EXIT, filmi kosovar në festivalin e Nju Jorkut shpërblehet me çmimin "Best Cinematography"

Filmi EXIT është shpërblyer me çmimin "Best Cinematography". Prandaj mes gëzimit dhe entuziasmit ato shkruajnë nga deshira t'a ndajnë këtë lajm të mirë edhe me gazetën Bota Sot, dhe të gjithë ata që i kanë përkrahur dhe i nderuan me prezencën e tyre në shfaqjen e filmit në Metropolin e botës qytetin e famshëm të New Yorkut e qindra e mijëra shqiptarëve. Në mesazh ato thonë se edhe njëherë ju falenderojmë për të gjitha me shpresë të takohemi sërish në të ardhmen, shkruajnë motrat Lendita e Blerta.

BENSONHURST - BROOKLYN NY: Në Festivalin Ndërkombëtar të Filmit të Pavarur në New York, filmi shqiptar nga Kosova EXIT është shperblyer me çmimin "Best Cinematography" . Kjo ka ndodhur mbrëm kur edhe u ndanë çmimet e në metropolin amerikan, Nju Jork, qytetin e më se 12 milion banorëve. Qytetin kur për 10 ditë me rradhë, prej datës 10 nëntor deri më 20 nëntor 2005, u zhvillua festivali i filmit artistik dhe dokumentar "Festivali Nderkombetar i Filmit te Pavarur". Ky festivali i filmit në Nju Jork, u ndoq nga specialistë, komentatorë, artistë, regjizorë, kritikët, dhe gazetat e revistat më të njohuara të njujorkeze, si dhe nga më të njohurat në botë, si :"The New York Post, “New York Times”, “Daily News”, “The Times”, “The Weekly, “Variety”, “Time Out” NY, “Wall Street Journal”, “Movie Maker” etj.

Në këtë festival sipas organizatorëve të "NYIIFVF", u shfaqen të gjitha rangjet e filmave dhe dokumentareve, prej metrazhit të shkurtër, të mesëm dhe të gjatë. Sipas tyre pati edhe filma vizatimorë, spote komerciale të realizuar artistikisht, nga e gjithë bota. Qëndra e kinemave në "Village East Cinema", në Manhattan, është çdo vitë në këtë kohë edhe skena e madhe e shfaqjeve botërore, ku zhvillohet Festivali Ndërkombëtar i Filmit të Pavarur. Aty për 10- ditë me radhë, në multikompleksin "Village East Cinema", shikuesit njujorkez, njërëz të kinematografisë botërore, kulturës e artëdashës vendas e të huaj, kanë rastin të ndjekin në "perden e bardhë" rreth 325 filma. Kësaj rradhe ky festival, u çel më datën 10 nëntor, ora 12:00 e mesditës.

Ndërkaq, befasia ndoshta e këtij festivali, dhe kënaqësia e shqiptarëve në Amerikë, ishte dita e mërkurë 16 Nëntor 2005, në mbrëmjes, ditë kjo kur në kinemanë numër 3, u shfaq filmi shqiptar në këtë festival. Me shfaqjen e filmit “EXIT’ të dy regjisorove nga Kosova motrave Blerta e Lendita Zeqiraj, kinematografia kosovare, u bë prezente dhe konkurente, duke promovuar njëkohësisht edhe vlerat më të shkëlqyera të kinematografisë shqiptare në Kosovë, edhe në metropolin e botës, Nju Jork.

Tematika që trajtohet, surprizat dhe kritikat pozitive të filmit, që konkuron në mes të 300 pretendenteve të tjerë nga e gjithe bota në "Festivalin Nderkombetar i Filmit te Pavarur" të regjisoreve shqiptare, shtjellon një ngjarje nga lufta e fundit në Kosovë, ku tre persona fshihen në një apartament për të shpëtuar jetët e tyre. Mungesa e ushqimit dhe e informacioneve në lidhje me atë se çfarë po ndodhte jashtë e bën situatën edhe me të tendosur. Mes tyre krijohet një miqësi e ngushtë, të cilën nuk e kanë patur më parë, por në të njejtën kohë kjo situatë e pazakontë, i largon ata nga njeri-tjetri si asnjëherë me parë.

