Numri 12 (34) i revistës letrare shqiptare "ars

revista letrare shqiptare
kryeredaktor irhan jubica
shqipëri - kosovë - mali i zi - maqedoni
del të dielën e fundit të çdo muaji
numri i parë doli më 31 mars 2002
kutia postare nr. 1526, tiranë, shqipëri
tel: +355692132186
ars@arsalbania.com
www.arsalbania.tk

"ars" dhe "buzuku" shpallin konkursin e vitit 2005 për roman, tregim dhe ese

Revista letrare shqiptare "ars" njofton daljen e numrit 12 (34) në Shqipni, Kosovë, Maqedoni e Mal të Zi, ditën e martë, me 28 dhjetor 2004.

Nji vend kryesor në këte numër i asht kushtue njoftimit për shpalljen e konkursit letrar të vitit 2005 të organizuem prej revistës letrare shqiptare "ars" dhe Ndërmarrjes Botuese "Gjon Buzuku". Shpërblimet e konkursit janë: 2000, 1500 dhe 1000 euro për romanin (përkatsisht çmimi i parë, i dytë e i tretë), 300, 200 dhe 100 euro për esenë (çmimi i parë, i dytë i tretë) e po kaq edhe për tregimin. Tekstet pjesmarrëse kanë me u botue në revistën "ars" tu' fillue prej numrit të janarit, te i cili kanë me u ba të dituna statusi, platforma e gjithçka tjetër n'lidhe me këte konkurs.

Revista hapet me nji fragment prej romanit "Dashni" të nobelistes amerikane Toni Morrison, (përfshi në rubrikën "romani").
Editoriali me titull "www.kultura2004.al" asht shkrue nga Blendi Kraja.
Në rubrikën "Kushtim" të këtij numri botohet nji fragment prej kapitullit XI të librit "Ftesë në studio" t'autorit Ismail Kadare, botim i vitit 1990 (redaktor Ilirian Zhupa, piktor Gëzim Tafa, recensues Besnik Mustafaj e Remzi Lani), e pikërisht ajo pjesë e konsiderueshme e hequn pa shpjegim në ribotimin e këtij libri më 2004. Asht fjala për faqet në t'cilat autori Kadare sulmon shkrimtarët Bilal Xhaferri, Kapllan Resuli, Kasëm Trebeshina e Arshi Pipa: "Jashtë shtetit përpiqet të luajë rolin e disidentit, mirëpo meqënëse talentin e ka më të paktë se ambicien, nuk arrin dot të bëjë gjë, dhe ashtu, pa fat, përherë duke u ngutur, vdes." - shkruen autori në këte fragment për shkrimtarin Bilal Xhaferri. Në lidhje me komentet që autori e botuesi kanë ba për ribotimin e këtij libri, Gilmana Bushati boton shkrimin "Guximi i Kadaresë te "Ftesë në studio".

"ars" vazhdon me hulumtimin e arkivit të gazetës "Drita" të vitit 1981, ku botohen shkrime, fragmente e poezi prej autorëve t'ndryshëm, si: Sefedin Çela, Pavllo Gjidede, Xhevahir Spahiu, Ilir Bushi, Agim Isaku, Adem Istrefi, Violeta Allmuça, Dritëro Agolli, Bashkim Trenova, Teodor Laço, Agim Cerga, Floresha Haxhiaj, Zef Toma, Tefik Çaushi, Luan Hajdaraga, Qemal Xhaka, Ndoc Papleka, Skënder Rusi, Agim Pipa, Jorgo Bulo, Xhevat Lloshi, Fatmir Gjata, Dalan Shapllo, Ali Podrimja, Agim Shehu, Nasi Lera, Shefki Karadaku, Isu Nelaj, Gëzim Kame, Petraq Risto, Ilia Nikolla, Koço Kosta, Shvqet Musaraj, Hajro Zeneli, Muzafer Xhaxhiu, Ismail Kadare, Moikom Zeqo, Llazar Siliqi, Spiro Dede, Natasha Lako, Shefqet Peçi, Ruzhdi Pulaha, Luan Qafëzezi, Qazim Sheme, Rudolf Marku etj. Këto shkrime, t'cilat n'pjesën e tyne ma të madhe i janë kushtue Partisë së Punës e dikatorit, janë përmbledhë në titullin "Shqipëri, se ç'yll shkrepi; Enver Hoxha, mendjedeti".

Në reagim të shkrimit "Disidenca (pa disidencë) - katovicizmi i letërsisë shqiptare" t'autorit Kolec Traboini, botue në numrin 9 (31) të revistës "ars", Kapllan Resuli boton shkrimin: "Gur prove".

Nga Myrvete e Begzad Baliu botohet shkrimi "Pse ankohej Profesor Jup Kastrati".

Dy shkrimet e natyrës studimore mbi veprën dhe jetën e poetit Ndre Mjeda janë: Mentor Quku: "Mjeda, pararendësi i kohës së vet"; Begzad Baliu: "Konceptet filologjike të Ndre Mjedës".

