Ish kryeparlamentari i Kosovës zbulon sekretet në Nju Jork

Nexhat Daci i përgjigjet akuzave, zbulon se kush e ka penguar vizitën e Dr. Sali Berishës në Kosovë dhe pse ka pasur mosmarrëveshje me ambasadorin amerikan Goldberg… Mua, tha Daci, më propozuan që të isha president në vend të Dr, Rugovës, por nuk pranova…

Të shtunën me 10 qershor, në një nga sallat luksoze të restoriantit Marios në Boronx-Nju Jork, ish kryeparlamentari, akademik Nexhat Daci u prit me duartrokitje dhe me shumë pyetje, një pjesë prej të cilave; pyetje-kurth, të cilave ai iu përgjigj qetë-qetë dhe sërish u duartrokit.

Kryetari Agim Rexha i uroi mirëseradhjen z. Daci dhe zëdhënsit të LDK, njëkohësisht anëtar i kryesisë së LDK-së, z. Lulëzim Zeneli dhe prezantoi mysafirët.
Kryetari i Vatrës, z. Agim Karagjozi, tha se e ndjente veten shumë të gëzuar që ishte mes shqiptarëve nga Kosova dhe uroi me zemër që Kosova të shpallet e pavarur. Shefi i Misionit Shqiptar në Kombet e Bashkuara, z. Adrian Neritani, që e mori fjalën më pas, përshëndeti mysafirët dhe tha se së bashku do të luftojmë për kurorëzimin e përpjekjeve shumëvjeçare që Kosova të bëhet faktikisht e pavarur.

Pjesmarrësit e shumtë e kanë priture me duartrokitje fjalimin e z. Daci. Ai ka qenë tepër i qartë në platformën që ka paraqit dhe duket nga duartrokitjet se një pjesë të mirë të LDK-së së Amerikës e ka me vete. Duke qenë se senaca e pyetje-përgjigjeve ishte më interesantja, po i sjellim ato të plota për lexuesit e Illyria-s, madje pa i prekur. Duke qenë se pyetjet qenë të drejtëpërdrejta, por përmendim me emra personat për secilën pyetje:

Shaban Gashi: - Për ju z. Daci thuhet se trupin e keni në LDK, ndërsa kokën e keni në të tjera part? Cila është e vërteta?
Z. Daci: Figurativisht keni të drejtë sepse më është dashur 6 muaj punë dhe luftë politike që koka ime të përdoret që LDK dhe presidenti i saj historik, Dr. Ibrahim Rugova, të ishte president.

Arsyeja e dytë optike mund të them se ishte fakti që ndërkombëtarët mendonin se pas çlirimit të Kosovës shqiptarët do të thereshin me njeri-tjetrin, se ata ishin si fiset e Afganistanit dhe se shumë shpejt do të plaste luftë vëllavrasëse dhe konform kësaj Nexhat Daci ka pasë ofertën prej përfaqësuesit special të Kombeve të Bashkuara, në prani të liderit tonë Dr. Rugova, që të ishte presidenti i Kosovës. Oferta më është bërë në prani të dr. Rugovës, natën e vitit të Ri, gjë që është refuzuar kategorisht nga unë. Kam thënë se Rugova do të jetë president i përhershëm i Kosovës dhe se Daci së bashku me kosovarët e tjerë do ta zgjedhin në këtë post.

Argumenti tjetër është se Daci, së bashku me kolegët e tjerë të LDK në Parlament, kam bërë që vendimet në Parlamentin e Kosovës të kalonin aq lehtësisht, saqë unë e konsideroja si komuniste kalimin e vendimeve të mia me 99 për qind të votave, edhe pse në parlament ishin 18 parti të ndryshme poltike.

