Në New York shënohet 97-vjetori i Kryengritjes së Malësisë së Madhe dhe Pavaresia e Kosovës

-- nga Beqir SINA, Nju Jork, SHBA

Kryengritja e "Malësisë së Madhe" ka qenë burim frymëzimi për Ushtrinë e Kosovës gjatë luftës për liri e pavarësinë e Kosovës

BRONX - New York City: Shoqata Atdhetare"Dedë Gjo Luli" dhe Fondi Humanitar "Malësia", organizojë të shtunën në mbrëmje, në lokalin "Maestros" në Bronks - Nju Jork, mbrëmjen festive me rastin e 97-vjetorit të "Kryengritjes së Malësisë së Madhe". E njohur, kjo, më pasë si Kryengritja e Malësisë e vitit 1911 - në dhjetëvjeçarin e parë i shek XX të vitit 1911-të. Kjo ngjarje shënon një faqen më të ndritur e të paharrueshme të qëndresës burrërore të malësorëve të Mbishkodrës, e cila tashmë mbetet e mirenjohur historikisht, me emrin Kryengritja e Malesise se Madhe. Kryengritja e Malësisë e vitit 1911 e udhëhequr nga Dedë Gjo Luli, shihet nga malësorët dhe historianët, si kthesë e rëndësishme në historinë e popullit shqiptar.

Në këtë eveniment tradicional të këtyre malësorëve në Amerikë,çdo vitë janë të ftuar lider dhe personalitete të shquara të komunitetit, veprimtarë dhe aktivistë të çështjes kombëtare. Në mbrëmjen festive me rastin e 97-vjetorit të "Kryengritjes së Malësisë së Madhe",Shoqata Atdhetare"Dedë Gjo Luli" dhe Fondi Humanitar "Malësia", kësaj rradhe ftuan si mysafirë special edhe ish-kryeministrin e Kosovës, gjeneral Agim Çekun. Grupe muzikore të pranishëme në këtë solmnitet, krijuan një atmosfer të bukur festive.

Nderin më të madh në këtë festë, e cila ishte e ndërthurur edhe me tre ngjarje të mëdha të këtij viti, pavarësinë e Kosovës, marrjen e ftesës për në Nato të Shqipërisë, dh shpalljen të pa fajshëm dhe lirimin e Ramush Haradinajt, konferencieria, e këtij solemniteti z. Blina Sheholli,u a bëri mysafirëve të nderuar. ajo tha se kemi nderin e veçantë që këtë mbrëmje, ta përjetojmë së bashku me praninë e disa mysafirëve te nderit, të cilët, e gjetën kohën të na bashkangjiten në këtë kremtim. Ata janë tha ajo duke respektuar çdo njerin prej tyre: Dom Pjeter Popaj – Famulltari i Kishës Katolike Shqiptare “Zoja e Shkodrës” në Hartsdale, NY.Gjeneral Agim Ceku – Ish-Kryeministër i Kosovës, Adrian Neritani – Ambasadori I Republikes se Shqiperise prane OKB-se, Maliq Çunmuluaj – Kryetar i Komunes Urbane te Tuzit, Dr. Albert Jerasi - Konsull i Përgjithshëm i Republikës së Shqipërisë në New York. Ambasadori William Walker – Miku i cmuar i popullit Shqiptar, Shirley DioGuardi – Këshillëtare e Cështjeve Ballkanike prane Ligës Qytetare Shqiptaro-Amerikane (AACL).Joseph DioGuardi – ish-kongresmen American, Fadil Idrizi – Kryetar i Shoqates Atlantiku,Viktor Ulaj – Këshillëtar i Gjenerali. Agim Çekut, Magjister nga Yale Univrsit, Leze Vata Lazari – Themeluese e SH.K.A “SHTOJ”, si dheRita dhe Adem Saliu – veprimtare te njohur te komunitetit shqiptar, të cilët sollen në festë edhe tre fëmijë nga Drenica, për të cilët janë kujdesuar gjatë shërimit të tyre.

