Intervistë ekskluzive me Ministrin e Jashtëm të Shqipërisë z. Lulzim Basha

Lulzim Basha: Shqipëria prej sot në NATO

"Reformat të cilët bënë të mundur marrjen e ftesës dhe të cilat bënë të mundur rritjen e kapaciteteve negociuese dhe përfundimin me sukses të negociatave brenda një kohe rekorde tre mujore do të vazhdojë të mbetet në fokusin politik të qeverisë shqiptare në instucionet politike shqiptare. Këto reforma të cilat janë me qëllim të madh e kanë transformuar Shqipërinë rrënjësisht në një periudhë kohore shumë të shkurtërt dhe kanë transformuar edhe imazhin e saj duke bërë të mundur që Shqipëria sot të konsiderohet defakto anëtare e NATO-së." - tha ndër të tjera Minstri i Jashtëm shqiptarë z. Basha.

Bruksel-Cyrih, 9 korrik (presheva.com) - Në një intervistë ekskluzive për kombëtaren "Bota sot", Ministri i jashtëm i Shqipërisë z. Lulzim Basha, flet për gazetën tonë menjëherë pasi nënshkroi protokollin e anëtarësimit të Shqipërisë në NATO, ai foli për rëndësinë e anëtarësimit të Shqipërisë në NATO dhe për këto momente të veçanta për gjithë shqiptarët do të lexoni në këtë intervistë.

Përshëndetje Z. Basha. Është një ditë historike për Shqipërinë dhe gjithë shqiptarët kudo që ndodhen. Fillimisht desha t'ju pyes, se cili është komenti juaj, kur sapo keni nënshkruar protokollin për anëtarësim të Shqipërisë në NATO?

Lulzim Basha: Ne sot dëshmuan me sukses përfundimin e negociatave tre mujore që filluan pas marrjes së ftesës nga samiti i Bukureshtit dhe që përfunduan sot dhe me nënshkrimin e protokollit të aterimit nga vende anëtare të NATO-së. Kjo hap i hap rrugën radifikimit të këtij protokollit dhe me aplikimin e protokollit Shqipëriua bëhet anëtare e plotë e Aleancës. Pra, duke filluar që nga dita e sotme, Shqipëria sëbashku me Kroacinë ulet në tavolinën e Këshillit të Atlantikut Verior me të gjitha të drejtat me përjashtim të asaj të votës.

Z.Basha, nënshkrimi i Protokollit të Anëtarësimit të Shqipërisë në NATO i hap rrugë ratifikimit të këtyre protokolleve nga vendet anëtare dhe anëtarësimit me të drejta të plota të Shqipërisë në Traktatin e Atlantikut të Veriut. Cila do të jetë puna juaj primare pas këtij nënshkrimi?

Lulzim Basha: Reformat të cilët bënë të mundur marrjen e ftesës dhe të cilat bënë të mundur rritjen e kapaciteteve negociuese dhe përfundimin me sukses të negociatave brenda një kohe rekorde tre mujore do të vazhdojë të mbetet në fokusin politik të qeverisë shqiptare në instucionet politike shqiptare. Këto reforma të cilat janë me qëllim të madh e kanë transformuar Shqipërinë rrënjësisht në një periudhë kohore shumë të shkurtërt dhe kanë transformuar edhe imazhin e saj duke bërë të mundur që Shqipëria sot të konsiderohet defakto anëtare e NATO-së dhe ka gjasa shumë të mëdha e të mira, që të pranohet shteti ynë në Samitin e ardhshëm që do të mbahet në vitin tjetër dhe duke transformuar kështu imazhin e Shqipërisë në evropë dhe botë.Vazhdimi i këtyre reformave mendoj se është të mbetet përkushtim primar e parësor i qeverisë shqiptare. Ne shohim sot një etapë që shënon kurorëzimin e suksesshëm të reformave të vështira në sektorë të ndryshëm, reforma politike, ekonomike dhe të sigurisë në vendin tonë. Në Shqipëri forca shtytëse për ti kompletuar këto reforma është kombëtare dhe bipartizane.

Ju bashkëbiseduat edhe me shefin e NATO-s, Jap de Hopp Shefer, ku vlerësoi punën dhe përpjekjet e Shqipërisë me qëllim anetarësimin në NATO. Cili ishte vlerësimi kryesorë i z. Shefer në këtë rast për Shqipërinë?

Lulzim Basha: Vullneti politik që Shqipëria ka treguar, vendosmëria e palëkundur për të ecur përpara, pavarësisht mundimeve të ndryshme politike, financiare etj, për ti përballuar të gjitha sfidave dhe për të egzekutuar me sukses reformat në fushën e sigurisë, fushën e drejtësisë, reformat politike dhe luftën kundër krimit dhe korrupcionit, kanë merituar vëmendjen dhe përgëzimet e sekretarit të përgjithshëm dhe me të vërtetë të gjithë përfaqësuesve të vendeve anëtare të NATO-s sot në këshillin e Atlantikut Verior. Ata gjithashtu kanë shprehur bindjen e tyre se proçesi i ratifikimit do të ecë shumë shpejt dhe Shqipëria me plot meritë dhe të sigurtë në vitin që do të vjenë do të kurorëzojë këtë proçes të gjatë dhe sfidues për tu bërë anëtare e vërtetë e NATO-së. Mirë tha edhe z.Shefer, se popullit shqiptar unë i them se jam ekstremisht i lumtur të kem Shqipërinë dhe t'ju kem ju popullin shqiptar dhe t'ju përkujtoj që të mos ndaloni atë që keni bërë gjatë gjithë viteve të kaluara, vazhdoni të reformoni, vazhdoni t'na ndihmoni ne, të ndihmoni NATO-n, tani si vend kandidat dhe më vonë si vend anëtar që të jetë një eksportuese e sigurisë dhe e stabilitetit. Dhe ky do të jetë një faktor stabilizues në rajon me Shqipërinë si një anëtare e NATO-s. Ky fjalim i z.Shefer të lenë të kuptojmë se do jemi afër NATO-së.