Meqense që të dy produksionet kanë të njëjtën temë dhe të njëjtin titull, për sqarim duhet cekur se :" Filmi EXIT i metrazhit të shkurtër, është prodhim i vitit 2002 dhe ka marre pjesë në shumë festivale ndërkombëtare (Lozanë - Zvicerr, Milano-Itali, Ismailia-Egjipt, Ankara- Turqi, Pekin-Kinë, Oberhousen-Gjermani, Barcelonë - Spanjë etj.) dhe ka marrë 3- çmime ndërkombëtare:1) Në Festivalin Internacional të filmit në Caen(Kanë) të Francës, dhe është shpërblyer me çmimin Grand Prix në vitin 20032) Në Festivalin Internacional të filmit në Losanë të Zvicrres me çmimin "Best Narrative short" në vitin 2003 3) Si dhe në Festivalin Internacional të Tiranës me çmimin "Best Albanian Short Film" në vitin 2004 . Ndërsa filmi i metrazhit të gjatë EXIT, ky që u shfaq edhe në Festivalin Ndërkombëtar të Filmit të Pavarur në New York, është prodhim i vitit 2005- dhe premierën e tij e ka pasur për herë të parë në SHBA-s - Los Angeles (në shtator 2005), ku edhe mori çmimin e parë, si dhe në New York (në 16 nëntor 2005) ku edhe mori çmimin e dytë ndërkombetarë, shpërblyer me çmimin "Best Cinematography".

Postprodukcionin e filmit të metrazhit të gjatë EXIT, e kanë bërë: Carl STEVENSON, Armel HOSTIOU, Emmanuel BONNAT, Amaury GROC, Geraud DOLET, Skenarin dhe regjinë e kanë bërë Lendita Zeqiraj dhe Blerta Zeqiri, ndërsa asistent regjie i filmit EXIT, me metrazh të gjatë, është Bujar Kabashi.

Dje, më 7 dhjetor 2007, Juria ndërkombëtare e Festivalit Ndërkombëtar të Filmit të Pavarur në Nju Jork, ka shpallur edhe çmimet fituese. Motrat Zeqiraj, bëhet e ditur se kanë arrirë një sukses të madh në këtë festival. Ato kanë marr lajmin për ndarjen e çmimet në New York, dhe janë njoftue nga Juria e festivalit që filmi i tyre EXIT është shpërblyer me çmimin" Best Cinematography". Prandaj mes gëzimit dhe entuziasmit ato shkruajn nga deshira t'a ndajnë këtë lajm të mirë edhe me gazetën Bota Sot, dhe të gjithë ata që i kanë përkrahur dhe i nderuan me prezencën e tyre në shfaqjen e filmit në Metropolin e botës qytetin e famëshëm e më se 12 miljon banorëve New Yorkun e qindra mijra shqiptarëve..Në mesazh at o thonë se edhe njëherë ju falenderojmë për të gjitha me shpresë të takohemi sërish në të ardhmen, shkruajn motrat Lendita e Blerta.

Ndërkohë që itinerari i filmit kosovar ka nisur që nga Shqipëria me pjesëmarrjen e tyre në edicionin e kaluar të filmit me metrazh të shkurtër .Ndërsa në Festivalin e filmit në Lozanë të Zvicrës të emërtuar "Lausanne Underground Film & Music Festival", pjesëmarrja e dy regjisoreve Lendita Zeqiraj dhe Blerta Zeqiri, u shpërblye me Çmimin e parë të festivalit si dhe u shpall filmi më i mirë i metrazhit të shkurtër të atij viti.

Pra, ky është filmi i dytë që mbërrin në Nju Jork nga shqiptarët, kur një vit më parë u shfaq filmi shqiptar "Black Flowers", në shqip "Lule të kuqe, lule të zeza", në kuadrin e Festivalit Ndërkombëtar të Filmit të Pavarur të regjisorit dhe aktori të njohur, nga Tirana z. Mevlan Shanaj. Për këtë pjesëmarrje shqiptare në Nju Jork, në një konkurrim ndërkombëtar në metropolin botëror, folën për gazetën “Bota Sot” gjatë atyre ditëve edhe dy protagonistet, motrat regjisore nga Kosova, Lendita e Blerta Zeqiraj.

