Mbështetjue pafajësisë së ish-kryeministrit Haradinaj

-- nga Dashnim HEBIBI

Në këtë koncert morën pjesë një numër personalitetesh të jetës politike e shoqërore: Nënkryetari i Parlamentit të Kosovës Naim Maloku, Ministri i drejtësisë z.Jonuz Salihaj, mr.Kujtim Kërveshi, etj. Ata janë shprehur se e kanë pritur me kënaqësi ftesën kur dihet se bëhet fjalë për mbështetjen e diasporës drejt liderit historik të Kosovës Ramush Haradinajt.

"Të gjithë popujt e dijnë se dashuria për atdheun është topi që shkatërron kalatë më të forta dhe kalaja që mund t'u qëndrojë topave më të fortë.Atdheu është si familja: vlerën ia njohim vetëm atëherë kur e humbim.Populli është i madh kur jep njerëz të mëdhenj, prandaj ne si popull i madh me lider të mëdhenjë, si Skënderbeu, Konica, Noli, Fishta, Ismail Qemajli, Luigj Gurakuqi, Isa Boletini, Nënë Tereza, Aleksandër Moisiu, Adem Jashari,Sali çeku, Agim Ramdani, e Ramush Haradinaj, na jep që të mbijetojmë deri sa të ketë jetë Dielli i Ilirëve, deri sa të ketë jetë toka me ujë.Sot, nga ky vend në emër të të gjithë të pranishmëve, përshëndesim edhe familjen Haradinaj, ate babë dhe nënë burrneshe, që rriti dhe edukoi një djalë që diti dhe do dijë të jetë shqiponjë e Kosovës së lirë.

Ramush Haradinaj është i pashmangshëm gurthemel i lirisë dhe shtetësisë së Kosovës dhe ai e ka rolin e vet historik në këtë drejtim. Fati i komandantit është përgjasim me fatin e popullit tonë. Të nderuar pjesmarrës, në këtë kohë, kur ka filluar fushata zgjedhore në Kosovë, dëshmon qartë edhe njëherë se AAK-ja nuk vrapon për karrike, e shihni se sot kanë ardhur veprimtarë të lartë të AAK-së nga Kosova, për ta nderuar luftën heroike të liderit të Kosovës, ka ardhur që t'ia rikujtoj juve të nderuar bashkatdhehtarë, se AAK-ja me liderin e saj kurr nuk do ta harrojë diasporën, nuk do ti harroj kontributin tuaj të madh që keni dhënë".

Me këto fjalë z. Lan Avdiu kordinator i AAK e filloi koncertin përkrahës me Ramushin. Në këtë kohë të stërngarkuar në Kosovë, me zgjedhjet e 17 nëntorit dhe kur 10 dhjetori po afrohet dhe kur i nevojitej më së shumti kësaj situate ish kryeministri i Kosovës z.Ramush Haradinaj gjendet në Hagë, duke u mbrojtur.I cili kohërat më sfiduese për Kosovën besoi në drejtësi ndërkombëtare dhe vendosi për të mos u fshehur, vetëm e vetëm për të ndihmuar Kosovën të arrijë atje ku dëshirojmë të gjithë ne.

Ashtu siç ka thënë i ndjeri z. Robin Cook, se ‘nën udhëheqjen e tij, Kosova ka përparuar më shumë në përmbushjen e standardeve kryesore, sesa gjatë pesë viteve të kaluara, dhe ku shumë miqë ndërkombëtarë e kanë cilësuar zotin Haradinaj, si shëmbëlltyrë e Nelson Mandelës, të cilin ne nuk duhet të harrojmë se dikur ishte quajtur "terrorist" nga kundërshtarët dhe denigruesit e tij pse ai përpiqej ta çlironte popullin e tij nga aparteidi". Ndersa Kongresisti Rohrabacher ka thënë se "të akuzosh Ramush Haradinajn është një lloj sikur ta kishe akuzuar Alesandër Hamiltonin" - burrështetasin amerikan të shekullit të tetëmbëdhjetë që ishte delegat i Kongresit Kontinental dhe që kishte luajtur rol vendimtar në formësimin e politikës së jashtme e të brendshme në dekadën e parë të Pasrevolucionit të Madh Amerikan. E kështu përkrahje vazhdon me mënyra të ndryshme dhe pas shumë koncerteve që janë zhhvilluar nëpër qytete të ndryshme të Kosovës edhe diaspora është në mbështetje të ish Kryeministrit Ramush Haradinaj dhe bashkëpunëtorëve të tij që po mbahen në burgun e Hagës.

