Në Festivalin Ndërkombëtar të Filmit të Pavarur në New York, edhe filmi shqiptar nga Kosova "EXIT"

Bensonhurst - Brooklyn NY: Në metropolin e botës, Nju Jork, qytetin e më se 12 milion banorëve, për 10 ditë me rradhë, prej datës 10 nëntor deri më 20 nëntor 2005, po zhvillohet festivali i filmit artistik dhe dokumentar "Festivali Nderkombetar i Filmit te Pavarur" . Festiavali i filmit në Nju Jork, ndiqet nga specialistë, komentatorë, artsitë, regjizorë, kritikët, dhe gazetat e revistat më të njohuara të njujorkut, si dhe më të njohurat në botë, si: "The New York Post, New York Times, Daily News, LA Times, LA Weekly, Variety, Time Out NY, Wall Street Journal, Movie Maker dhe Screenwriter. Në këtë festival sipas organizatorit të "NYIIFVF", shfaqen të gjitha rangjet e filmave dhe dokumentareve, prej metrazhit të shkurtër, të mesëm dhe të gjatë. Sipas tyre ka edhe filma vizatimor, spote komerciale të realizuar artistikisht, nga e gjithë bota.

Qëndra e kinemave në "Village East Cinema" numër 181, në rrugën e dytë" 2nd Avenue" kryqëzim me të 12tën, "12th Street" në Manhattan, zona" NY 10003" është skena e madhe e shfaqjeve botërore, të të gjitha llojeve të filmave ku zhvillohet Festivali Nderkombetar i Filmit te Pavarur . Për 10 ditë me radhë, në multikompleksin "Village East Cinema" të qytetit të Manhattanit, shikuesit njujorkez, njërëz të kinematografisë botërore, kulturës e artëdashës vendas e të huaj, kanë rastin të ndjekin në "perden e bardhë" rreth 325 fillma, të të gjithë llojeve. Ky festival, u çelë më datën 10 nëntor, ora 12:00 e mesditës.

Ndërkaq, befasia ndoshta e këtij festivali, dhe kënaqësia e shqiptarëve, do të jetë për komunitetin tonë, artëdashsin e madh shqiptarë në Amerikë, është dita e sotëme e mërkur 16 Nëntor 2005 - ora 10:00 e mbrëmjes me kohën e qytetit tonë Nju Jork. Ditë kjo kur në kinemanë numër 3, do të shfaqet filmi shqiptar ,në këtë festival. Me shfaqjen e filmit EXIT të dy regjisorove nga Kosova motrave Blerta e Lendita Zeqiraj , kinematografia kosovare , do të jetë prezente dhe konkurete duke promovuar njëkohësisht edhe vlerat e kinematografisë sonë, në metropolin e botës, Nju Jork. Ky prodhim, , do të prezantohet në Festivalin Nderkombetar te Filmit te Pavarur, darkën e së mërkurës, sot, më 16 Nëntor ora 10:00 pra ora 4:00 pas mesnate me kohën e Kosovës.

Tematika që trajtohet, surprizat dhe kritikat pozitive të filmit, që konkuron në mes të 300 pretendenteve të tjerë nga e gjithe bota në "Festivalin Nderkombetar i Filmit te Pavarur" të regjisoreve kosovare shtjellon një ngjarje nga lufta e fundit në Kosovë, ku tre persona fshihen në një apartament për të shpëtuar jetët e tyre.Mungesa e ushqimit dhe e informacioneve në lidhje me atë se çfarë po ndodhte jashtë e bën situatën edhe me të tendosur. Mes tyre krijohet një miqësi e ngushtë, të cilën nuk e kanë patur më parë, por në të njejtën kohë kjo situatë e pazakontë, i largon ata nga njeri-tjetri si asnjëherë me parë.

Filmi është prodhim i vitit 2002. Postproduksionin e tij e kanë bërë: Yll Citaku, Pëllumb Ballata, Arian Rexhepi. Në film luajnë: Vedat Bajrami, Osman Azemi dhe Blerim Qeriqi. Skenarin dhe regjinë e kanë berë Lendita Zeqiraj dhe Blerta Zeqiri, ndersa asistent regjie i filmit është Bujar Kabashi. Lendita Zeqiraj, 31 vejçe, e lindur ne Prishtine, ka mbaruar Fakultetin e Arteve në degën e piktures në Universitetin e Prishtinës, në vitin 1997. Tani vijon studimet ne Degen e filozofisë me temen "Estetika e filmit në Universitetin Paris 8", ku dhe krijon. Blerta Zeqiri, 24, e lindur në Prishtinë. Në vitin 1997 filloi studimet në Fakultetin e Arteve në Prishtinë, në Degen e Dramaturgjisë, ku dhe mbaroi dy vite. Vijon studimet ne Degën e kinematografisë në Universitetin e Paris 8", ku dhe krijon.

Ndërsa, nëse banoni në Manhattan, ose jeni banorë i ndonjërs prej pesë lagjeve -"qyteteve",( Bruklin, Kuins, Bronks, Staten Island, Long Island) të këtij qyteti, ose banorë i shteteve federale që rrethojnë këtë shtet, si: Nju Jersi, Ketektiket dhe Pensillvenia, do të keni edhe perviligjen të ndiqini ndonjerin prej filamve të Festivalit Nderkombetar te Filmit te Pavarur, edhe pse jo? sot në orën 10:00 mund të ndiqni edhe filmin shqiptarë nga Kosova EXIT të dy motrave regjizore Lendita Zeqiraj dhe Blerrta Zeqiri . Për informacione të ndryeshme që ju interesojnë rreth këtij festiavli dhe prenotimin e biletave, kontaktoni në këtë numër tel. 866 468-7619 ose në adresen(domian) http://www.nyfilmvideo.com/ në internet, do të gjeni të gjitha detajet e këtij festivali.

Në Festivalin e filmit në Lozanë të Zvicrës të emërtuar "Lausanne Underground Film & Music Festival", , filmi EXIT i regjisoreve Lendita Zeqiraj dhe Blerta Zeqiri, u shpërblye me Çmimin e parë të festivalit si dhe u shpall filmi më i mirë i metrazhit të shkurtër të atij viti.