Ribotohet libri ALBANIA, version i plotësuar i autorës së njohur Christine von Kohl

-- nga Zef Ahmeti, tetor 2003, St. Gallen

Këto ditë ka dalë nga shtypi (ri)botimi i librit të puplicistës së njohur austriake Christine v. Kohl: ALBANIA, version i përpunuar dhe i aktualizuar.

Christine v. Kohl është ajo që po i përcjell ngjarjet në Shqipëri, dhe në mbarë popullin shqiptar tashmë tre dekada. Libri është i ndarë në gjashtë pjesë. Fillimisht ajo shkruan për vendin dhe njerzit, si mund të udhëtohet për në Shqipëri, pataj në kuadër të këtij kapitulli flet edhe për homogjenitetin e Shqipërisë etj. Në pjesën e dytë publicistja, v. Kohl, në librin e saj të (ri)botuar flet për historinë e Shqipërisë dhe identitetin nacional të shqiptarëve. Meqë të flitet sot për historinë e popullit shqiptarë e të mos merren parasysh gjithë shqiptarët në rajon, pamvarsisht se sot ata jetojnë të ndarë, historia e Shqipërisë do të ishte e mangët, dhe për këtë von Kohl nuk koncentrohet vetëm në teritorin e Shqipërisë por ajo trajton problemin e gjithë shqiptarëve, hitorinë në rajonin e Balkanit.

Autorja si njohëse shumë e mirë e proceseve në Ballkan dhe si mikeshë e shqiptarëve të Kosovës, që ka dhënë kontribut të madh në sensibilizim e gjendjes së vështirë që ata kanë përjetuar, trajton të kaluarën e shqiptarëve duke filluar me mitologjitë, arkeologjinë, historinë e Gjergj Kastriotit, periudhën e Rilindjes, pastaj edhe për prejardhjen ilire të shqiptareve, si populli më i vjetër i Ballkanit, pastaj për ecurinë e shpalljes së pavarsisë së Shqipërisë dhe tragjedinë që kanë shkaktuar fuqitë e mëdha të asaj kohe dhe tragjedinë e Kosovës, përkatësisht ndarjen e popullit shqiptar.

Christine v. Kohl nuk i ikën trajtimit të periudhës së regjimit të Enver Hixhës, ku jep të dhëna interesante për mardhëniet e Enverit me Titon, Stalinin dhe Mao-n kinez. Ndërsa në pjesën e katërt ajo ka zgjedhur temën e politikës pas vdekjes së Enver Hoxhës dhe ngjarjet e fundit të viteve të `80-ta e `90-ta, përkatësisht gjashtë vitete e para në "demokracisë" në Shqipëri. Poashtu edhe problemet që përcjellin Shqipërinë, si ajo e mirëqenies, sigurisë, kriminalitetit dhe mafias. Mëpastaj ajo kalon në pjesën e kulturës shqiptare dhe trajton Kanunin, pasuritë kulturore dhe arkeologjike që ka Shqipëria.