U VU THEMELI I PËRJETSHËM I KOSOVËS SË RE - QENDRËS BOTËRORE TË PAQES

Sot Kosova dhe mbarë kombi shqiptar kishim një ditë historike - ditën e vënies së themelit të Kosovës së Re - të Kosovës Europiane, so qendër botërore e paqes. Në praninë e shumë qytetarëve, në juglindje të Prishtinës (mbi Hajvali) Presidenti i Kosovës - Dr. Ibrahim Rugova, bashkë me ministrin italian për cështje dhe ndërlidhje me Bashkimin Europian - Dr. Rocco Butiglione, me markiteksitn e Sheshit të Paqes - Umberto Trenta, me Ipeshkëvin e Kosovës - Imzot Mark Sopi dhe me Kryetarin e Shoqatës Humanitare Bëmirëse "Nëna Tereze" - Dr. Dom Lush Gjergji, ka vënë gurthemelin e Tempullit të Paqes "Nëna Tereze".

Manifestimi ka filluar rreth orës 11:30, nën udhëheqjen e të madhit Dom Lush Gjergji. I pari ka folur Presidenti Rugova, i cili ka falënderuar ministrin Butiglione, arkitektin Trenta, Qeverinë e Italisë, Bashkimin Europian, si dhe të gjithë mysafirët dhe të pranishmit. Presidenti i Kosovës ka thënë se këtu po ndodh mrekullia e Nënës Tereze dhe po rilind Kosova e Pajtimit, si qendër botërore e Paqes dhe e Dashurisë!!!

Ministri Rocco Butiglione, i cili përfaqësonte njëherësh Bashkimin Europian dhe Qeverinë e Italisë, pasi ka theksuar miqësinë e madhe të tij me Dom Lushin dhe me Presidentin Rugova, ka shprehur bindjen se Kosova do ta zëjë vendin e merituar midis kombeve të Europës, si qendra numër një e Pajtimit, e Paqes dhe e Dashurisë Njerëzore, sdipas shembullit dhe meritës së Bijës së Vet e të Nënës së Njerëzimit mbarë - Nënës Tereze.

Ipeshkëvi Imzot Mark Sopi ka falënderuar nismëtarët e këtij projekti, të cilin e ka vlerësuar si historik dhe me vlera shumë të mëdha për Kosovën, për Europën dhe për botën mbarë. Arkitekti Umberto Trenta ka shprehur kënaqësinë dhe gëzimin e pakufishëm, që projektin e tij, pas një pune mbi 25 vjecare po e realizon në Kosovë - në Tokën e Nënës Tereze!!! Ndër të tjera arkitekti Trenta ka thënë se me këtë Tempull të Paqes, Prishtina do të jetë kryeqyteti i Europës!

Kanë qenë të pranishëm edhe ambasadori italian në Prishtinë, ministri i transporteve dhe telekomunikacionit i Qeverisë së Kosovës - Zef Morina, kryetari i PSHDK Akademik Mark Krasniqi, kryetari i PLK Gjergj Dedaj, deputetë të Parlamentit të Kosovë, drejtues të Administratës së UNMIK-uk dhe të trupave paqeruajtëse të KFOR-it, si dhe delegacioni i madh i Krahinës Marche - politikanë, industrialistë e banarë.

Interesimi i massmediave ishte i jashtëzakonshëm. Ishin të pranishme shumë redaksi të mediave elektronike dhe të shkruara vendore, si dhe një skuadër e RAI-t (Radiotelevizionit Italian).