Së fundi: Ndoshta në të gjitha lojnat përdoren edhe taktikat. Daci ka qenë kah herë anëtar i Këshillit të Përgjithshëm dhe kurrë nuk ka kërkuar pozitë për vete. Në kohërat e pas çlirimit të Kosovës, padrejtësisht sulmohej LDK (Sulmohej padrejtësisht sepse logjistika në ushtarë, në gjak të derdhur, në para të investuara dhe në mend ishte e LDK-së). I kam prirur zgjedhjeve të para komunale për ta përforcuar LDK në Prishtinë, po u kam thënë kolegëve të mi: Daci nuk ka interes për karrierë dhe nuk lufton për post për vete. Unë nuk largohem nga LDK-ja, edhe poqe se do të mbetem portjer i saj. (duartrokitje)

Ramiz Muriqi: 1- Si e komentoni ju z. Daci takimin e kryeministrit Çeku me shefin e SHIK-ut, kur dihet mirë se çfarë ka bërë SHIK-u në Kosovën e pasluftës duke vrarë persona politikë, gazetarë, anëtarë të LDK? 2- A keni pasë dijeni ju si kryetar i Parlamentit, për egzistimin e Sigurimit të Atdheut, që thirrej SIA?Dhe a do të japë dikush llogari nga LDK; si hyri SIA në rezidencë të kryetarit Rugova, kur dihet se ata persona kanë punuar për SHIK-un dhe janë pjellë e PLK?
3- A do të lejoni në të ardhmen ndarjen e Kosovës në tri pjesë sipas projekteve të mafiozve të pasluftës, kur dihet mirë se Thaçi, Hardadinaj, Remi, edhe sot vazhdojnë e u marrin haraçin njerëzve të pasur dhe me ato para blihet pasuria e Kosovës.

Përgjigje e Dacit: Më lejoni që të shpreh publikisht një respekt të veçantë për Gjeneral Çekun si kryeministër. Unë jam njeri pa dorëza dhe kurrë nuk i largohem informacionit realisht. Gjeneral Çeku është njeri i shkolluar, profesionist i dalluar në kohëra të vështira. Asnjë informacion zyrtar nuk është dhënë sa kam qenë kryetar i parlamentit të Kosovës. As një informacion për SHIK-un, për SIA-n apo të Bijën… Prania e SHIK-ut është deklaruar vetëm nga Partia Demokratike, por ama vetëm në gazeta, media, askund tjetër. Unë nuk e besoj se në zyrën e presidentit tonë të kenë hyrë elementë që mund t’ia ulnin autoritetin. Daci nuk do të pajtohet kurrë me ndarjen e asnjë cenetimetri tokë të Kosovës, jo më në dy a tri pjesë.
Kosova do të jetë një e tërë dhe do t’i takojë banorëve të Kosovës, shqiptarëve dhe të tjerëve. Duke filluar nga Daci e të tjertë do t’i nënshtrohemi demokracisë dhe ligjeve e do të jemi të barabartë. Të gjithë do të jemi të ashpër ndaj krimit e kriminalitetit dhe do të kërkojmë dënimin e ashpër të kriminelëve, kushdoqofshin ata, të kujtëdo partie.

Shpend Ahmetaj, për 10 vite në grupin e shoqërimit të presidentit Rugova: - Çfar e detyroi z. Daci, që pas kthimit nga Haga zotin Fatmir Limaj e ftoi në Parlamentin e Kosovës, që t’u drejtohej delegatëve, kur z. Limaj, para marrjes në Hagë, menjëherë pas humbjes lokale në vota, foli zi e terr për Parlamentin. Limaj akuzoi atëherë LDK, kur thonte se LDK-ja dhe Ibrahim Rugova kanë bërë lista për Hagë, kur njerëzit e tij të PDK-së vrasin Bytyçin, kur dhe pas kthimit të tij, njerëzit e tij djegin flamurin në Malishevë, flamurin e Dradanisë dhe të LDK-së, (ku donte të bëhej kryetar i saj)!. Ky njeri asnjë fjalë të mirë s’e tha për presidenti Rugova, i cili me autoritetin e tij, e ktheu nga Haga në Kosovë?