Në diskotekën Boleros të Zyrihut, këtë të dielë, me pjesmarrjen e veprimtarëve të ndryshëm të atdheut tonë, ishin mbledhur qindra bashkatdhetarë nga shumë shtete të europës e të trevave të ndryshme të atdheut, të bashkuar rreth një qëllimi të vetëm, në pafajësinë e liderit Haradinaj, ish luftëtarë të UçK-së, UçPMB-së, invalidë të luftës, familjarë të dëshmorëve, simpatizantë e drejtues të degëve të ndryshme të partive politike që veprojnë në diasporë, artistë të estradës sonë, sportistë të nominuar ndërkombëtarisht si Elson Kabashi, me koncertin e madh përkrahës me moton: "Me Ramushin".Në këtë koncert morën pjesë një numër personalitetesh të jetës politike e shoqërore: Nënkryetari i Parlamentit të Kosovës Naim Maloku, Ministri i drejtësisë z.Jonuz Salihaj, mr.Kujtim Kërveshi, etj. Ata janë shprehur se e kanë pritur me kënaqësi ftesën kur dihet se bëhet fjalë për mbështetjen e diaspores drejt liderit historik të Kosovës Ramush Haradinajt.

Kordinatori i AAK-së për diasporë z.Lan Avdiu pasi përshëndeti të pranishmit dhe musafirët nga Kosova u ndal së veçuari ndër të tjera se procesi nëpër të cilin po ecën Kosova sot është duke u zhvilluar pa njerën prej figurave kryesore të zhvillimeve politike që ndodhen viteve të fundit në vendin tonë. Haradinaj, i suksesshëm në luftë, partner me Aleancën Veri-Atlantik jo vetëm gjatë fushatës së bombardimeve të Serbisë, por edhe pas saj, i cilësuar në poltikë nga diplomatët më të denjë perëndimorë si kryeministri më energjik i vendit dhe si faktor i fuqishëm stabiliteti e paqeje. Me thirrjen e popullit për qetësi dhe ecje përpara drejt bërjes së Kosovës shtet të pavarur dy, Haradinaj tashmë po e përcjellë gjithë atë mori dëshmish kundërthënëse të dëshmitarëve të përgatitur të prokurorisë për gjoja shkelje të rregullave të luftës.

Me një minutë heshjte u nderuar edhe të gjithë dëshmorët e rënë për liri.Ndërsa në fjalën përshëndetëse drejtuar pjesmarrëve të shumtë në këtë koncert përkrahës të ish kryeministrit Haradinaj, foli edhe nënkryetari i Parlamenit të Kosovës Naim Maloku, Ministri i Drejtësisë së Kosovës Jonuz Salihaj, Mr. Kujtim Kërveshi këshilltar i parë i ministrit të drejtësisë, mikja e popullit tonë veprimtarja analiza shneller, bashkëshortja e ish komandantit agim ramadani zonja shukrie ramadani dhe aktivistë të shumtë të çështjes kombëtare.

Z.Maloku u ndal me shumë modesti, duke kujtuar se takimi i ynë i sotëm shumë larg atdheut mendoj se do të nxjerr një porosi. Një të vërtetë. Një mesazh. Sigurisht pas përkrahjeve tuaja të çmueshme që po shihet se e keni dhe besoj se mesazhi më i mundshëm dhe më i mirë është se Ramush Haradinaj për asnjë çast, për asnjë milimetër, nuk mund të konsiderohet shkelës i rregullave të luftës. Figura e tij sigurisht do të portretohet edhe shpirtërish prej jush si figurë në shërbim të atdheut. Figurë e ngjizur me lirinë për të gjithë, asnjëherë në dëm të ndonjë komuniteti. As në kohë lufte, e as në kohë paqeje.Me kontributin e tyre të çmuar dhanë përmes artit edhe Shoqëria kulturoro artistike Shota me seli në Zvicër, këngëtari Nimon Mushkolaj, Salim Arifi, Mimoza Shkodra etj.