Çamët thellojnë më tej bashkëpunimin me shoqatat dhe organizatat shqiptare në SHBA, për zgjidhjen e çështjes së tyre

Shoqëria për të Drejtat e Njeriut: Çameria dhe VATRA kanë në plan të parë çështjen Çame

SOUTHERN Blvd. BRONX (NY): Problemi çam eshte shtruar tashme per zgjidhje, ndërsa mendimi absatrakt tek pamundësia e zgjidhjes së saj me gjasë, eshte e kundërta – u tha dje ne takimin e bere ne mjediset a Federates Panshqiptare VATRA midis Kryesise se Shoqerise Per Te Drejtat e Njeriut Çameria dhe Kryetarit te VATRES z. Agim Karragjozi dhe anetare te tjere te kesaj shoqerie. Krahas të gjitha kërkesave të ngritura deri tani në mënyrë sistematike e institucionale dhe atyre të përditshme në median shqiptare, kjo çështje në SHBA-s, nëpërmjet Shoqërisë për të Drejtat e Njeriut Çameria, është ringritur me force, duke kërkuar, që edhe nëpërmjet shoqatave e organizatave të tjera shqiptare në Amerikë, te dinamizohet kjo çështje kaq e rëndësishme per refugjatet e fundit europiane. Kjo, është një rrugë e gjatë dhe nuk ka karakter fushate, por shihet si një obligim, që sjell rreth vetes çdo shqiptarë, atdhetarë, patriotë - u tha në takim.

Kryesia e Shoqerise Çameria e perfaqesuar nga Kryetari I saj z. Ahmet Giaffo, Sekretarja e Pergjithshme Vera Gjata si dhe anetaret e Kryesise z. Bashkim Braho etj,bisedoi me kryetarin e vatranëve dhe anetaret e tjere te kryesise, rreth marrëdhënieve të mira që egzistojnë midis këtyre dy shoqatave dhe vendosën qe te punohet me shume per nderkombetarizimin e çështjes Çame dhe sensibilizimin e politikaneve amerikane e europiane ne raport me kete ceshtje. "VATRA, në këtë këndëvështrim, e përkrah plotësisht tërësinë e kërkesave që ngrenë çamët, dhe, është e gatshme të luaj rolin e saj e të jap kontributin e sajpër zgjidhjen e kësaj çështje," tha kryetari i Vatrës inxh. Agim Karagjozi.

Kryetari i Vatrës, z A. Karagjozi, në emër të Federates Panshqiptare, u ka premtuar delegacionit te Shoqërisë për të Drejtat e Njeriut Çameria, se ata do të kenë në çdo kohë mbështetjen dhe ndihmën e pakursyer te Vatres dhe vatraneve. Ai gjithashtu pershendeti punen e kryer dhe planet qe kane çamet per sa i përket mënyrës se si duhet zgjidhur kjo çështje e kërkuar nga shqiptarët në Amerikë dhe jo vetem ata. Ne vazhdimisht, e kemi thënë se jemi duke bërë detyrën tonë, me këtë çështje - tha ai - por, në ballë të kësaj çështje mendoj se jane dhe duhet te qendrojne vetë çamët dhe programi i tyre , u shpreh kryetari i Vatrës, inxh Agim Karagjozi. Ne takim merrte pjese dhe n/Kryetari i Vatres z. Zef Perndocaj

Kryetari çam, u shpreh per nje bashkepunim me te frutshem me forcat politike ne Shqiperi per te bere te mundur sjelljen ne tryezen e bisedimeve me palen greke per problemin cam. Ai gjithashtu u shpreh optimist per vitalitetin e rinise came e cila ka mbeshtetur dhe do te mbeshtese – tha ai – kauzen e drejte te kthimit ne vatrat stergjyshore. E drejta eshte me ne dhe do te triumfoje – u shpreh ai. Ai u shpreh gjithashtu optimist qe projektet e lena pergjysem ne periudhen 1995 – 1996 te nisura nga ana e Partise Demokratike, ne pushtet ne ate kohe, do te rivitalizohen dhe do te gjejne zgjidhjen e tyre perfundimtare.

Ne kete takim mori pjese, Prof. Petrit Begati - Kasemi, (ish diplomat në Departamentin e çështjeve për Balkanin dhe Lindjen e Mesme në Ministrinë e Jashtme (1992-1996) si dhe juristi dhe analisti i shquar z. Agron Alibali si dhe anetare te tjere te shoqates.

"Ne si çamë në këtë çështje – tha z. Begati - në rradhë të parë kemi nevoje për çdo element perparimtar qofshin keta cam ose jo, pasi genocidi i kryer mbi çamet eshte nje veper e padenuar. Debimi ne mase I nje popullate te pafajshme qofte dhe per faj te ndonje elementi te caktuar eshte nje veper e papranueshme nga kodet civile ose morale te Europes dhe botes moderne. Prandaj duhet te bejme cfare eshte e mundur – u shpreh ai – qe drejtesia te vihet ne vend dhe ky popull migrant pa deshire te kthehet ne tokat e tyre per te gezuar te gjithe te drejtat legjitime qe ua jep ligji dhe Zoti…. Ky do te jete dhe plotesimi i 3 kerkesave tona kryesore te vendosura nga Keshilli Antifashist çam ne Vlore ne vitin 1947 dhe qe ne i permbahemi ne menyre rigoroze. Keto kerkesa jane: kthimi ne tokat e te pareve, Njohja e te drejtes se pronesise si dhe e drejta per te jetuar te lire dhe konform te gjithe stardarteve nderkombetare per pakicat ne shtepite tona stergjyshore.

Ne takim e mori fjalen dhe sekretarja e pergjithshme zj. Vera Gjata, e cila u shpreh se çamet kane ditur te deshmojne qe jane pjese e kulturave dhe zhvillimeve perendimore. Ata kane ditur te punojne gjithmone per te rene dhe ketu kemi parasysh shembujt e shumte te luftetareve dhe patrioteve cam te cilet i dhane panvaresine shtetit grek dhe qe me gjakun e tyre ishin guri i themelit te shtetit modern qe shohim sot. Perkunder te gjithe propagandas se shfrenuar te qarqeve te caktuara shoviniste greke, çamet kane ditur te demonstrojne civilizimin e tyre dhe jane shfaqur gjithmone paqesore dhe te duruar ne zgjidhjen perfundimtare te problemit te tyre.

Në fund u ra dakort, që takime të tilla të zhvillohen më shpesh e sa më parë të formulohen memorandume dhe peticione nga Shoqëria për të Drejtat e Njeriut Çameria, por edhe të përbashkëta me organizatat e shoqatat e tjera në bashkësinë shqiptare në SHBA-s, e t'i drejtohen zyrtarisht organizatave ndërkombëtare për mbrojtjen e të drejtave e lirive të njeriut, kancelarive botërore, Senatit, Kongresit, Departamerntit të Shtetit e Presidentit të SHBA-s e të gjitha institucioneve përkatëse në OKB.