Përgjigja e z. Daci: - Unë mendoj se në këtë pyetje të gjatë mungojnë shumçka mes rreshtave. Autori i pyetjes në pamundësi të përcjelljes e ka lëshuar një fakt shumë të madh; z. Limaj në Hagë ia ka dhënë komplimentin historik Lidhjes Demokratike të Kosovës, duke e pranuar se numri absolut i Ushtrisë Çlirimtare të Kosovës, ka qenë i LDK-së. E dyta; më lejoni t’ju them që pozita e Dacit në institucione ka qenë ajo e kyetarit të Akademisë së Shkencave dhe të Arteve. Ne si gjithë popujt që synojnë të formojnë shtetin, do të kemi dhe historinë tonë. Historitë e shumë shtetve janë shkruar ashtu siç janë shkruar.

Nëqoftëse Gjykata Ndërkombëtare e themeluar në Shtetet e Bashkuara në Nju Jork, të shpallë dikë të pafajshëm, i cili në Hagë ka shkuar si deputet i Parlamentit të Kosovës, si kryetar i grupit të një Partie parlamentare të Kosoëvs, ka qenë obligim historik dhe njerëzor i akademik Dacit (Nuk po them i kryetarit të parlamentit Daci) që ta ftonte në Parlament; që t’i tregonim botës (kamerat e shumë televizioneve të botës kanë qenë atë ditë në parlament), se lufta në Kosovë ka qenë luftë çlirimtare, ka qenë luftë për t’i mbrojtur pragjet, trojet, familjet tona. Prandaj ndonjëherë, njeriu që don të jetë krijuesi i një historie, faktet e paargumentuara ose lëshimet e ndonjë të riu, të mos ia vë re (Kjo vlen edhe për Limajn, i cili edhe ndaj meje nuk ka pasë sjellje dashurie). Pra duhet t’i ndajmë ndjenjat personale. Ne luftën çlirimtare duhet ta fusim në pjesën e historisë sonë kombëtare. Fare nuk është me rëndësi për Kosovën dhe për shqiptarët, a është Daci kryetar i LDK-së apo është vetëm një anëtar i thjeshtë i saj. Daci do të jetë akademik sepse është akademik i Europës, i Kosovës, është dhe i Shoqatës Amerikane dhe gjithëçka do ta vejë në shërbim të një Kosove të dinjitetshme.

Lekë Camaj - Shkarkimi juaj nga posti i kryeparlamentarit shkaktoi një dridhje në LDK. A thua se kjo thirrje do të shndërohet në tërmet nëse ju nuk do të drejtoni timonin e Lidhjes Demokratike?
Përgjigjet z. Daci: Jo, në asnjë tërmet nuk do të shndërrohet. Edhe nëse nuk zgjidhem, kushdo që do të ketë nevojë për ndihmën e Dacit, edhe në LDK, edhe në Universitet, edhe në Akademi, nuk do t’i mungojë.
Esat Shazivari: - Përse hytë në negociata me Serbinë pa u shfuqizuar ligjet diskriminuese ndaj ekonomisë. Rezoluta 1244 ia njeh integritetin territorial Serbi - Mali i Zi, kjo varësi nuk ekziston më. Si është e mundur që ngrihet Flamuri i Serbisë para Kombeve të Bashkuara?

Z. Daci: Unë dua t’ju them që sa ishte president Dr. Rugova dhe unë në pozicionin e kryeparlamentarit, nuk kemi pranuar, që çështjen e Kosovës ta negociojmë me Serbinë. Sovraniteti i Kosovës nuk ka qenë në Serbi që nga viti 1999. Serbia është nxjerrë me luftë të popullit të Kosovës dhe me bombardimet e NATO-s. Sovraniteti i Kosovës sot gjendet në Këshillin e Sigurimit. Nuk ka biseda me Serbinë për Pavarësinë e Kosovës, kjo është e prerë. Qëndrimi ynë, si vizion i LDK-së, ka qenë se Pavarsia e Kosovës nuk do të negociohet as me faktorin ndërkombëtar. Jo pse Kosova është e fortë, është trime, apo është arrogante, as budalle, një vend 2 milion banorë, pa ushtri të vetën, pa ekonomi të zhvilluar, por Kosova ka vullnetin politik që e mbart për disa dhjetravjeçarë, që të gjitha zgjedhjet nacionale dhe lokale, LDK-së ia kanë dhënë besimin pikërisht në këtë formulë, që pavarsia është e panegociushme me askënd.

