnë ndikimin e tyre pranë Podgoricës për të nxitur përmirësimin e gjendjes së të drejtave të shqiptarëve në Mal të Zi.

Anëtarët e familjeve të Shqipëtarëve të akuzuem nga Malësia, të bashkuem në Organizatën Jo-Qeveritare "NDALONI VIKITIZIMIN E MALËSISË", bashkë me Organizatat Jo-Qeveritare të Malësisë dhe Partive Politike Shqiptare të Diasporës Shqiptare në Shtetet e Bashkueme të Amerikës lëshuan një deklerat për medien këtu në SHBA-së ku thuhet se:

Protëstojmë kundër veprimit të tyrpshëm dhe sjelljes së bartësve të pushtetit, të cilët në mënyrë të pandëgjueme kanë shkelë integritetin fizik e psikik dhe, me sjellje ultranacionaliste, kanë fye dhe poshtnue të akuzuemit dhe familjet e tyre, mbi baza nacionale, fetare e gjuhësore, dhe kanë përqeshë të Drejtën në Vet-Qeverisje Lokale të Malësisë, bashkësisë të cilës i takojnë të akuzuemit, Diasporën e saj dhe Shtetet e Bashkueme të Amerikës, në të cilën 2/3 e banorëve të Malësisë kanë gjetë strehim - atdhe të dytë, në 3-4 dekadat e fundit.

Brengosje serioze për shkeljen e të drejtave njerëzore dhe lirive themelore në Mal të Zi kanë shpreh të gjitha institucionet relevante ndërkombëtare:

State Departmenti i SH.B.A., Organizata për Siguri e bashkëpunim në Europë, komuniteti Europian për parandalimin e torturës, Komiteti Malazez i Helsinkit për të drejtat njerëzore, Amnesty International, dhe Freedom House.