Rubrikat e përhershme t'"ars"-it paraqesin: - "premisa" nga Katerina Xukaro: "Mikelanxhelo la Luna, studiuesi i përmallur që qan të kaluarën e ndonjë përsiatje mbi lulen e barin e egër".
- "hebraisht" nga Elisha Porat: "Muzika asht domethania".
- "italianët" nga Martino Baldi: "Joshja për me qenë i ri".
- "hap n'hap: intervista me shkrimtarë amerikanë" nga Erica Weitzman: Intervistë ekskluzive me poeten amerikane Melissa Monroe: "Fituesit e shkruejnë historinë".
- "poezi gjermane" përkthye nga Ferdinand Laholli: Poezi nga Rose Ausländer (shoqnue me origjinalin gjermanisht).
- "poezi n'anglisht" përkthye nga Blendi Kraja: Poezi nga Melissa Monroe (shoqnue me origjinalin n'anglisht). - "hispanoportugalisht" përkthye nga Ardian Muhaj: Poezi nga autorë të njohun brazilianë të 50-vjetshit t'dytë të shekullit XX: Ferreira Gullar, Ledo Ivo, Affonso Romano de Sant'Anna, Mill™r Fernandes, Jose Paulo Paes, Regis Bonvicino, Heitor Ferraz e Felipe Fortuna.
- "zgjedhje": "Dolla një ditë në verë", poezi nga Andon Zako Çajupi.
- "romani" nga Gazmend Krasniqi: "Eldorado". Vazhdon botimi i kapitujve t'romanit me të njajtin titull. - "shqyrtime" nga Genevieve Vaughan "Nji kritikë feministe mbi shkëmbimin".
- "shfletime" nga Anila Xhekaliu "Nata e kaligrafeve" fragment prej romanit me të njajtin titull t'autores turko-franceze Yasmine Ghata.
- "mbishkrim" nga Laura Shimili: Vazhdon botimi i librit "Letërsia dhe e Keqja" nga George Bataille me pjesën e fundit t'kapitullit mbi veprën e Donatien-Alphonse-Francois dë Sade. Numrin e ardhshëm ka me u botue i plotë kapitulli mbi veprën poetike të William Blake.
- "miti dhe letërsia" nga Brikena Smajli: "Cikli i legjendës irlandeze".
- "intimitete" nga Flora Xhemani: "Gustav Suits, - nji burrë serioz"
- "libri - ma t'shitunit" për herë të parë nji revistë letrare shqiptare ban pasqyrën e librave ma t'shitun në libraritë e Shqipnisë, Kosovës, Maqedonisë, Italisë, Francës, Spanjës, Anglisë e Amerikës.
- "ese" nga Jorge Luis Borges: "Nathaniel Hawthorne".
- "çmimi" nga Edward Wyatt: "Epika e Amerikës Jugore fiton Çmimin Kombtar të Librit".

Shtojca e përhershme "arsplus" i kushtohet kritikës letrare. Me këte rast botohen: Terry Eagleton: "Çfarë është letërsia?", David Macey: "Fjalori i teorisë kritike", si dhe nji përzgjedhje e përkufizimeve e përfaqsuesve të kritikës. Krijimtaria shqipe këte numër paraqitet me autorët: Laura Shimili, Faruk Myrtaj, Gazmend Krasniqi, Ardiana Shala-Prishtina, Mikelanxhelo la Luna, Andon Zako Çajupi, Edvin Kukunja, Valbona Bozgo, Genc Spahija, Albert Marjakaj, Valmira Peci, Arbenita Rrmoku, Vilson Culaj, Shefqet Bylykbashi, Argjend Krasniqi, Manushaqe Veliu e Artan Kajtazi, nsa krijimtaria e huej me autorët: Toni Morrison, Yasmine Ghata, Rose AuslŠnder, Ferreira Gullar, Ledo Ivo, Affonso Romano de Sant'Anna, Mill™r Fernandes, Jose Paulo Paes, Regis Bonvicino, Heitor Ferraz, Felipe Fortuna, Melissa Monroe e Abba Kovner. Përkthimet e këtij numri janë krye nga: Blendi Kraja, Gilmana Bushati, Katerina Xukaro, Irhan Jubica, Laura Shimili, Ferdinand Laholli, Flora Xhemani, Anila Xhekaliu, Gilman Bakalli, Ardian Muhaj dhe Esmeralda Kapisyzi.

Nji faqe e veçantë i asht lanë në këte numër njoftimit për botimin s'shpejti të pesë librave "ars", e konkretisht: Gilmana Bushati: "Ndryshe është femër", prozë, 150 faqe. Hida Halimi: "Ato letra i shkrova vetë", novelë e tregime, 150 faqe. Brikena Smajli: "Eliot, poeti me buzëqeshje si të Xhokondës", studim, 100 faqe. Teuta Dhimarko: "Kthina e çudirave", tregime, 100 faqe. Jonathan Culler: "Ferdinand de Saussure", studim, 150 faqe (përktheu Blendi Kraja).

irhan jubica, kryeredaktor