Përsa i përket të drejtave njerëzore, të drejtave të minoriteteve, të drejtave fetare, të drejtave pronësore, të drejtat në kulturë dhe në art, janë të drejta që duhet të mbrohen me ligje ndërkombëtare dhe këtë e kemi pranuar të gjithë; edhe presidenti Rugova, edhe akademik Daci edhe kryeminstri Kosumi. Pazare me pavarësinë e Kosovës nuk mund të bëjnë as institucionet. Parlamenti ka rezolutat e veta; ka rezolutën e fundit me të cilën janë të obliguar të gjitha institucionet, por edhe partitë sepse e kanë votuar të gjitha partitë; 17 partitë. Frika egziston në popullatë, frika egziston në trojet shqiptare, por ne nuk do ta lejojmë një çështje të tillë.

Pyetje nga Agim Vuçani: Ç’po bëhet për zgjedhjet në LDK? A është kryesia e LDK kopetente për zgjedhjen e kryetarit apo do të pritet propozimi nga faktori ndërkombëtar?
Daci, po ia lë përgjigjen z. Lulzim Zeneli, pasi është anëtar i kryesisë ndërsa unë vetëm anëtar i këshillit të përgjithshëm.
Lulëzim Zeneli:- Normalisht kryesia e LDK mbas normave statuore, është dashtë që më herët t’i qasej procesit zgjedhor. Kjo është dashë të bëhej në fillim të vitit. Domosdoshmërisht është dashtë të ndodhte pas vdekjes së presidentit Rugova, por kjo nuk ka ndodhë. Pas vdekjes së kryetarit Rugova, LDK është përballur me probleme shumë të rënda, të cilat kanë sjellë disa procese që kanë ngjallë reagime të shumta brenda vetë strukturave të partisë.

Eshtë e vërtetë se kohët e fundit nuk ka një mbarëvajtje të punës së kryesisë së Partisë, të takimeve të strukturave, kjo ngaqë struktura aktuale e kryesisë nuk ka qenë në nivelin e duhur të përgjegjësisë. Unë si anëtar i kryesisë së LDK-së, si zëdhënës i LDK, jam i mendimit që procesi zgjedhor duhet medomos që të fillojë, ndryshe LDK-së i kanoset një proces i errët, i cili mund të synojë defaktorizimin e kësaj force politike. Nëse vazhdojmë kështu do të ndodhë edhe deligjitimi i strukturave zgjedhore. Me 20 qershor strukturave aktuale të LDK-së i skadon legjitimiteti kohor. Asnjë strukturë partiake nuk obligon pas këtij afati kohor. Prandaj sa më parë duhet të fillojë procesi. Mbi 90 për qind të degëve kanë kërkuar që ky proces të zhvillohet sa më shpejt. Kam besim se LDK ka për ta dëshmuar edhe një herë fuqinë e mbështetjes së saj. Z. Daci i është qasur këtij procesi, që është proces i hapur, transparent. Me çdo kusht ne duhet ta zgedhim kryetarin dhe LDK-ja ta rikonfirmojë forcën si parti mazhoritare, e cila për momentin nuk e demonstron fuqinë e votës.

