Pse ua moren serbt Kishen kosovarve?

Para pak ditve kam lexue ne te perditshmen kosovare "IliriaPost" shkrimin e A. REXHAJ: "Zona e veçantë mbrojtëse rreth Kishës së Kabashit ose Kishës së Sali Shabanit".

Shkurtimisht disa pjese nga shkrimi:
Fshati Korishë është disa minuta larg Prizrenit. Fshatarët e këtij fshati thonë se janë autoktone me prejardhje nga Kabashi, një fshat malor më lart. …Në mes të Kabashit është kisha, të cilës fshatarët i thonë Kisha Ilire…. Sali Rexhaj rrëfen se familja e tij dhe shumë familje të tjera të Kabashit janë masakruar nga forcat serbe …. Dullë Rexhaj, 73-vjeçar, thotë se në Kabash ekzistojnë edhe kisha të tjera. Sipas tij, atje janë tetë të tilla

…Duke u ngjitur nëpër shkallët e kishës, që fshatarët, pos Kisha Iliri i thonë edhe Kisha e Sali Shabanit, të magjepsin muralet e saj, me aq sa kanë mbetur të pashlyera në të dyja anët e kishës. Në anën e majtë dhe në djathtën ndodhen në mënyrë natyrale hyrjet dhe daljet e saj, të mbushura me lisa të gjatë. Kur ndodhesh lart në të, në të katër anët të rrethojnë lisa shumë të gjatë, shkëmbinj të thepisur, lumi që gjithmonë rrjedh pranë saj… Faruk Dakaj shpjegon se kur ka dëgjuar për zonën e veçantë mbrojtëse që do të krijohet rreth Kishës së Kabashit, ishte mllefosur shumë. "Ne nuk do ta lejojmë këtë, sepse kjo kishë është e jona, e të parëve tanë"… Ndërkaq Kushtrim Dakaj thotë se ndërtimi i zonës së veçantë rreth kësaj kishe apo konsiderimi i saj si trashëgimi kulturore ortodokse serbe është turp i përfaqësuesve tanë në Vjenë. Hoxha i fshatit Korishë, Nebi Dakaj, thotë prerazi se Kisha e Sali Shabanit është e shqiptarëve.

"Nëse do të vendosin zonë mbrojtëse rreth saj, do ta kenë në qafë të gjithë fshatin. Ne s'kemi për ta lejuar një gjë të tillë. Veton Surroi le të vendosë zonë mbrojtëse rreth shtëpisë së tij dhe jo kishës sonë", shprehet Nebiu tërë mllef. Dhe sa herë që gjendesh brenda kishës është e pamundur që të mos I ndjesh drithërimat mistike e rrëqethëse të saj, që të krijohen nga tregimet e vendësve se aty flenë dhjetëra shpirtra të masakruar nga forcat serbe… Në bisedimet të ashtuquajtura "teknike" të Vjenës, rreth trashëgimisë kulturore në Kosovë, që doli të flitej vetëm për trashëgiminë kulturore serbe, Kisha e Kabashit është pranuar si e tillë, pra trashëgimi serbe. Për këtë, në bisedime është vendosur që të ndërtohet zonë e veçantë mbrojtëse rreth saj. Fshatarët e fshatit Korishë, që duket të jenë tejet të lidhur me të, thonë se është absurd krijimi i një zone të tillë, ngase kishën e ruajnë vetë, sepse e njohin dhe e çmojnë si të tyren. Duhet cekur se në këtë kishë, që nga përfundimi i luftës në Kosovë nuk ka ndodhur as edhe një dëmtim i vetëm."

Ne shkrimin tim "A thue mund ta kalojne kosovart "Provimin"? (Klikò: Provimi-1) te publikuem ne janar kam vue ne dukje se prania ne Kosove e popullsise katolike shqiptare asht prova ma e pamohueshme se Kosova asht toke shqiptare, per aresyen e thjeshte se katoliket kosovar nuk i solli aty as serbi, as turku, te cilet i persekutuen pa mshire. Pasoja asht se sot katoliket kosovarë jane reduktue ne 2% - 4% te popullsise dhe se shumica e Kishave te tyne u kethyen ne germadha. Temen mbi hershmenine e ketyne Kishave e ka trajtue shume mire historiani kosovar Jahja Drançolli ne studimin e tij: "Monumentet e Kultit Katolik gjatë Mesjetës në Kosovë.

Tashti e perditshmja kosovare "IliriaPost" po na sjell "Provat Materjale", qe konfirmojne konkluzionin tim. Fshatart Sali Rexhaj, Dullë Rexhaj, Faruk Dakaj, Kushtrim Dakaj me fshatart e tjere te Korishes si dhe hoxha i fshatit Nebi Dakaj pohojne se Kisha-germadhe e Kabashit asht "Trashigimi Kulturore" e te parve te tyne (shqiptar katolik natyrisht dhe jo ortodoks serb). Po qe se ato perpara takimit te Vjenes do ta kishin meremetue vete ne nji fare menyre Kishen e Kabashit, atehere ate nuk do tua kishin marre kurr serbet. Prandej: Ose kosovart sot do ti riparojne vete keto Kisha shqiptare, ose neser serbt do ti riparojne per vedi si Kisha ortodokse!