Poashtu, sonte kemi ftuar edhe përfaqësues të organizatave dhe shoqatave Shqiptare me veprim në SHBA: nga KKSHA –zotin Avni Mustafa, nga Levizja Atdheu na Bashkon – avokatin Sabri Gjoni, nga Federata Panshqiptare e Amerikes Vatra – zotin Agim Karagjozi, dhe nga shoqata e grave shqiptare në SHBA, "Motrat Qiriazi "– znj. Elmira Muja.

Mirpo, vijoj udhëheqësja e programit festiv, njëkohësisht, falënderojme me pjesëmarrjen e tyre edhe pjesëtaret e shqypit, medijës shqiptare në komunitetet, si dhe ata të cilët zgjodhen të na argëtojne sonte: këngëtarin popullor Gëzim Nika me orkestër, anëtarët e Shoqates Bashkimi Kombëtar, dhe grupin ‘Rozafati’ pranë Kishës Katolike Shqiptare në Amerikë “Zoja e Shkodrës” NY. Momenti që do të përcillej me “Vallën e Flamurit” të pergatitur nga:, Angjelina Nika dhe ekzekutuar nga Grupi ‘Rozafati’, shënojë hapjen e festës.

Ndërkohë, në emer të komisionit organizativ, z. Kole Cacaj, kryetar i Fondit Humanitar “Malësia deklarojë hapjen e këtij festimi. Të nderuar Zonja dhe Zotërinj, theksojë zoti Cacaj mirëmbrëma dhe mirë se keni ardhë në shënimin e 97-vjetorit të Kryengritjes së Malesisë së Madhe dhe celebrimin e Pavarësisë së shtetit më të ri në botë, Republikës së Kosovës. Kjo mbrëmje, simbolike e së drejtës universale për liri dhe luftës për të, shënohet në komunitetin tonë me dekada. Edhe sonte, foli më pasë Cacaj, si më parë, jemi interesuar që së bashku me ju të krijojmë një atmosferë shëmbullore, me shpresë se kujtimi kah vendlindja, tradita, kultura e vecmas historia jonë e cmuar, të zëjne vend të posacëm. Në dallim me festimet e mëhershme, sonte festojmë edhe shpalljen madhështore të Pavarësisë së Kosovës. Republika e Kosovës, si rezultat i përpjekjeve të përbashkëta kombetarë dhe ndërkombëtare, paraqet kulminimin e cështjes shqiptare në Ballkan dhe mbarim të një kapitulli të gjatë të historisë tonë Europiane. Ai permedni edhe pranimine Shqipërisë në Nato si dhe velersojë lart shpalljen të pafajshëm të Gjenaral Ramush Haradinajt.

Më pas konfrerencieria, znj. Blina Sheholli, theksoi faktin se për organizimin e kësaj darke ishin të kujdesur shoqatat humanitare Shoqata Atdhetare ‘Dedë Gjon Luli dhe Fondi Humanitar ‘Malësia’e Madhe ". Duke pasur parasysh se jemi në fillim të programit, tha ajo ju ftoj që të ngrihemi në këmbë dhe të ndjekim intonimin e himnit kombëtare Amerikan dhe atë Shqiptar. Të nderuar mysafirë, në shenjë kujtimi, përshëndetje dhe respekti, ju ftoj gjithashtu që të ngrihemi në këmbë dhe ti kushtojmë një çast heshtje të gjithë dëshmorëve kombëtar shqiptar.

Në vazhdim - ajo ftoi, Dom Pjetër Popaj, që sipas traditës, të bekojë darkën e mbrëmjes.

