Kujt i sherben sot destabilizimi i Kosoves?

Para se te trajtoj shkurtimisht kete teme sa aktuale aqe edhe jetesore per popullin e shume vuejtun kosovar, po citoj ma poshte çka kam lexue ne te perditshmen prishtinase te datave 19 dhe 20 mars:

PRISHTINË/VITI, 18 MARS
Të dielën, rreth orës tre të mëngjesit, në fshatin Binçë, komuna e Vitisë, ka ndodhur një grabitje me armë. Tre meshkuj të dyshimtë, të cilët dyshohet se kanë depërtuar në objektin përcjellës të kishës katolike përmes çatisë, kanë sulmuar dy priftërinj, duke grabitur nga ata nën kërcënimin e armëve, një sasi të hollash prej 1 mijë euro dhe dy telefona celularë. "Viktimat pësuan lëndime të lehta trupore. Ata u trajtuan nga emergjenca, që i ka trajtuar në vendin e ngjarjes. Njësitë patrulluese, hetimore dhe forenzika e SHPK-së u përgjigjën menjëherë në vendin e ngjarjes, duke iniciuar hetimet e menjëhershme rreth këtij rasti të grabitjes", njofton Zyra për Informim e SHPK-së. Ndërkaq, Qeveria e Kosovës shpreh indinjatën e thellë lidhur me ngjarjen e hidhur që ka ndodhur sot në orët e hershme të mëngjesit, kur është sulmuar dhe grabitur me dhunë personeli i kishës katolike në fshatin Binçë të Vitisë. "Sulmin ndaj Kishës së Binçës, Qeveria e konsideron si akt shumë të ultë dhe qyqar, i cili, pa marrë parasysh motivet dhe kryerësit e saj, është sulm ndaj ndjenjave fetare të të gjithë qytetarëve të Kosovës pa dallim. Qeveria apelon te qytetarët që t'i ndihmojnë organet e rendit për t'i kapur keqbërësit dhe për t'i nxjerrë para drejtësisë", thuhet në një komunikatë të Zyrës për Informim të Kryeministrisë.

Po ashtu, edhe Partia Liberale e Kosovës dënon aktin vandal në Binçë të Vitisë. Në një komunikatë thuhet se Partia Liberale e Kosovës e dënon aktin e ultë, vandal dhe jonjerëzor, i cili ka ndodhur në orët e hershme të ditës së sotme në kishën katolike në Binçë të Vitisë, me ç'rast njerëz të inkriminuar i kanë plaçkitur me dhunë autoritetet e klerit katolik. Aktet e tilla barbare nuk janë vetëm kundër Kishës Katolike të Binçës, por kundër vetë të ardhmes së Kosovës dhe vlerave të shenjta, me të cilat mburret populli i Kosovës, siç janë respektimi i objekteve fetare dhe të kultit, i autoriteteve religjioze dhe të klerit pa marrë parasysh përkatësinë dhe identitetin fetar, ato vlera dhe begati shpirtërore gjatë shekujve janë çmuar dhe ruajtur me dinjitet dhe përkushtim nga populli i lashtë shqiptar. Ata të cilët sulmojnë objektet religjioze katolike, islame dhe ortodokse, kishat dhe xhamitë, teqetë dhe tyrbet, ata janë më shumë se kriminelë, ata duhet të kapen nga organet e rendit dhe ta marrin dënimin e merituar, sepse janë, në fakt, kundër ardhmërisë dhe pavarësisë së Kosovës.
( Marrë nga e perditshmja e Prishtines "IliriaPost" me 19.03.2007 )

Harta e Evropës së Bashkuar dhe Ballkani i paintegruar

PRISHTINË, 19 MARS -
Sulmi, plaçkitja dhe goditja e famullitarit dom Lush Gjergji dhe disa pjesëtarëve të tjerë të personelit të Kishës Katolike në Binçë të Vitisë, ka shkaktuar indinjatë të thellë dhe reagim të ashpër të institucioneve të vendit dhe të partive politike. Aktet e tilla janë cilësuar si sulme flagrante kundër vlerave të çmuara të shoqërisë kosovare, kundër barazisë dhe tolerancës fetare dhe kundër vetë Kosovës. Pas reagimit të djeshëm të Qeverisë, sot kanë reaguar edhe Kuvendi, AAK-ja, PLK ja dhe PD-ja.

