Mësonjëtorja e parë shqipe në Karolinën e Veriut

BENSONHURST - BBROOKLYN (NY): Në kontenetin interkultural të rruzullit tokësor, kontinetin e Kristofor Kolombit - Amerikën e Veriut, SHBA dhe Kanada edhe shqiptarët e Amerikës, po zënë denjësisht hapësiren e vendin e tyre, duke demonstruar kulturë dhe aftësi të admirueshme në integrim dhe në jetën kulturo - artistike, politike, shoqërore, ekonomike e financiere të kontinetit "planet". Bashkohëpatriotët, e Konicës, Nolit, Çekrezit, Dakos e Peter Minnarit janë bërë si "bletët e një koshere mjaltëmadhe". Këtu mendohet se fillon zgjimi dhe ndërgjegjësimi kombëtar i ç'do shqiptari që sapo shkel këtë tokë të bekuar.

Kjo ka nisur, prej kur "Tokën e Premtuar" Eldoradon, e shkelën shqiptarët e parë, kolonitë e para, të organizuar në baza familjare, krahinore, fetare dhe gjeografike filluan të mbijetojnë me jetën kulturo - artistike, politike, shoqërore, ekonomike e financiere të këtij vendi të madh. Këtë mundësi e të drejtë ua jep edhe shqiptarëve si çdo amerikani Amandmenti i Parë i kushtetutës së Amerikës(first amandment) Amandmenti i fjalës së Lirë (free speech) që të lejon të flasësh e të shkruash edhe në gjuhën amtare. Dhe në këtë vend në klube, shoqata dhe organizata, Kisha e Xhamia shqiptarët e Amerikës, i kushtuan një rëndësi të veqant gjuhës së bukur amtare - gjuhës shqipe, kultivimit dhe ruajtës, trashgimin e saj tek fëmijët e tyre. Mbrotjes së vetme nga asimilimi i mërgimit. Dolën në qarkullim fletushka shqip, revista e gazeta, u çelën një e nga një shkollat e para shqipe, të cilat, datojnë prej kur erdhën edhe shqiptarët parë të Amerikës.

Kështu emigranti iu futën udhës së vështirë, por të bukur të ruajtjes së gjuhës së tyre bashkë me punën e zanat më të preferuar nga shqiptarët që zbrisnin në "Tokën e premtuar".

Para katër vjetëve hapet shkolla e parë shqipe në metropolin kanadez, Montreal. Nën emrin e shqiptares më të njohur në botë, Nene Tereza, kjo shkollë ka filluar nga funksionimi në mënyrë eksperimentale që nga fillimi i formimit. Përurimi i saj u bë në 6- prill 2004-, në një ambjent festiv ku merrnin pjesë rreth 400 shqiptarë nga të gjitha trevat shqiptare. Në nismën e këtij projekti të realizuar është "Bashkësia Shqiptare e Kebekut në Montreal, një shoqatë kjo e krijuar gati një vit më parë se të hapej kjo shkollë, nga një grup shqiptarësh te apasionuar.

Nisëm kjo që u ndoq më pas edhe nga shqiptarët në Philadelphia ku kishte femijë të vegjël që nuk dinin asnjë fjalë shqip me të shkruar, kurse tani shkruajnë shumë bukur shumë fjalë dhe shprehje të mësuara në shkollë. Dhe këtë e bëri të mundur këshilli drejtuesi i shoqatës "Bijte e Shqipes", e cila organizoi dhe ceremonin e hapjes së shkollës, së parë shqipe në Philadelphia - Pensillvenia.

Salla ku u zhvillua ceremonia ishte zbukuruar si për festë, shkruanin gazetarët ku binte në sy në krye të sallës flamuri ynë i kuq me shqiponjën dy krenore në mes, si dhe dy portrete të heronjve tanë kombëtar, Gjergj Kastrioti Skëndërbeu dhe Ismail Qemali. Në këtë ceremoni mernin pjesë përveç fëmijëve-nxënës edhe fëmijë të tjerë, prindër të fëmijëve, anëtarë dhe simpatizantë të shoqatës.

Në "kryeqytetin" e shqiptarëve të Amerikës, pas disa shkollave të para shqipe , në mjediset e Federatës Pan-Shqiptare VATRA në Nju Jork, një grup të rinjsh shqiptaro-amerikanë nga Gjenerata e Re Shqiptare në Amerikë, filluan të japin mësimin e gjuhës shqipe për fëmijët shqiptarë të moshave të vogla. Të rinj shqiptarë që jepnin mësim në fillim ishin djem e vajza nga Shqipëria e Kosova. Ata ishin të rinj e të reja të cilët dëshironin që të përtërijnë traditën e mrekullueshme të shoqatave patriotike shqiptare në mërgim, e veçanërisht të atyre siç janë VATRA, Organizata Kombëtare Lëvizja e Legalitetit, Lidhja e Prizerenit, Liga Qyetetare Shqiptare-Amerikane, Këshilli Kombëtar Shqiptaro-Amerikan, Shoqata ‘Motrat Qiriazi’, Kishës dhe Xhamive shqiptare në SHBA-s.