Duke bekuar darkën, famullitari i kishës Katolike Shqiptare në Amerikë, Dom Pjetër Popaj, tha se “Sonte kemi një gëzim të dyfishtë për pavarësinë e Shqipërisë – Ftesën për në NATO dhe pavarësinë e Kosovës dhe nuk ka shqiptar që të mos e falenderojë Zotin në qiell dhe Amerikën në tokë për këto fitore të mëdha. Populli ynë i vuajtur ndër shekuj ka pasur Zotin në ndihmë. Kjo i ka bërë shqiptarët, që t’u qëndrojnë edhe perandorive më të fuqishme të botës. Këtë e këmi përjetuar edhe në kohën tonë me ngjarjet në Kosovë. Shqiptarët u sulmuan në trojet e veta nga hordhi të armikut njësoj si në kohë të mëparshme, shqiptarët nuk u dorëzuan, nuk u tjetërsuan, ata qëndruan sikurse burrat e mocëm, sikur edhe Dedë Gjo Luli me trimat e malësisë nxorën në dritë Flamurine Kastriotit, flamurin kuq e zi të Shqipërisë, Kosovës, Camërisë, gjithë shqiptarëve.

Sot, çdo armik i kombit tonë duhet të mendohet dy herë se nuk jemi më një shtet, por dy shtete shqiptare në Ballkan. Zoti na ka dhënë mundësinë, të qëndrojmë në trojet tona. Hyrja e Shqipërisë në NATO, e ka fuqizuar edhe më tepër sigurinë e popullit tonë. Duruesi ka qenë fitues gjithëmonë. Qëndrushmëria, jonë është një mrekulli që ka pasë me vete edhe ndihmkën e Zotit.

Kjo kryengritje, theksojë Popaj, e vitit 1911 që kremtojmë sot dhe kjo pavarësi e Kosovës e vitit 2008, të na frymëzojnë, që të falenderojmë Zotin dhe herojtë e popullit tonë, që nuk e kursyen jetën e vet për të na sjellë ne paqen dhe lirinë. Të falenderojmë Zotin për motrën tonë, të lumturën tonë, Nënën Tereze, që me dashurinë e saj në të lumin Jezu Krisht, shpreh bujarinë shqiptare, duke u shërbyer më të varfërve ët botës.Le të fryëmëzohemi që të jemi më të bashkuar me njëri-tjetrin, të mos shohim gjërat që na ndajnë, por ato që na bashkojnë, ka përfunduar lutjen e tij famullitari i kishës Katolike Shqiptare në Amerikë, Dom Pjetër Popaj

Më pasë e mori fjalën Ambsadorin William Walker, i cili tregojë se ishte thellësisht i prekur për ftesën e bërë dhe për pjesmarrjen në këtë festë të bukur. Unë jamë pjesë e juaja e këtyre celebrimeve, që u dhuroi ju viti 2008, ka cekur amabasdori Wallker, duke thënë se e kam për nder që të jem edhe qytetar shqiptarë në këto festime me ju. Njëherëshit, ai nënvizoi se dita më e bukur për ju dhe për mua do të jetë dita kur më 17 shkurt 2008, në Prishtinë, shqiptarët nëshkruan pavarësinë e Kosovës, shtet të lirë e sovranë. Unë, pohojë ai ashtu si edhe ju - ndjeva një kënaqësi të papërshkrueshme, ditën kur edhe lindi shteti më i ri i Europës - Kosova.

Mirpo, tha ambasdori William Walker, heroi i Reçakut, ditë më të bukura erdhën për shqiptarët,Shqipëria, ishte ajo që mori ftesën për t’ju bashkëngjitur Aleancës më të fuqishme ushtarake botërore - NATO-së, duke qënë ajo një ditë që u përcoll me emocione të mëdha nga kryeministri i Shqipërisë z Sali Berisha. Sakaq, ai kujtojë se një vitë më parë ishte Fatmir Limaj ai që doli i pafajëshëm, por, edhe kur heroi i luftës dhe i paqes kosovare, Ramush Haradinaj, u lirua nga akuzat e Tribunalit të Hagës për krime lufte, edhe pse kundër tij ishin ngritur 37 akuza. Çka tregonte se lufta për çlirimin e Kosovës ishte një luftë e drejtë, ka potencuar në fjalën në tij Ambsadorin William Walker.

