Redaktor: Arben Ymeri
Reçenzent: Abaz Elezi

E drejta i rezervohet autorit

Romanin "Çami" në vargje mund ta porositni duke i dërguar e-mail autorit!
Vendroja 1981

1
Vendroja ku ushtarët ruajnë,
Eshtë e mirëmaskuar,
Se nga përtej grekërit gjuajnë,
Vrasin e ndjehen të gëzuar.

2
Vendroja me postën ndërlidhen
Me një transhe të mbuluar,
Breza ushtarësh u ndrydhën,
Në lagështinë e dheut ngujuar.

3
Vija e kufirit gjarpëron,
Nga bregu i detit të trazuar,
Pranë, para vendrojes kalon,
Ngjitet maleve duke rënkuar.

4
Matan fshatrat shikohen,
Çamëria më e tronditur ndër ata,
Të pabesueshmet kryqëzohen,
Në jug të lumit Kalama.

5
Ushtari Myfit tek qëndron,
Shumë dinte për Çamërinë,
Shërbimit me veten gjykon,
Pse ruan (!) aty ai Greqinë?

6
Babai i kishte rrëfyer:
"Grekërit ç’ju kishin punuar!?
Zervën ju kishin ndërsyer!
Mizorisht i kishin zbuar!

7
Të atin ia kishin vrarë!
Vëllain therur me bajonetë!
Nënën tërhequr zvarr’!
Një skenë rrënqethëse vërtetë.

8
Zervistët papushim kërcënonin,
Tek shtronin të miturit në dru,
Në gjuhën e tyre shqiptonin,
- O gar thanatos sou zoi mou*".

9
Të gjitha, të gjitha i dinte,
Përbrenda ndjente hidhëtirë,
Në zemër një pikë i ndrinte,
Shkëndijë rrethuar me hapsirë.

10
Kooperativa e kishte rregjur,
Mohuar e drejta për studim,
Vërejtje i kishin tërhequr,
Për modë e liberalizim.

11
Një gjë dot se kapërdinte,
Fshehtas në repart i kërkuan,
Firmë për spiun të vinte,
Disa orë me të debatuan.

12
"- Gjyshin grekërit ta vranë,
Por dhe ne kështu do ja bënim,
Se ai ishte pro gjerman,
Njëlloj do ta ekzekutonim.

13
Por dhe atë tjetrën ne e dimë,
Nga grekërit shumë keni pësuar,
E nuk kemi aspak dyshim,
Do jeni ruajtës i betuar.

14
Mirpo në repart ka llojë-llojë,
Megjithse i kemi zgjedhur,
Ndonjë mundë të tentojë,
Andej tek ata për t'u hedhur!!!

15
Partia për çamët ka bërë,
Ju dha të gjithëve strehim,
Ndaj çamët pa dallim të tërë,
Të ndihmoni deri në flijim".

16
Myfiti qëndroj i qetë,
- Ashtu pohoj me zë të gjatë.
- Kujt mos ia trego këtë sekret!?
Firmë do vësh një tjetër natë...

         * * *