Ishin pikërisht veprat e mrekullueshme në dobi të çështjes kombëtare - shqiptare që bënë që këta të rinj të zgjidhnin VATRËN, si vendin ku filizat e njomë, fëmijët e shqiptarëve të Nju Jorkut të mësonin gjuhën e tyre amtare dhe jo vetëm atë por edhe traditën e mrekullueshme të shqiptarëve të Amerikës, të cilët në çastet më të vështira që kaloi vendi ynë, i’a zbardhën faqen atij.
Qëllimi ka qenë që të mësojnë nga përvoja e mrekullueshme e kollosëve të kulturës tonë kombëtare, Fan Nolit e Faik Konicës, Çekrezit, Dakos e Peter Minnarit, Miftar Spahisë si dhe korifejve të tjerë pasardhës.

Në gjurmët e traditës së krijimit të këtyre komuniteteve shqiptare në Nju Jork, Boston, Detroit e zona të tjera, po ecin tashmë edhe shqiptarët e rrethit të Uashingtonit, të ardhur këtu kryesisht gjatë 10 viteve të fundit. Hapja e mësonjëtores, siç e quajnë organizatorët, tregon se këta prindër janë të vendosur për të bërë diçka që fëmijët dhe fëmijët e fëmijëve të tyre të mos e humbasin gjuhën dhe të mos e harrojnë vendin e prejardhjes së tyre.

Mësonjëtorja e parë shqipe në Uashington u përurua në këte shtet federal, dy vjet të shkuara, duke kurorezuar kështu ëndrën e kaherëshme të një grupi prindërish veprimtarë shqiptaro amerikanë për ruajtjen e pasurisë së kulturës e të traditës shqiptare dhe trashëgimin e saj tek fëmijet e tyre. Por pjesmarrja relativisht e madhe e prindërve dhe fëmijëve në ditën e parë të mësimit tregon terthorazi edhe shqetesimin e këtij komuniteti të vogël ndaj frikës së humbjes së traditës dhe asimilimit të mundshëm.

Dita e pare e shkollës filloi me himnin kombëtar shqiptar, kënduar në korr nga prindër e fëmijë, nën tingujt e fizarmonikës interpretuar nga veprimtari Leo Çani. Pastaj nxënësit u ndanë nëpër klasa sipas moshave. Mësimi është parashikuar të zhvillohet çdo të dielë nga data 10 prill deri me 15 qershor kur fillojnë muajt e nxehtë të verës.

Fadil Demaku, gazetari shqiptaro amerikan dhe një ndër aktivistët e dalluar të komunitetit shqiptar në Karolinën e Veriut e shtetet për rrethë, thotë se:" Në Grinsboro të Karolinës së Veriut dhe Atlanta të Gjorgjisë filluan punën shkollat shqipe. Dhjetëra nxënës në këto qytete dhe rrethinë do të ndjekin mësimet plotësuese nga gjuha, kultura dhe tradita jonë shqiptare. Për këtë qëllim janë aktivizuar vullnetarisht ish arsimtarë nga Kosova, të cilët iu përgjigjen me kënaqësi thirrjës së Bashkësive shqiptaro-amerikane të këtyre dy shteteve. Literatura është siguruar për nxënës nga Bahri Ramdani, aktivist i shquar në Karolinën e Veriut. Qerim Gruda dhe Geri Shomo, udhëheqësit e këtyre Bashkësive janë të një mendje se kjo është forma më e mirë për të bartur trashëgiminë tonë kulturore te gjenerata e re që po rritet dhe zhvillohet këtu në Amerikë." theksonë Fadil Demaku, gazetari shqiptaro amerikan dhe një ndër aktivistët e dalluar të komunitetit shqiptar në Karolinën e Veriut e shtetet për rrethë

Gjatë festës, të pranishmit ndoqën recitime shqip nga të vegjlit e shkollës, që këto vargje i kanë mësuar pikërisht në familje e shoqëri. Në fund nën tingujt e muzikës së embël shqiptare, qindra shkrepje fotografike, fiksuan këtë moment të rëndësishëm ne kujtimet e të gjithëve, mes femijëve dhe të ftuarit u krijua një atmosfer e festive çka shkëlqente edhe në fytyrat e fëmijeve të qeshura e të gëzuar.