Greqia ka abuzuar me të drejtat e emigrantëve shqiptarë

-- nga BEQIR SINA, Nju Jork (SHBA)

Washington DC: Shpetim Shabani (28) nga Lushnja arrsetuar më 10 nëntor nga policia greke, më 12 nëtor është denancuar nga policia e Gjirkoastres, per keq trajtim nga autoritetet, greke. Rasti i tij u ndoq po me të njëtëtat forma brutale të përdorura nga policia greke ndaj emigrantve shqiptar. Viktimat e tjera janë emigratët : Albert Prifti, nga Kucova, Vetiak Mane nga Lushnja dhe Lisian Telhaj, po nga Lushnja. Sekretariati ndërkombëtar i Amnesty International së bashku me OMCT u informua nga Greek Helsinki Monitor, anëtar i rrjetit OMCT, dhe Qendra Shqiptare e Rehabilitimit të Traumës dhe Torturës, lidhur me rrahjet e rënda, plagosjet dhe / ose vrasjet e 17 qytetarëve shqiptarë në zonat kufitare me Greqinë, gjatë këtij vitit.

Kështu që kronologjia e fakteve bazuar mbi informacionin e marrë nga Amnesty International (AI) thotë se, të Hënën, më 15 Shtator 2003, rreth orës 5:00, qytetarët shqiptarë Ligor Halimi (41 vjeç), Mili Halimi (43) dhe Rahman Pashollari (62) u dhunuan rëndë nga policia greke. Tre shqiptarët kishin punuar prej 5 Shtatorit 2003 në Greqi dhe po ktheheshin në Shqipëri, kur u ndaluan afër kufirit nga patrulla me gjashtë oficerë policie greke, të veshur me uniforma civile të zeza. Oficerët i kontrolluan, iu morën paratë që kishin me vete, dhe sipas raportimeve i goditën me shkelma dhe shkopinj të drunjtë, në të gjitha pjesët e trupit të tyre.

Më pas tre shqiptarët u çuan në një burg afër Pili (Follorinës), ku u regjistrua identiteti i tyre. Sipas raportimeve aty nuk u përdor dhunë tjetër, gjatë qëndrimit të atjeshëm prej afërsisht një ore. Policia i shoqëroi ata deri në pikën e kalimit kufitar Kapshticë (Kristalopigi). Në Kapshticë, tre refugjatët raportojnë të mos kenë marrë asnjë lloj asistence nga ana e policisë shqiptare, edhe pse dëmtimet trupore të tyre ishin qartësisht të rënda. Atëherë ata udhëtuan drejt shtëpive të tyre në Elbasan dhe kërkuan ndihmë mjekësore në spitalin lokal. Njëri prej tre refugjatëve, Ligor Halimi, paraqiste dëmtimet më të rënda, ndërsa Mili Halimi dhe Rahman Pashollari pësuan vetëm shembje të lehta në gjunj dhe krahë. Ligor Halimi u hospitalizua në Elbasan dhe u diagnostikua me dëmtime të barkut dhe çarje të shpretkës, shoqëruar kjo me hemorragji të brendshme. L. Halimi më vonë iu nënshtrua ndërhyrjes kirurgjikale dhe iu hoq shpretka.