Gani Haxhaj, tri pyetje për z. Daci: 1- Nëse fitoni si kryetar i Lidhjes Demokratike të Kosovës, çfarë do të ndryshojë në punën e qeverisë për zbardhjen e vrasjeve të veprimtarëve të LDK dhe të çështjes kombëtare? 2- Çfarë do të ndryshojë në bashkëpunimin mes LDK-së dhe Partisë Demokratike të Shqipërisë. 3- A keni dijeni, kush e ka penguar realizimin e vizitës të Dr. Sali Berishës më parë në Kosovë? Z. Daci - Po e filloj nga e treta. Vizitën e Dr. Sali Berishës në Kosovë e ka penguar UNMIK-u. Askush tjetër. Unë kërkoj falje sepse nëse njëherë e gënjen një njeri, tërë jeta të shkon me gënjeshtra. E dyta, më lejoni t’ju them se LDK, për hirë të kontributit të saj historik dhe pse i ka fituar zgjedhjet nacionale gjithmonë, për hirë të Kosovës, të stabilitetit, të ardhmes së Kosovës, vullnetarisht ka hequr dorë prej pozicionit numër Një në Kosovë sepse në Kornizën Kushtetuese, kryeministri është funksioni më i lartë. Presidenti Rugova me autoritetin e tij i ka mbuluar institucionet, por jo me pozitën kushtetuese. Ai subjekt politik që i fiton zgjedhjet do ta ketë qeverisjen. Nuk do të ndodh si deri më tani, kur forca numër një me vota të mos ketë pozicionin më të lartë shtetëror, përkundrazi ta ketë një parti e vogël si deri më tani. Në fund do të shtoja se Kosova ka pasur dhe ka simpati për Sali Berishën.

Pyetje nga Pjetër Gecaj: Sa është reale bashkëjetesa me Serbët?
Lulëzim Zeneli: - Vizioni i LDK dhe i gjithë Kosovës, është ndërtimi i një shteti me vizion demokratik perendëmor, që respekton të drejtat e pakicave, pra do të ndertojmë një shtet demokratik, tolerant, respektues për të gjithë shtetasit e vet, pa dallime raciale apo fetare. Ne e kemi demonstruar vizionin tonë. Një Kosovë demokratike, ku të respektohen parimet demokratike, shteti ynë do të jetë një Kosovë e qytetarëve të barabartë. Të gjithë të barabartë para ligjit.

Ded Gjini: Përse Kosova nuk ka në Uashington dhe Nju Jork përfaqësuesinë e vet?
Z. Daci: Do të doja që ta dija dhe vetë përgjigjen e kësaj pyetjeje, por një e vërtetë duket: Politika ndërkombëtare, edhe kontratat më të thjeshta, që janë bërë edhe mes Shqipërisë dhe Kosovës, i ka mënjuar institucionet tona, ministri kosovar nuk ka firmosur asnjë kontratë! A ka pasë mundësi të formave të tjera? Po. Këto do të krijohen me prioritet në Nju Jork, Bruksel, Uashington, por vetëm kur të jetë i qartë statusi i Kosovës. Por realiteti është ai që thamë. Kosovarët ende nuk janë pronarë të Kosovës. Ne jemi protektorat, pronarë janë Kombet e Bashkuara.

Bislim Krasniqi: - Z. Daci, Ju u larguat në një moment të vështitrë për Kosovën, kur ju i duheshtit aq shumë asaj, përse filluan mosmarrveshjet mes jush dhe ambasadorit amerikan Goldberg?
Z. Daci: Beslim të faleminderit shumë për këtë pyetje fort të qëlluar se këtu fshihen misteriet. Po ua them me përgjegjësi morale, njerëzore dhe ligjore, kurrë favore nuk kam kërkuar në botë, përveçse për Kosovën dhe kosovarët. E dyta; Kurrë mosmarrëveshje personale me z. Goldberg nuk kanë egzistuar. E treta, le ta demantoi ai nëqoftëse ka argument për të kundërtën.

