Nju Jork: Shoqata e Shkrimtarëve Shqiptaro-Amerikanë, promovoi dy libra të poetit Mëhill Velaj dhe një të shkrimtarit Ramiz Gjini

-- nga Beqir SINA, New York

"Dihet se shkrimet artistike në përgjithësi dhe poezia në veçanti, nuk maten në sasi, me metër as me peshë, por matën vetëm me cilësi ose e thenë ndryshe me vlera artistike, me mesazhet e reja qe ajo sjell" - shprehet Tomë Mrijaj.

MONROE COLLEGE - BRONX NY: Mbi 50, vetë morën pjesë në promovimin e librave të dy autorve të komunitetit Mëhill Velaj dhe Ramiz Gjini. Mes të ftuarve ndodhej edhe përfaqësuesi i shtetit shqiptarë, konsulli i përgjithëshëm i RSH në Nju Jork, dr. Albert Jerasi si dhe ish ambasadori i RSH, në Slloveni, diplomati Vatutin Bala dhe ish ambasadori i RSH në OKB, shkrimtari Pëllumb Kulla.

Ky ishte një takim me dy shkrimtarët, të cilët kishin ftuar në përurimet e tre librave të reja, kolegët e tyre, nga Nju Jorku, Nju Jersi, Kenektiket e tjerë, si dhe adhuruesit e librit në përgjethsi, në komunitet. Promovimi i librave të tyre, u zhvillua dje në mesditë në njërin prej mjediseve të kolegjit Monroe, Bronks - Nju Jork. Ata, u tubuan në këtë mjedis, të promovojnë kësaj radhe dy librat e sapobotuar nga poeti i komunitetit Mëhill Velaj, libri me poezi “Metamorfoza e Rruzullit" dhe "Gërshetat e Aulonës", si dhe shkrimtarit Ramiz Gjini, librin me tregime "Rrëfimet në Hije".

Shoqata e Shkrimtareve Shqiptaro-Amerikanë, e organizoi këtë aktivitet. Tubimi u hap me një përshendetje rasti, e bërë nga Ted Goldstein (Dean Baschelor's Degree Programs). Në fjalimin e vetë gjatë hapjes së takimit të përurimit të botimit të librave të shkrimtarëve, Velaj e Gjini, moderatori i këtij tubimi gazetari Shkumbin Teta, tha se do ta quaja promovim e sotëm një "betejë të heshtur", një veprimtari artistike e letrare me gjithë peshën e rëndë të përtej Oqeanit Atlantik, sikur të mos iu referoheshim ftesave të krijuesve tonë, për të nxjerrë në dritë tre librat e tyre të rinjë" Një ndër folësit kryesorë, shkrimtari e publicisti Tom Mrija , tha se "Qysh në këtë titull, kaq të gjetur origjinal dhe shumë kuptimplotë nisë edhe vëllimi i ri me poezi i z. Mëhill Velaj “Metamorfoza e Rruzullit”. Vëllimi në fjalë, tha ai me të vërtetë është i vogël, por përmbajtja dhe vlera e tij artistike është mjaft e madhe. Dihet se shkrimet artistike në përgjithësi dhe poezia në veçanti, nuk maten në sasi, me metër as me peshë, por matën vetëm me cilësi ose e thenë ndryshe me vlera artistike, me mesazhet e reja qe ajo sjellë." shprehet Mrijaj.

Më pas recesuan në këndëvështrimet e tyre, duke patur parasysh krijimet e të dy autorve që po promovonin librat e tyre, folën edhe zoti Pëllumb Kulla, Pal Ndrecaj, Ilir Seci dhe Dalip Greca. Gazetari dhe editori i gazetës Illyria, zoti Dalip Greca, që e njeh shumë mirë krijimtarinë e Gjinit, mes të tjerave tha se "Tregimtari Gjini, u kishte dhuruar lexueseve, të tij copëza nga përditshëmria e jetës se tyre; ato ishin vetë personazhet, që mbartinin motivet e jetës së përditshme; të shoqëruar nga plagët e përditshmërisë, që mbartete vetë shoqëria, si :mllëfet, keqkuptimet, egoizmat, streset. Shkurt prozatori Gjini, kishte trokitur tek shpirti i njeriut dhe dukej se ia kishte gjetur portën e hyrjes," tha Greca.

Poetja, e dalluar dhe e vleresuara e shkrimeve shqipe në medien shqiptare, znj. Rajmonda Moisiu, mendon se libëri i Veljat, i ndarë në katër cikle: "Hyrje në natë", ishte vetëm fillimi i vuajtjëve, sakrificës që trojet tona të ribëheshin. Sa ka vuajtur poeti duke qënë protagonist i asaj nate, tha Moisiu, për të qënë timonier drejt errësirës rreth tokës së perenduar që pret agimin, pret agimin e orës së lirisë të njomur me gjakun e trëndafilave, ata që prisnin te kroi i kujtimeve, si baladë durimi, agimi që vjen bashkë me Konstandinin.

Gjithmon, Velaj tha në fjalën e saj Moisiu, ishte kujdestar, si lëviznin gjërat; se a do këtë sukses Tuneli i Semeringut, i inxhinierit me origjinë shqiptare, nga ai tunel pritjesh, ku kishte paraqitur kohën të dhuruar nga ata që nuk ia donin të mirën racës së zgjedhur të botës i bënin Balad durimi, Priste bekimin e Kastriotit, Nënë Terezes, Adrian Krasniqit e Adem Jasharit.