Kryekuvendari Kolë Berisha: Dënoj fuqishëm aktet e tilla
Në emër të Kuvendit të Kosovës, kryekuvendari Kolë Berisha e dënoi fuqishëm rastin e mbrëmshëm në Binçë të Vitisë, ku njerëz të panjohur kanë hyrë në mënyrë të dhunshme në Kishën Katolike të Binçës dhe nën kërcënim kanë goditur famullitarin dom Lush Gjergji dhe disa pjesëtarë të tjerë të personelit të kësaj kishe. Aktet e tilla janë sulme flagrante kundër vlerave të çmuara të shoqërisë kosovare, kundër barazisë dhe tolerancës fetare. "Në emër të Kuvendit të Kosovës dënoj fuqishëm këtë akt brutal ndaj Kishës Katolike të Binçës, ndaj figurës së ndritur të klerikut e personalitetit të respektuar dom Lush Gjergji, si dhe ndaj personelit të këtushëm. Aktet e tilla janë sulme flagrante kundër vlerave të çmuara të shoqërisë kosovare, kundër barazisë dhe tolerancës fetare. Kërkojmë veprime urgjente të organeve të rendit, në mënyrë që të zbardhet rasti dhe kryerësit e këtyre veprimeve të marrin dënimin e merituar", theksohet në reagimin e kryekuvendari Berisha, njofton Zyra për Marrëdhënie me Media dhe për Publikime e Kuvendit të Kosovës.

SHPK:Sulmet ndaj objekteve fetare bëhen për përfitime materiale
Naim Rexha, drejtor i Drejtorisë për Planifikim dhe Zhvillim në Shërbimin Policor të Kosovës (SHPK), tha se sulmet ndaj objekteve fetare nuk kanë të bëjnë me motive ndëretnike ose ndërfetare, por për përfitime materiale. Ai tha se kontrolli i vazhdueshëm i policisë në këto objekte dhe bashkëpunimi i tyre me Ministrinë e Kulturës ka bërë që këto kategori të objekteve të kenë një përkujdesje më të mirë dhe të ruhen më shumë vlerat e trashëgimisë kulturore. "SHPK-ja ka një strategji bashkëpunimi me Departamentin e Trashëgimisë Kulturore në Ministrinë e Kulturës, e cila ka të bëjë me mbikëqyrjen e objekteve fetare e kulturore dhe formimin e pikave, prej nivelit lokal, regjional e deri te niveli qendror i SHPK-së", njoftoi ai.

Kryesia e LDK-së:Sulm qyqar mbi njerëzit e Zotit
Kryesia e Lidhjes Demokratike të Kosovës dënon aktin e dhunshëm ndaj Kishës Katolike në Binçë të Vitisë, me ç'rast janë sulmuar fizikisht famullitari i kësaj kishe don Lush Gjergji, si dhe asistenti i tij, don Fatmiri. Kryesia e LDK-së konsideron se sulmi fizik ndaj udhëheqësit të kishës katolike është jo vetëm sulm ndaj njeriut, i cili ka qenë i përkushtuar për ta përkrahur ndjenjën e solidaritetit dhe fjalën e Zotit, të mbjellë në mbarë botën nga Nëna Terezë, por edhe ndaj ushtrimit të lirë të vullnetit religjioz e qytetar; ai është sulm ndaj vlerave kulturore e shpirtërore, të shtresuara për vite të tëra. Me këtë veprim provohet të zbehet fryma e tolerancës dhe e bashkëpunimit të shkëlqyer ndërreligjioz në Kosovë. Duke e ndarë dhimbjen me qytetarët e Binçës dhe të mbarë Kosovës, LDK-ja inkurajon institucionet gjegjëse që t'i përshpejtojnë hetimet dhe t'i vënë para drejtësisë kryerësit e këtij akti.

AAK: Veprim barbar
Aleanca për Ardhmërinë e Kosovës dënon ashpër sulmin ndaj Kishës Katolike në Binçë të Vitisë dhe njëherësh shpreh indinjatë të thellë lidhur me këtë sulm të papranueshëm dhe qyqar, që ndodhi dje në orët e hershme të mëngjesit. Sulmin ndaj Kishës Katolike në Binçë, rrahjen dhe plaçkitjen e dy priftërinjve, AAK-ja e konsideron si akt barbar dhe shumë të ultë. AAK-ja kërkon nga organet e rendit që kryerësit e kësaj vepre vandale të kapen dhe sa më shpejt të nxirren para organeve të drejtësisë, në mënyrë që ta marrin dënimin e merituar.

PD-ja: Aktet e tilla duhet dënuar shpejt dhe ashpër
Partia e Drejtësisë, parti e vlerave, në kuadër të ruajtjes së vlerave fetare, të objekteve dhe prijësve fetarë reagon ashpër ndaj sulmit dhe plaçkitjes të Kishës Katolike në Binçë të Vitisë, duke e cilësuar këtë akt shumë të ultë dhe qyqar. Kërkojmë nga organet kompetente që rasti të zbardhet sa më shpejt dhe akterët të dalin para drejtësisë. "Aktet e tilla duhet dënuar shpejt dhe ashpër. Duke uruar që të jetë akti i fundit edhe një herë Partia e Drejtësisë e dënon këtë akt", thuhet në një kumtesë për media të lëshuar nga Zyra për Informim e PD-së.