Amnesty International i ka kushtuar rendesi të madhe rastit e emigrantin shqiptar Vullnet Bytyçi.Në një tjetër rast, më 23 Shtator, një 18 vjeçar nga Shqipëria, Vullnet Bytyçi, u qëllua në pjesën e pasme të kokës dhe u vra nga pjesëtarë të policisë greke pranë pikës kufitare të Kristalopigi, ndërsa po përpiqej t'i shpëtonte arrestimit. Katër shqiptarë të tjerë me të cilët ai po udhëtonte drejt Greqisë për të gjetur punë, Alfred Ramadan Metaliaj, Emri Saetr Metaliaj, Beqir Osman Metaliaj dhe Bilbil Selman Metaliaj, u arrestuan dhe më vonë u lanë të lirë dhe u riatdhesuan në Shqipëri më 27 Shtator 2003. Një person i gjashtë, Luan Metaliaj, raportohet t'i ketë shpëtuar arrestimit dhe u fsheh 24 orë përpara se të kthehej në Shqipëri. Një plumb thuhet të ketë përshkuar xhaketën e tij pa e dëmtuar vetë personin, ndërsa ai po largohej. Policia greke pretendoi që një oficer policie qëlloi në ajër me qëllim të parandalonte largimin e tyre, si edhe u fol për sjelljen kërcënuese të refugjatëve karshi njërit prej oficerëve. Raportohet që në momentin e ekzekutimit, Bytyçi kishte ndaluar së vrapuari dhe nuk paraqiste asnjë lloj rrezikshmërie. Autoritetet raportojnë që roja policore e kufirit, përgjegjës për vrasjen, do të gjykohet konform ligjit grek. Ndaj tij është ngritur akuza për vrasje nga pakujdesia dhe pritet vendimi i Komisionit Disiplinor nëse ai do t'i kalojë gjyqit apo jo.

Në një incident tjetër, tre shqiptarë Leonard Shëmbilko, Dashamir Brakolli dhe Sokol Hallko “ raportohet t'i jenë nënshtruar keqtrajtimit nga policia greke më 22 shtator. Z. Shëmbilko dhe z. Brakolli raportohet ta kenë vizituar Greqinë me qëllim punësimi me dokumenta të rregullta, e megjithatë u arrestuan nga policia greke pranë Kastoria dhe u rrahën me objekte të forta, përpara se të çoheshin në stacionin e policisë së Mesopotamisë, ku pretendohet që të rrahurat të kenë vazhduar për disa orë. Nga këta tre persona, z. Brakolli u dëmtua në mënyrë më serioze, megjithatë ai nuk ka raportuar zyrtarisht incidentin tek autoritetet greke pasi iu druhej raprezaljeve.

Po ashtu, 35 vjeçari Gani Ibrahim Rama nga Kruja raportohet të jetë gjuajtur me armë zjarri nga ushtarë grekë, të cilët plagosën krahun e tij, ndërsa ai po tentonte t'i shpëtonte kapjes gjatë kalimit të paligjshëm të kufirit. Ai u arrestua dhe u mbajt në paraburgim për disa ditë përpara se të lëshohej dhe të riatdhesohej në Shqipëri.

Vendndodhja e 25 vjeçarit Sokol Allkja, e 31 vjeçarit Ardian Allkja dhe Edmond Sula po ashtu mbetet e panjohur, sipas raportimit të familjarëve të tyre, qysh se kur ata u nisën nga Cërriku (Shqipëri) drejt Greqisë, sipas thënieve më 19 shtator, edhe pse raportimet pohojnë që Sokol Allkja u plagos nga policia greke dhe ndoshta ndodhet në spitalin e Korëës, ndërsa vëllai i tij Ardiani duhet të jetë në burg. Asgjë më tepër nuk dihet lidhur me situatën e Edmondit.

Amnesty International shpalos fakte, Arjan Torka, nga qyteti i Gramshit, raportohet të jetë rrahur dhe fyer nga një nëpunës në të hyrë të doganës greke në Kristalopigi midis datës 4 dhe 5 tetor 2003. Oficeri i policisë duke kontrolluar pashaportën e tij tha që ajo ishte e fallsifikuar dhe filloi ta godiste atë. Pasi që personi refuzoi të nënshkruante një dokument në greqisht, të cilin dokument ai nuk mund ta kuptonte, atij iu tha të largohej nga territori grek dhe të siguronte një pashaportë dhe vizë të re. Policia e Korçës, e cila premtoi që të hetonte çështjen, pohon që pashaporta nuk ka qenë e fallsifikuar, dhe u deklarua që autoritetet greke (Drejtori i policisë së Kozani) mori përsipër realizimin e masave, në mënyrë që incidente të këtilla të mos ndodhin më sërish.