Si u arrit të realizohej ky film, kur ka një kaluar një itinerar intensiv duke marrë pjesë në shumë festivale evropiane?
Kemi realizuar një film që ndoshta edhe i përgjigjet një realiteti jo fort të favorshëm sot në Kosovë, pra pa një buxhet financiar, me "arkën bosh" e thënë pak më shqip. Ishte thjesht një projekt familjar i ndihmuar nga biznesmeni Ibrahim Buçaliu, drejtor i përgjithshëm i kompanisë HIB-Petrol në Ferizaj (Kosovë). Ç’ka d.t.th pa asnjë përkrahje financiare, çdo gjë vullnetarisht prej aktrimit e deri tek teknika e tjerë, e tjerë. Veçse të gjithë ishin të motivuar për të treguar një ngjarje, e cila pasqyron një të vërtet të ndodhur në Kosovë. Dhe me atë ngjarje të pasqyruar në realizimin e këtij filmi - ne dalëm dhe i tregojmë botës se: "Ja pra, çfarë ndodhi në Kosovë - në mes të Europës".

Si u ndjetë para shfaqjes, duke pasur parasysh suksesin tuaj në konkurrimet e tjera ndërkombëtare si në Zvicër, Francë a Los Anxhelos?
Në Francë kemi marrë një çmim para një konkurimi ndërkombëtar dhe jurie ndërkombëtare. Në Festivalin e Filmit në Francë filmi kosovar Exit u nderua me çmimin e parë "Grand Prix". Pas këtij konkurimi një sërë ftesash na u ofruan në festivale të tjera ndërkombëtare të filmit në botë. Morëm pjesë në Egjipt në Festivalin e Ismaijailas. Në Festivalin e e Oberhuas dhe Shtutgrad, të Gjermanisë. Në një Festival ndërkombëtar të zhvilluar në Milano - Itali. Mandej në Zvicer u nderuam edhe me çmim të parë si filmi më i mirë në festival me metrazh të shkurtër. Më pas morëm pjesë në një konkurim tjetër ndërkombëtar të filmit në Ankara-Turqi ndjekur me një tjerë në Pekin - Kinë dhe më i fundit është pjesmarrja jonë në një festival filmi në Shqipëri në Festivalin Ndërkombëtar të Filmit në Tiranë, ku edhe aty e morëm një çmim. Çka me plot dëshirë e presim edhe këtu, por do të jetë shfaqja e njujorkut ajo që do t'a jap përgjigjen e kësaj pyetje.

Çfarë hapësirash u ka hapur ky film në fushën e kinematografisë?
Kur arritëm të krijonimin brumin e ngjarjes së filmit, dhe pamë se funksionoi ideja iu rrekëm punës me Blertën, të ndihmuar mjaft dhe nga prindërit tanë, deri në realizimin e premierës. Ishte ky një "stimulim" moral që të vazhdojmë punën tonë dhe të tregohemi edhe më të kujdesshëm deri në përpunimin e filmit. Duke rritur edhe forcën e fuqinë e filmit, që konkludoi para spektatorit, specilaistëve, kritikëve dhe kineastëve me këtë film por tani me metrazh të gjatë i "kurorzuar e edhe me "kurorën" e çmimit në Los Angles. Shpresojmë dhe kemi një parandjenjën që të kënaqim edhe publikun njujorkas edhe ju me këtë film. Edhe një detaj ndoshta e kisha thënë me këtë rast filmi, në foni (zërin) është në gjuhën shqipe - gjuhën e folur në Kosovë.

Sa të vështirë e patët të arrinit deri në Festivalin Ndërkombëtar të Filmit të Pavarur në Nju Jork?
Prezantimi i filmit kosovar në Festiavlin Ndërkombëtar të Filmit në Los Angels (SHBA) dhe ky sot, në Festivalin Ndërkombëtar të Filmit të Pavarur në Nju Jork (SHBA), është jo vetëm shfaqja e një premiere, filmi ose thjesht një konkurim kinematografik, por, është edhe një simbol i ngjarjeve që tronditën mbarë njerëzimin e sensibilizuan, e ngritën në këmbë botën, në radhë të parë, Shtetet e Bashkuara të Amerikës - shpëtimtarin e Kosovës. Ky film për ne është një shenjë mirënjohje ndaj asaj çfarë bënë SHBA-s, dhe po bëjnë edhe sot, në zgjidhjen e çështjes së Kosovës. Pra, është si një falenderim i madh, që po prezantojmë para opinionit amerikanë. Para këtij vendi ku ndodhet edhe "mbretëria" e kinematografisë botërore. Pra në këtë kontekst nuk është aspak e vështirë të realizosh një film me tematikë nga ajo luftë që preku thellë zemrat e gjithë botës.