Pritjen e shallbardhit, rreth qafe, (këtu është fjala për Presidentin historik të Kosovës, të pavdekshmin, Ibrahim Rugova, ceku Moisiu) që priste pranverat atëhere, kur Kosova ishte në embrionin e bërjes. Kryesisht poezia e Velaj është një thirrje vëllazërore, bashkimi, sepse vetëm të tillë mund të ecim para, sepse vetëm të bashkuar nuk ka mundësi që shekujt të tallen me ne. Ishim dhe mbesim sipas Velajt, brumi më i mirë për të bërë historinë," ka konkluduar në fjalën e saj Rajmonda Moisiu. Elza Zagreda autore dhe aktore e talentuar me lojë dhe plastikë të admirueshme, recitojë dy poezi të autorit Mëhill Velaj, sikurse edhe pas saj një poet që kërkon të afirmohet shumë shpejt Ilir Spata, lexojë poezi të Velajt, por në gjuhën shqipe. Ndërsa gazetari Qazim Doda, bashkëluftëtari i dëshmorit Agim Krasniqi, shok lufte me dëshmorin, tha se e kishte gjetur tek poezia e Velajt, "atë prekjen e thellë, nga ndjenjat e mësuesit për ish nxësin e tij të paraqitura në poezinë "Kushtim", që i dedikohet Adrian Krasniqit, në librin me poezi "Metamorfoza e Rruzullit".

"Adriani ishte rritur si një engjull para syve të poetit, tha Doda, dhe kishte marrë krah që të fluturonte, të kalonte malet dhe të mos njihte kufirin që i ndante dy krahët e shqipes, ai bashkë me shokë të tjerë siç ishin Zahir Pajazit, Ilir Konushevci, Luan Haradinaj e shumë të tjerë kishte vendosur që atë kufi ta rrënojnë dhe të krijojnë urën e bashkimit kombëtar," tha mes të tjerave gazetari Qazim Doda.

Elmira Muja lexojë përshëndetjen e kryetarit të Shoqatës së Shkrimtarëve Shqiptaro-Amerikanë, Dalan Luzit dhe të themeluesit e presidentit të saj shkrimtarit të mirënjohur zotit Gjek Marinajt. Diskutuan, e përshendeten gjithashtu edhe Dr. Albert Jerasi, Vatutin Balaj (ish-ambasadori i Shqiperisë në Slloveni), poetja e njohur Iliriana Sulkuqi, Adnan Mehmeti, Ismail Ahmeti, Shpend Gjoçaj (aktor dhe poet), Pandeli Simsia, Donika Timko, dhe Edmont Ismailati, si dhe Tom Paloka, shkrimtar e publicist, botuesi i revistës "Trojet Tona", si dhe poetja Kozeta Zylo, z/dhense e shtypit e Shoqatës së Shkrimtarëve Shqiptaro-Amerikanë, Dy autorët Gjini dhe Velaj.

Në fjalën e tij përshëndetëse, shkrimtari Ramiz Gjini, i falenderoi të pranishmit për pjesmarrjen dhe foli mbi rëndësinë që ka prezantimi i vlerave te verteta letrare. Ne vijme nga nje vend, tha ai, ku letersia dhe gjithe artet kontrolloheshin nga shteti diktatorial dhe botimet e huaja, madje kryevepra te shkrimtareve me te mire, nuk lejoheshin te perktheheshin. Keshtu, deri para nentedhjetes, ne u privuam nga nje pjese e letersise se madhe, qe krijoi deficite te medha. Keto deficite, duhen plotesuar me lexime, me perpjekje per te parë misteret e padukëshme, që fsheh universi.

Sot ka një lum të madh botimesh dhe kritika letrare behet me llogje, ajo përpiqet të ngrejë lart vepra pa vlerë. Kjo sjell një të keqe të madhe sepse në radhë të parë, corionton lexuesin e thjeshtë, dhe e dyta, krijon tek ai shie të niveleve mjaft të ulëta. Unë u them shkrimtarëve shqiptarë të komunitetit këtu, por edhe në Shqipëri, të mos gënjehen nga fjalët e bukura që u thonë sa për t'u bërë qejfin dhe të mos fryhen si shkuma e birrës kur bie në një enë bosh nga lartësia. Por të ndjejnë përgjegjësi, ta vendosin veten në ballancë për të parë ku janë ata me letërsinë e madhe dhe të mos presin gjykime nga lexues të pakualifikuar, sepse koha do t'i marrë nëpër këmbë.

Më pas autori i dy librave Mëhill Velaj, përgëzoi pjesmarrësit, diskutantët dhe mbështetsit e këtij aktiviteti, veçanërisht, profesorin e Monroe University, z. Haxhi Berisha PH.D., që e mundësoi realizimin e kësaj veprimtarie. Ai përgëzoi edhe familjen e tij për mbështtejen që i kanë bërë krijimtarisë së tij, duke veçuar motrën Lushe. Së fundi ai që e deklaroi të hapur tubmin, Shkumbin Teta edhe e mbylli aktivitetin duke uruar që të shihemi në prëurime të reja në komunitet.