Vatra angazhohet me të gjitha forcat për zgjidhjen e çështjes shqiptare

VATRA e palëvizëshme nga roli dhe kontributi i saj historik

MIDDLESEX - NEW JERSEY: Çështja e pavarësisë së Kosovës, ishte temë kyçe e bisedës së një takimi të vatranëve – dhe aktiviteti i VATRÉS, gjatë këtyre dy muajve deri në mbyllje të këtij viti. Krahas shoqatave dhe organizatave të tjera atedhetare, Federata Pan-Shqiptare e Amerikës, VATRA, për çështjen shqiptare nuk bënë ndonjë aktivitet të bujshëm, por ajo është e vendosur dhe e palëvizëshme nga roli dhe kontributi i saj historik, u tha dje ne takimin e bërë në lokalin "Carpaccio" Middlesex, Nju Jersi, pronë e vëllezërve Çejku.

Federata Panshqiptare e Amerikës VATRA nën drejtimin e kryetarit të saj - inxh. Agim Karagjozit, dy nënkryetarëve Agim Rexhaj, Dr. Gjon Buçaj, si dhe anëtarëve të tjerë të kësaj shoqate atdhetare, Jonuz Ndreu, Zabit Bytyçi, Zef Bala, Haxhi Hysenaj, Zef Përndocaj, Xhevat Ndreu, Muhamet Omari, Astrit Ndreu e tjer, ka filluar edhe përgatijet për festimin tradicional të 28 - Nëntorit, ditës së Flamurit Shqiptarë, Shpalljen e Pavarësisë së Shqipërisë.

Gjatë takimit të vatranëve, u zhvillua dhe një fushat e vogël fondmbledhëse, e cila, do t'i dedikohet renovimit të përgjithshëm të ndërtesës së VATRÉS. U lavdërua puna e bërë deri tani prej aktivistit të dalluar, vatranit Sejdi Hysenaj, i cili, sipas kryetarit të Vatrës, Karagjozit, ka marrë përsipër me shpenzimet e tija, punimet në disa pjesë të ndërtesës katër katëshe pronë e VATRÉS. Afaristë të sukssëshëm shqiptar dhe aktivistë të dalluar të çështjes shqiptare, dhanë ndihma modeste financiare. Në shenjë mirënjohje kryetari i Vatrës, Karagjozi, shprehu fjalët më të mira dhe e vlersoi ndihmën e çdonjerit prej tyre.

Inxh Agim Karagjozi, kryetari i vatranëve dhe anëtarët e tjerë të kryesisë, diskutuan edhe rreth marrëdhënieve të mira që egzistojnë midis kësaj shoqate patriotike e atdhetare, krijuar para njëqind vjetësh, dhe shoqatave e organizatave të tjera në komunitet. Ata thanë që të punohet më shumë për ndërkombëtarizimin e cështjes shqiptare dhe sensibilizimin e politikanëve amerikanë e europianë. VATRA, po i kushton një rëndësi të veçantë pavarësisë së Kosovës, sidomos tash pas shtyrjes së satutit të saj final. VATRA, u tha aty është e gatshme të luaj rolin e saj e të jap kontributin e saj për zgjidhjen e kësaj çështje," tha kryetari i Vatrës inxh Agim Karagjozi.

Kryetari i Vatrës, z A. Karagjozi, në emër të Federatës Panshqiptare të Amerikës VATRA, ka premtuar , se VATRA do të jetë busulla e patriotizimit, demokracisë dhe lirisë së shqiptarëve, në Shqipëri, Kosovë, Çamëri, Diasporë, e në të gjitha viset shqiptare. Ai tha se të gjitha frocat e djathta, atdhetare, patriote e demokrate, forca të cilat punojnë e kontribujon për Shqipërinë, do të kenë në çdo kohë mbështetjen dhe ndihmën e pakursyer të Vatres dhe vatranëve. Në vazhdimim, u folë edhe për zhvillimet politike në Shqipëri e Kosovë, ri-ngjalljen e forcave të errta komuniste, me nostalgjinë e tyre, për të rikthyer diktatorin Enver Hoxha, nga Partia Socialiste, kryetari i saj Edvin Rama, Skender Gjinushi, Neritan Ceka, Paskal Milo & Co. U dënua njehereshit, një zëri vizita e ish - presidentit komunistë Ramiz Alia në Kosovë. Dhe u kërkua që shqiptarët të distancohen fuqimisht nga shfaqje të këtilla me fytyra të tilla si ai dhe kompania e Fatos Nanos.