Shumë herë, me kërkesën e tij, ka qenë në shtëpinë time në Prishtinë, dhe në vilën time në Brezovicë, dhe kemi biseduar miqsisht, hapur dhe sinqerisht dhe unë kam kërkuar përherë ndihmë sepse ai përfaqëson Amerikën mike të Kosovës. Kurrë, asnjë mosmarrveshje nuk ka egzistuar, por ka egzistuar një moskuptim i fuqishëm për ceremoninë e varrimit të presidentit Ibrahim Rugova. Unë kam ftuar përfaqësuesin special të OKB-së z. Petersen, z. Goldberg si mikun dhe ndihmësin më të madh, përfaqësuesin e Amerikës mike, i kam ftuar për një kafe falenderimi në kabinetin tim në Parlament. I kam lutë që të krijonim Këshillin e varrimit të Presidentit Rugova. Kam dashë që në atë Këshill, krahas përfaqsuesve të institucioneve tona, përfaqësuesit special, Gjeneralit të KFOR-it Vallota, do të jetë dhe z. Goldberg.

Biseduam për nivelin e ceremonialit të varrimit. U kërkua që protokolli duhet të ishte familjar sepse familja është qeliza kryesore e shoqërisë. Ne ishim në emocione të thella, ku zotëronte dhimbja e humbjes së presidentit. Unë thashë se presidenti Rugova nuk ka qenë kryetar fisi, dhe nuk ka qenë vetëm babë e familjar, por edhe president legjitim 15 vjet i Kosovës. Dhe si i tillë do të varroset me protokoll shtetror dhe kombëtar. E kam lutë që në orën e caktuar të ishim në takim. Goldbergu nuk ka pranuar. I kam thënë nëse jeni i zënë na çoni qoftë dhe një përfaqësues nga zyra amerikane sepse më së shumti keni bërë edhe për Kosovën edhe për shëndetin e Presidentit.

Nuk ka sjellë asnjeri. Ndihmë të veçantë dhanë përfaqësuesi special i Kombeve të Bashkuara dhe Gjenerali Vallota. Kam urdhëruar Gjeneral Çekun se skelet i ceremonisë do të jetë TMK. Kam pasë mirëkuptim për këtë edhe me Petersenin edhe me Vallotën. Ndërsa komisionerit të policisë Sheremet Ahmeti, i kam thënë: Prej sodi ti e kryen rolin e ministrit të Brendshëm dersa të kryehet ceremonia e varrimit të presidentit Rugova. Gjithçka shkoi në mënyrë të përkryer. Urimet më të përzemërta kanë ardhur për atë ceremoni të dinjitetshme, kanë ardhe prej botës e prej popullit të Kosovës. Referendumi më i mirë në minus 20 gradë Celsius, ishte për politikën e Kosovës dhe presidentin Rugova. Vendimin Daci do ta marrë gjithmonë me kosovarët, me LDK dhe nuk i lëshon pe askujt.

Rifat Drenica: Përse shumë anëtarë të LDK dhe ju z. Daci e urreni Ushtrinë Çlirimtare të Kosovës dhe Ashim Thaçin? Përse ju ia keni ndalë mikrofonin Thaçit në Parlament?
Z. Daci - U përgjigja në pyetjen për z. Limaj. Daci e ka përkrahur Ushtrinë Çlirimtare të Kosovës dhe mendon se ajo është pjesë e historisë tonë të re. Mikrofonin ia kam ndalë në Parlament dhe jam i bindur se po të më jepet rasti prapë ashtu do të veproj, ndaj Thaçit dhe gjithkujt që sillen në atë mënyrë në Parlament.

- Rifat Drenica për Lulzim Zenelin: Përse udhëhqesit e lartë të LDK-së nuk i kanë vizituar Varrezat e Prekazit dhe pse Drenica është vendi më i varfër në Kosovë?
Lulëzim Zeneli - Unë dhe udhëheqja e Forumit Rinor i kemi vizituar varrezat e Prekazit që pas zgjedhjeve të forumit në fillim të vitit 2000, edhe varret e Jasharajve, dhe të Komandantit legjendar Adem Jasharit, kemi shkuar dhe në shtëpi. Këtë vendim nuk e kemi marrë pa vënë në dijeni kryesinë e Partisë. Ndërsa për pyetjen pse Drenica është vendi më i varfër, besoj se përgjigjen duhet ta japë pushteti lokal atje.