Siç dihet janë 26 shtete sovrane të NATO-s, mendoni se do të ketë pengesa Shqipëria deri te samiti tjetër?

Lulzim Basha: Nuk mendoj, sepse kemi punuar dhe jemi duke punuar sistematikisht me gjithë aleatët tanë dhe padyshim se do të jemë pjesë e merituar në NATO. Në Selinë e NATO-s në Bruksel hapi që Shqipëria dhe Kroacia hodhën drejt anëtarësimit u konkretizua me uljen e ambasadorëve të dy vendeve në Këshillin e rregullt të ambasadorëve të NATO-s, në rolin e vëzhguesve deri në ditën e anëtarësimit të plotë. Nënshkrimi i sotëm i hapë rrugë ratifikimit për anëtarësim të plotë në NATO

A mendoni, z.Basha se me këtë nënshkrim shënohet përfundimi i përpjekeje të Shqipërisë për anëtarësim në Nato?

Lulzim Basha: Po. Nënshkrimi i sotëm është hapi i fundit që i hapë rrugë ratifikimit për anëtarësim të plotë në NATO.NATO është më shumë sesa vetëm një aleancë dhe organizatë ushtarake. NATO është më shumë sesa vetëm një planifikuese mbrojtjeje dhe trupash. NATO është gjithashtu, familje unike demokracishë. Për Shqipërinë është shumë e rëndësishme që vendi ynë të anëtarësohet në NATO.

Nga ky moment në takimet zyrtare të Këshillit të NATO-s ambasadorët e Shqipërisë dhe Kroacisë do të ulen në karriken e këtij këshilli. Komenti juaj?

Lulzim Basha: Vërtetë është një përshkrim i mirëpritur duke patur parasysh punën që kemi bërë për këtë ditë. Të jesh në mesin e NATO-së, kjo tregon vetëvetiu dëshirën e madhe të të gjithë shqiptarëve kudo që ndodhen.

Shqipëria është anëtare e plotë e Aleancës

Në orën 12:00, Këshilli i Atlantikut të Veriut filloi edhe mbledhjen e tij të rregullt ku Shqipëria dhe Kroacia morën pjesë për herë të parë, pa të drejtë vote, çka do të thotë për Shqipërinë kjo mbledhje e parë që u përfqaqësua edhe Shqipëria?

Lulzim Basha: Është mishërimi i përpjekjeve dhe reformave të ndërrmara nga Shqipëria dhe vendi jonë do të jetë afër ose krahë për krahë me vendet tjera të Aleancës dhe sot e tutje kjo nënkupton se Shqipëria është anëtare e plotë e Aleancës. Është shumë e rëndësishme që përpjekjet të vazhdojnë pandërprerë, në mënyrë që numri i vendeve të rritet për njohjen e Kosovës

Z.Basha, mendoni se politika shqiptare në Kosovë është duke stanguar në lidhje me lobim për njohje të reja të Kosovës shtet të pavarur?

Lulzim Basha: Mendoj se proçesi i njohjes së Kosovës shtet i pavarur ka pasur një ecuri shumë të mirë deri më tani. Edhe nëse krahasohet me proçeset e njohjes së vendeve të ish shteteve ish jugosllave, kjo ecuri për Kosovën është shumë e admirueshme. Është shumë e rëndësishme që përpjekjet të vazhdojnë pandërprerë, në mënyrë që numri i vendeve që njohin Kosovën shtet të rritet dhe ti çelen të gjitha dyert e Organizatave shumëkatëshe si Këshillit të Evropës, Kombeve të Bashkuara etj, por kaq e rëndësishme është shumë që fokusi të vendoset edhe tek reformat e brendshme për të realizuar aspiratat e Kosovës për integrim europian dhe euroatlantik.

Prej 15 qershorit, Kushtetuta e Kosovës ka fuqizuar Ministrinë e Jashtme

Si e vlerësoni punën e Ministrisë së jashtme të Kosovës, që pritej shpejt të hapen ambasadat e para të Kosovës nëpër evropë dhe botë?

Lulzim Basha: Mendoj se që prej datës 15 qershor Kushtetuta e Kosovës ka fuqizuar Ministrinë e Jashtme të Kosovës, puna e bërë në hartimin e planveprimit për kuadrin përkatës dhe fillimit të misionit është vuliminoze dhe ne inkuarojmë dhe mbështesim plotësisht përpjekjet e autoriteve kosovare dhe do japim ndihmën tonë në çdo kohë në këtë drejtim.

Ju përshëndesim dhe ju përgëzojmë për punë të mbarë.

Lulzim Basha: Gjithashtu dhe suksese edhe Juve dhe gjithë stafit tuaj dhe gjitha të mira edhe lexuesve tuaj dhe gjithë Kosovës.

Intervistoi: Dashnim HEBIBI, redaktor i gazetës kombëtare "Bota sot" për diasporë dhe redaktor i TV Diaspora - RTK për Zvicër.