Berisha në Nju Jork - darkë nën kujdesin e Federatës PanShqiptare të Amerikës VATRA, dhe Misionit të Përhershëm të RSH pranë OKB-së

-- nga Beqir SINA, Nju Jork

Clark: Pavarësia e Kosovës jo më larg se fundi i këtij viti.

Berisha: Kosova e Pavarur, faktor i sigurt paqeje dhe stabilitetti, vendi i një miqësie të mirë dhe bashkëpunim të mirë në të gjithë rajonin, një vend me të vërtetë europian.

BIG APPLE - MANHATTAN NY: Kryeministri i Shqipërisë, Sali Berisha, filloi sot në metropolin e botës, Nju Jork, një vizitë disa ditore, në ditën e parë të vizitës së tij, iu bashkua ashtu si dhe në takimet e tjera, Vatrës, dhe vatranëve, patriotëve dhe atdhetarëve, demokratëve, e veprimtarve, përfaqësuesve të disa organizatave, shoqatave shqiptaro - amerikane. Mbrëmëja, në lokalin "Union Club", në të cilën morën pjesë qindra vetë, u zhvillua nën kujdesin e Federatës PanShqiptare të Amerikës VATRA, dhe Misionit të Përherëshëm të RSH pranë OKB-së.

Çdo vizitë në Amerikë, kryeministri i Shqipërisë, ka zgjedhur t'i bashkohet, e të takohet, së pari me veprimtarët dhe aktivistët e dalluar në komunitet. Axhenda e kreut të qeverisë që vijon sot, me një listë takimesh të ngjeshura, mes të cilave vlen të përmendet ai me drejtuesin ekzekutiv të Sfidës së Mijëvjeçarit, Xhon Daniloviç, përfituese e së cilës, është edhe vendi ynë pikërisht për shkak të meritave të spikatura në luftën ndaj korrupsionit.

Vizita:
Kryeministri Sali Berisha dhe delegacioni që e shoqëron atë, ka mbërritur në Nju Jork, me rastin e hapjes së sesionit të ri të Asamblesë së Përgjithshme të Organizatës së Kombeve të Bashkuara. Berisha shoqërohet gjatë kësaj vizite nga bashkëshortja e tij zonja Lire Berisha dhe delegacioni i Shqipërisë. Ai ka mbërritur këtu me ftesë të presidentit amerikan, Xhorxh W. Bush. Kryeministri Sali Berisha filloi zyrtarisht vizitë e tij me ftesën nga presidenti amerikan, e cila vjen vetëm tre muaj, pasi vetë Presidenti George W. Bush, vizitoi Shqipërinë, në një vizitë, e cila konsiderohet si historike për shqiptarët në të gjitha trevat. Berisha pritet të marrë pjesë në tryezën e rrumbullakët“ Demokracia dhe Shoqëria Civile”, takim, i cili do të zgjasë rreth 90 minuta, ku ai përveçse me presidentin amerikan, do të jetë në krah dhe të liderëve të tjerë të shteteve të ndryshme evropiane. Në këtë takim marrin pjesë 20 kryetarë shtetesh, mes të cilëve kancelarja e Gjermanisë, Anglea Merkel, kryeministri britanik Braun, presidenti francez Sakozi, presidenti i Turqisë, kryeministri i ri i Kanadasë etj.

Megjithatë, vizita e tij pritet të kulmojë në datën 28 shtator, ku në pallatin e qelqtë do të diskutohet mbi statusin përfundimtar të Kosovës nga Ministri i Jashtëm, Lulzim Basha. Mbrëmë kryeministri i Shqipërisë Berisha, u pritën me një entuziasëm të jashtëzakonëshëm në një darkë, ku Federata PanShqiptare e Amerikës “Vatra”, me anë të kryetarit të saj zotit Agim Karagjozi, pasi i ka uruar mirëseardhjen ka shprehur në emër të Vatrës, mbështetje të plotë, për reformat e qeverisë shqiptare si dhe përkrahjen e parezervë për pavarësimin e plotë të Kosovës nga Serbia.

Takimi:
Më pas, kryeministri Berisha, duke përshëndetur Vatrën, dhe përfaqësuesit e komunitetit, veprimtarët e aktivistët e dalluar të çështjes kombëtare në diasporë, shprehu angazhimin e qeverisë shqiptare, për t'a çuar vendin drejt prosperitetit, futur atë me dinjitet e krenari në familjen europiane. Së pari me vjen mirë tju përcjell një përshëndetje të përzemërt dhe me kënaqësin më të madhe këtu në metropolin e botës, unë të nisë vizitën time me takimin me ju. Të shpreh nderimin tim më të thell për ju që arritët të ruani e të mbroni këtu në SHBA, vsaret, virtutet, visionet më të çmuara kombëtare, për Shqipërinë për Kosovën për shqiptarët kudo që janë.

Unë gjithashtu ndihem thellësisht mirënjohës për mëbshtetjen e madhe që ju më keni dhënë mua, dhe Partisë Demokratike , ndonëse jeni një organizat tërësisht jo partiake. Por për shkak të vlerave dhe parimeve që ju i konsideroni, si më të çmuarat për vendin tonë dhe kombin shqiptarë. Ju sigurojë se kjo mbështetje ka qënë dhe mbetet një frymëzim i pashterëshëm, për për mua në përpjekjet mija për të ndërtuar dhe konsoliduar e forcuar Shqipërin, bërë atë një vend të lirë demokratik, një vend me të ardhme.
Natyrisht, tha kryeministri Berisha, që sot, për çdo shqiptar objektiv madhor kombëtar është pavarësia e Kosovës. Pavarësia e Kosovës është çështje e dinjitetit dhe e integritetit tonë kombëtar. Është një çështje e drejtë - është një çështje, e cila ka arritur të ketë mbështetjen e plotë dhe të vendosur të Shteteve të Bashkuara të Amerikës dhe të aleatëve të saj. Ndaj edhe nuk ka asgjë më të rëndësishme në këtë periudhë, sesa çdo njeri prej nesh të përpiqet të jap ndihmesën kontributin, në mënyrë që Kosova të realizojë, sa më shpejt projektin e saj madhështor për arritjen e Pavarësisë. Ky projekt dhe kjo rrugë e nisur e që ska të ndalur, mendojë se është e sigurt, dhe në rrugë të mbarë.