KMDLNJ-ja: Akt i ulët
Këshilli për Mbrojtjen e të Drejtave e të Lirive të Njeriut, nëpërmes një komunikate, ka dënuar ashpër plaçkitjen e Kishës Katolike në Binçë, me ç'rast është përdorur edhe dhunë fizike ndaj don Lush Gjergjit, humanistit të madh shqiptar, i cili tërë veprimtarinë e tij ia kushtoi mbrojtjes dhe kultivimit të vlerave njerëzore. KMDLNJ-ja e dënon ashpër këtë akt të ultë dhe kërkon që ky rast të zbardhet sa më shpejt, në mënyrë që kryesit e këtij akti të turpshëm të nxirren para organeve të drejtësisë dhe ta marrin dënimin e merituar.

BIK: Aktet e tilla të shëmtuara të mos përsëriten
Kryesia e Bashkësisë Islame të Kosovës dënon ashpër plaçkitjen dhe maltretimin e titullarëve të Kishës Katolike që ka ndodhur ditën e diel në fshatin Binçë të Vitisë. Ky është një akt i ultë dhe i mjerë i drejtuar kundër objekteve dhe titullarëve fetarë e që synon ta cenojë lirinë dhe të drejtën e fesë. Objektet fetare duhet të ndihmohen e kurrsesi të plaçkiten. Kryesia e BIK-ut shpreh shqetësimin e saj se, pos plaçkitjes si motiv, me këtë rast është atakuar edhe famullitari, që është një rast pa precedencë deri më tash te ne. Një akt të tillë e konsiderojmë jonjerëzor dhe si i tillë është për shqetësim. Ne kërkojmë nga organet e rendit që kryesit e kësaj vepre jonjerëzore të kapen sa më parë dhe të vihen para drejtësisë. Shpresojmë që akte të tilla të mos përsëriten.

( Marre nga e perditshmja e Prishtines "IliriaPost" me 20.03.2007 ) Nuk don shume mend se sot ma shume se kurr populli i shume vuejtun i Kosoves, i cili nuk e pau si na 28 nandorin e vitit 1912, i cili mbas 600 vjet okupazionesh ma se fundi pret lirine, pret te dale ne vedi, pret te krijoje nji shtet te pamvarun qe nuk e gezoi kurr, per te cilin derdhi gjakun e vet rrekè. Prandej ky popull asht i interesuem te kete nji stabilitet te vendit te vet dhe ti jape prova konkrete perkrahsve te vet perendimor se asht i denje per pamvarsine dhe se asht i denje te baje perseri pjese ne familjen ame europiane. Prandej logjikisht keto akte sigurisht nuk i kan ba kosovart patriot.

Kujt nuk i intereson pamvarsia e Kosoves? Pamvarsia e Kosoves nuk u intereson atyne qe shekullin e fundit e kan pase nen okupacion, qe e kan marre neper kambe dhe e masakruen qyshe ne fillim te shekullit te kaluem e deri ne kohet e fundit. Keto perpiqen edhe sot te nderhyjne me te gjitha menyrat per ta sabotue pamvarsine e Kosoves. Kujt nuk i intereson qe populli kosovar te mos perfshihet perseri ne familjen ame europiane? Mosperfshirja e Kosoves perseri ne familjen ame europiane nuk u intereson atyne qe vazhdojne ta konsiderojne Kosoven si nji protektorat te vetin. Ato i kane fute hundet ne punet e mbrendshme te popullit kosovar gjate luftes se dyte botnore me aleancen e tyne politiko-ushtarake kriminale me nazizmin gjerman (ne Kosove si dhe ne Bosnje). Keto vazhdojne ti fusin hundet perseri ne Kosove. Kjo gja merret vesht nga shtypi kosovar simbas te cilit policia kosovare asht ne ndjekje te nji grupi terrorist te armatosun. Simbas shtypit shqiptar keto kane fute hundet edhe ne Tirane. Po ashtu edhe gjate luftes ne Bosnje.
Keto gjana perputhen plotesisht me ate çka thote kosovari Kemail H.Hyseni ne komentin e tij me daten 27 Prill 2007 ne gazeten "Peshkupauje": "...Është e vërrtet se tani në Kosov jan duke u shetitur hapur shërbime informative të djallit dhe të birit dhe secili ban punën e vet sipas porosis qe kanë nga shtetet e tyre, sa më shumë të na përqajn shumë më leht do të na sundojn dhe zgjatin papërgjegjshmërin e tyre byrokratike.". POR