Informojnë, takojnë apo manipulojnë ca media shqiptare!

-- nga Gëzim Mekuli, Oslo

Mediat duhet të posedojnë para për të mbijetuar. Por a jeton industria mediale shqiptare gjithmonë e më tëpër dhe ekskluzivisht për të fituar para!?

Vecanërisht, në ditët e fushatës parazgjedhore, gazetaria sensacionale e ka pushtuar numrin më të madh të radios, TV dhe gazetës shqiptare. Tanimë edhe fëmiu parashkollor ka pas "fatin" të shijojë familjen me zhurmë, tension e britma politiko-partiake! Zhurmë, tension e britma që në masë të madhe i kanë kontribuar industria e "mediave masive". Nuk ka ditë e cast, që gjatë kësaj fushate, recipicienti shqiptar, mos t'i nënshtrohet diktatit të modelit gazetaresk sovjetiko-marksist…; ka shumë gazeta me formë e përmajtje, që tentojnë të jenë partiakisht gjithëpërfshirëse; këto janë të preokopuara me "ekzistencën e përgjithshëm të mendimit shqiptar"…!

Për recipicientin shqiptar ishte më se e tejdukshme dhe lehtëkuptuese, se monologjet ofenduese (që janë zhvilluar në prag të zgjedhjeve) në gazetat e përditshme dardanase, janë duke aplikuar modelin e gazetarisë autoritare; e them këte sepse ata që kanë forcën dhe fuqinë në shtet i japin "privilegje dhe përparsi të pakufizuar" personave privat dhe bordeve e shoqatave "të pavarura mediale". E këta përsona e anëtarë bordesh të priveligjuar e të "dëgjuar", (nëpërmes industrisë së fuqishme mediale që posedojnë) kanë për detyrë politiko-ideologjike që të lansojnë, tregojnë dhe (dez)informojnë atë se c'farë ka "vendosë shteti dhe ligjdhënësi ynë (Kupto Herr Steiner) me sistem politk demokratik!"

Në këtë etapë politike e të papërvojë, "mediat tona" do të duhej të ishin një forum ku do të prodhonte mirëkuptim të shumanshëm. Gazetaria e tillë do të kuronte shoqërinë tonë të stërlodhur nga tensionet e panevojshme partiake dhe do të krijontë një ambient të domiuar nga mirëkuptimi reciprok dhe ai i përgjithshëm. Etika mediale nënkupton gjithashtu, që gazetarët dhe gazetaret, enkas sot, do të duhej të rrezatonin kujdes, rrespekt dhe lojalitet ndaj njëri-tjetrit. Mu ashtu sic detyra e mjekut është që të parandalojë sëmurjen e rëndë dhe të shëroj të sëmurin, po ashtu gazetaret dhe gazetarët kanë obligim dhe përgjegjësi që të transmetojnë informacione objektive dhe të krijojnë një siguri të lartë dhe mirëqënie në hapsirën sociale ku ata jetojnë e veprojnë. Sic ekziston një etikë mjeksore, do të duhej të eksistonte edhe një etikë gazetareske!

Fushata e egër parazgjedhore (e transportuar, ndihmuar dhe lansuar nga disa media ”shqiptare”) para publikut e recipicientit shqiptar zgjoj ca pyetje-enigmë: a është duke u shfrytëzuar sot media për të forcuar shëndetin mental të pupullit shqiptarë? A është duke krijuar media dardanase raporte të mira, shoqërore e miqësore ndërmjet atyre që kanë pikëpamje të ndryshme mbi veprimtarinë politike, dhe atyre me opcione e mendime të ndryshme ndaj zgjidhjes së qështjes kombëtare shqiptare?

A është duke u larguar (vetëdijshëm) apo cunguar përmbajtja informative që do kishtë rëndësi e nevojë për të kapur e kuptuar proceset politike, ekonomike e kulturore shqiptare?

A është qëllimi i pangopshëm komercial (parafituese), ai që është duke determinuar se cka, kur dhe c'farë do të jetë si lajm për partitë parazgjedhore, e c'farë jo?

A janë duke dëmtuar, "ftohur ose varrosur" industrialistët dhe industrialistet mediale shqiptare vetitë dhe dhuntitë njërezore për bisedime e komunikime "sy ndër sy" e "gju në gju"?

A është kjo, industria më e madhe që po "tymon" sot në Kosovë, që po i detyron njërëzit të largohen nga njëri-tjetri dhe të mos angazhohen në ndihmimin, kërkesat dhe problemet e njërezve të tjerë? A është duke tentuar gazetaria e shitur në Kosovë që t'i imponojë popullit shqiptar të pranojë termin antihistorik, të falsifikuar ”Kosovar”, ne vend të atij Shqiptar?