Shtetet e Bashkuara hapin të parat ambasadën në Kosovë

-- nga Beqir SINA, Nju Jork, SHBA

Tina Kaidanov është ambasadorja e parë amerikane në Kosovë

The President intends to nominate Tina S. Kaidanow, of the District of Columbia, to be Ambassador Extraordinary and Plenipotentiary of the United States of America to the Republic of Kosovo.

Presidenti Bush ka bërë me kast, se ka emëruar Tina S. Kaidanow, nga Distrikt Kolumbia, Ambasadore të Jashtëzakonëshme e Fuqiplote të Shteteve të Bashkuara të Amerikës në Republikën e Kosovës.

PRISHTINE - KOSOVE: Presidenti amerikan George W. Bush, emeron Tina Kaidov ambasadore në Kosovë. Shtëpia e Bardhë bëri të ditur se diplomatja Tina Kaidanov ka një përvojë të konsiderueshme diplomatike në Ballkan. Presidenti amerikan George W. Bush emëroi diplomaten Tina Kaidanov në postin e ambasadores fuqiplotë të SHBA-ve në Kosovë. Lajmi është konfirmuar nga Shtëpia e Bardhë. Kaidanov deri tani ka kryer misionin e diplomates së parë në Kosovë, ndërsa për fuqizimin e vendit përfundimtar pritet edhe miratimi i Senatit dhe Kongresit Amerikan. Shtëpia e Bardhë bëri të ditur se diplomatja Tina Kaidanov ka një përvojë të konsiderueshme diplomatike në Ballkan, duke qenë në shërbime në Bosnjë, Maqedoni, Serbi dhe Kosovë.

Zyra e SHBA në Prishtinë u bë zyrtarisht të martën (8 prill 2008) ambasada e SHBA në Kosovë. Shtetet e Bashkuara ju bashkuan Britanisë së Madhe, Gjermanisë, Shqipërisë dhe Zvicrës në hapjen e ambasadave në Kosovë që kur Kosova shpalli pavarësinë nga Serbia në 17 shkurt. Zyra e SHBA në Prishtinë u bë zyrtarisht më 8 prill 2008. Ndryshimi pasqyrojë një fazë të re në angazhimin e Uashingtonit ndaj një shteti të ri të pavarur, thanë zyrtarët e SHBA.

"Si një rrjedhojë e zgjedhjes së statusit të ri të Kosovës si një vend i pavarur, i njohur nga shumica e vendeve më të fuqishme e më të begata të botës, ne na është dhënë leja tani nga kongresi i SHBA për të hapur zyrtarisht një ambasadë të plotë të SHBA," thoshte ish e ngarkuara me punë Tina Kaidanov, tash ambasadore fuqiplote në Prishtinë.

Misioni i parë i SHBA në Kosovë u vendos në 6 korrik 1996 dhe ka luajtur një rol të rëndësishëm në vendimet e rëndësishme.

"Ndërsa Zyra e SHBA në Prishtinë ka operuar për shumë vjet me të gjitha përgjegjësitë dhe detyrat e një misioni të ngarkuar diplomatik, përcaktimi si një ambasadë pasqyron një fazë të re në zhvillimin tonë dhe nënvizon angazhimin tonë të thellë e të gjatë për të punuar në përparimin e Kosovës dhe të gjithë popullit të saj," citohet të ketë thënë në ditën e inagurimit ish shefja e misionit amerikan në Kosovë Tina Kaidanov.

"Çdo ditë, ne përfshihemi në përpjekjet që kanë për qëllim përmirësimin e jetëve të njerëzve të zakonshëm në Kosovë dhe trajtimin e nevojave të shumë komuniteteve të ndryshme etnike të Kosovës," shtoi ajo.

Misioni i SHBA ka punuar për të përmirësuar ecurinë ekonomike të Kosovës, për të zhvilluar institucionet e saj demokratike, për të kremtuar trashëgiminë e saj të ndryshme kulturore dhe etnike dhe për të garantuar të drejtat e plota për të gjitha komunitetet etnike. "Ne kemi zhvilluar kontakte me një rang të madh njerëzish nga çdo prejardhje dhe orientim politik dhe ne vlerësojmë njohuritë dhe opinionet që ata kanë ofruar," - tha Kaidanov.

Presidenti i Kosovës Fatmir Sejdiu, i cili ndoqi ceremoninë e së martës, perifrazoi presidentin e vdekur Ibrahim Rugova, i cili lavdëroi miqësinë midis Kosovës dhe Shteteve të Bashkuara. "Shtetet e Bashkuara është miku ynë dhe ne do të bashkëpunojmë ngushtë." Rugova patë deklaruar me largëpamësi se "Pavarësia e Kosovës vjen me meqësin e përjetëshme të Amerikës". I ndjeri Rugova ishte njëri ndoshta nga të vetmit lider shqiptarë, që besonte se "Pavarësia e Kosovës do të vinte vetëm nga SHBA", kështu mendojnë shumë analistë.

Ndërkaq, presidenti Sejdiu pati thënë gjatë asaj ceremonie me 8 prill 2008, se hapja e ambasadës ishte vetëm njëra pjesë e vendosjes së lidhjeve diplomatike. Pjesa e dytë vjen kur Kosova të hapë ambasadën e saj në Uashington. Çka kjo pritet të ndodhë nga mesi i muajit të ardhëshëm - qershor.

Sakaq, kësaj ngjarje, kryeministri Hashim Thaçi i ka bërë jehonë kësaj ideje duke thënë se hapja ishte më tepër se një ndryshim statusi. "Fuqizimi i kësaj zyre me statusin e ambasadës i thotë botës se Shtetet e Bashkuara ka besim te Kosova. Dhe ne si një popull përulemi me nderim."

"Ndërsa Kosova vazhdon në udhëtimin e saj midis vendeve të lira e demokratike në botë, ne kurdoherë do të kemi një vend të veçantë në zemrat tona për popullin e Shteteve të Bashkuara të Amerikës," shtoi Thaçi.