Me ovacione të fuqishme u pritë fjala e Gjeneral Agim Çekut, ish kryeministrit të Kosovës

Falenderoi organizatorët për ftesën. Ndjehem i obliguar tha ai që m'u besua ftesa për të qenë I ftuari I nderit I kësaj mbrëmje që ka në qendër Kryengritjen e Malësisë së Madhe, që është një ndër ngjarjet e mëdha të historisë sonë kombëtare. Ndjehem shumë mirë sonte në këtë mjedis kaq të ngrohtë, kaq miqësore dhe kaq bujare. Malsorët kanë qenë dhe janë shpirti e zemra e shqiptarizmit. Ashtu sic e ka emrin "Malësia e Madhe", të mëdha i ka të gjitha vlerat, që ne na identofikojnë si komb shqiptar: Nderi, krenaria, trimëria, besa, bujaria. Këto vlera i kemi të gjithë si komb, por më të shumta keni ju malsorët.Sot jemi këtu për të nderuar historinë, Kryengritjen e Malsësisë së madhe, trimin Dedë Gjo Luli, por jemi edhe për nëj arsye tjetër, për të promovuar pavarësinë e Kosovës.

Në emër të qytetraëve të Kosovës, në emër të vetë Kosovës, Çeku falenderoi për kontribtin e madh që shqiptarëte Amerikës i dhanë Kosovës gjatë luftës. Lufta për lirinë e Kosovën, nuk ka qenë vetëm e Kosovës, por luftë e të gjthë shqiptarëve kudo që janë ndajë, të gjithë ne jemi pjesë e fitores. Lufta jonë ka qenë luftë clirimtare, luftë e imponuar, luftë e drejtë. Këtë e dëshmoi edhe mbrojti edhe Ramush Haradinaj, i cili u shpall i pafajshëm nga Gjykata Ndërkombëtare Hagës. Pafajsia dëshmoi se shqiptarët nuk janë popull që vrasine presin civilë të pafajshëm, gra apo fëmijë, sic u akuzuan. Ne, tha Çeku, kemi luftuar kundër pushtuesit serb dhe aparatit represiv, policor e ushtarak e paraushtarak.

Historia e shqiptarëve ëshët e mbushur me beteja, kryengritje për liri, nëj ndër to ishet edhe Kryengritja e Malësisë së Madhe, e cila përbën një ndër ngjarjet më të ërndësishme të historisë kombetare. Kjo kryengritje paralajmëroi Evropën për ngjarje të tjera dhe e solli në qendër të vëmendjes edhe cështjen shqiptare. Jemi sot këtu që t'i nderojmë ata trima që e bënë atë kryengritje, t'i nderojëm ata burra e gra, që guxuan dhe u ngritën kundër pushtuesit, të nderojëm të madhin Dedë Gjo Luli, por edhe ata qe ndihmuan dhe ju bënë krah si Luigj Gurakuqi, Hilë Mosi, Risto Siliqi, Mehmet Shpendi… Të gjithë ata burra hynë në historinë e Shqipërisë. Moment i vecantë kësaj kryengritje është ngritja e flamurit në Bratilë me 6 prill 1911. Ne mburremi me këtë ngjarje të rëndësishme të historisë sonë kombëtare. Kjo kryengritje ka qenë burim frymëzimi për Ushtrinë e Kosovës gjatë luftës për liri.

Më pas z. Çeku, tha se Kosova dhe të gjitha trojet shqiptare ndjehen më të sigurta me Shqipërinë në NATO. Jemi me fat, tha ai, se kemi në krahun tonë Amerikën, që na ka përkrah si për pavarësinë e Kosovës ashtu edhe në marrjen e Shqipërisë të ftesës për në NATO.

Me rradhë më pasë përshëndetën këtë tubim edhe Ambasadori i Republikës se Shqipërisë pranë OKB, Z. Adrian Neritani, z. Maliq Çunmulaj, kryetar i Komunës Urbane të Tuzit, Presidenti vullnetarë i Lidhjes Qytetare Shqiptaro Amerikane Jospheph J. DioGuardi dhe Këshilltarja e Çështjeve Ballkanike, znj. Shirley Cloyes DioGuardi, Drejtori Egzekutivë i Këshillit Kombëtar Shqiptaro Amerikan Z. Avni Mustafaj.