“SHKOLLË” FILLORE E GJUHËS SHQIPE NË BRONX – NJU JORK

Mesonjetorja e pare shqipe ne Karolinen e Veriut përfundoi me plotë sukses vitin shkollor të shkollës për mësim plotësues në gjuhën shqipe "28 nëntori"

BENSONHURST - BBROOKLYN (NY): Në kontinentin interkultural të rruzullit tokësor, kontinentin e Kristofor Kolombit - Amerikën e Veriut, SHBA dhe Kanada edhe shqiptarët, po zënë denjesisht hapësirën e vendin e tyre, duke demonstruar kulturë dhe aftësi të admirueshme në integrim dhe në jetën kulturo - artistike, politike, shoqërore, ekonomike e financiere të kontinetit "planet". Bashkëpatriotët, e Konicës, Nolit, Çekrezit, Dakos, Minnarit, janë bërë si "bletët" e një koshere mjaltemadhe. Këtu mendohet se fillon zgjimi dhe ndërgjegjësimi kombëtar i ç'do shqiptari që sapo ka shkelur këtë tokë të bekuar.

Shkolla shqipe ne Montreal - Kanada

Kjo ka nisur, prej kur "Tokën e Premtuar" Eldoradon, e shkelën shqiptarët e parë, kolonitë e para, të organizuar në baza familjare, krahinore, fetare dhe gjeografike. Ata filluan të mbijetojnë me jetën kulturo - artistike, politike, shoqërore, ekonomike e financiere të këtij vendi të madh. Këtë mundësi e të drejtë ua jep edhe shqiptarëve si çdo amerikani Amandmenti i Parë i kushtetutes së Amerikes(First amandment) Amandmenti i fjalës së Lirë (Free speech) që të lejon të flasësh e të shkruash edhe në gjuhen amtare. Dhe në këtë vend në klube, shoqata dhe organizata, kisha e xhamia shqiptarët e Amerikës, i kushtuan një rëndësi të veçant gjuhës së bukur amtare - gjuhës shqipe, kultivimit dhe ruajtes, trashgimin e saj tek fëmijët e tyre. Mbrotjes së vëtme nga asimilimi i mërgimit.

Dolën në qarkullim fletushka shqip, revista e gazeta, u çelën një e nga një shkollat e para shqipe, të cilat, datojnë prej kur erdhën edhe shqiptarët parë të Amerikës.

Në Atlanta të Xhorgjisë (SHBA), sot përfundoi me sukses viti shkollor i shkollës për mësim plotësues në gjuhën shqipe "28 nëntori". Rreth tridhjet fëmijë shqiptarë sa vijuan mësimet gjatë këtij viti shkollor patën rast të mësojnë shkrim leximin në gjuhën amtare dhe të pasurojnë njohuritë e tyre mbi kulturën, traditën dhe historinë tonë kombëtare."Aktivitetet e tilla kanë nevojë për një afirmim më të madh, me qëllim të motivimit të mëtejmë të aktivistëve dhe vetdijësimit të prindërve për një trajtim më serioz të çështjes së ruajtjës së vlerave trona kombëtare , duke i përcjellur ato te brezi që po rritet këtu në Amerikë", na tha Qerim Gruda, aktivist i dalluar dhe iniciator i punës së kësaj shkolle.

Ndërsa sihariqi për këtë ngjarje erdhi nga zotëri Fadil Demaku, gazetari shqiptaro amerikan dhe një ndër aktivistët e dalluar të komunitetit shqiptar në Karolinën e Veriut, e shtetet për rrethë. Demaku njoftojë se më 25 nëntor 2005, në Grinsboro të Karolinës së Veriut dhe Atlanta të Gjorgjisë, filluan punën shkollat shqipe. Dhjetera nxënës në këto qytete dhe rrëthinë, ndoqën mësimet plotësuese nga gjuha, kultura dhe tradita jonë shqiptare.

Për këtë qëllim u aktivizuan vullnetarisht ish arsimtarë e arsimtare nga Kosova, e Shqipëria, të cilët iu përgjigjen me kënaqësi thirrjes së Bashkesive Shqiptaro - Amerikane, të këtyre dy shteteve. Literatura, sipas tij ishte siguruar për nxënësit e këtyre klasave të para shqipe, nga zotëri Bahri Ramdani, aktivist i shquar në Karolinën e Veriut. Qerim Gruda dhe Geri Shomo, udhëheqësit e këtyre bashkësive ishin të një mëndje se kjo ishte patjetër forma më e mirë për të bartur trashëgiminë tonë kulturore tek gjenerata e re që po rritet dhe zhvillohet këtu në Amerikë." theksonte Demaku, gazetari shqiptaro amerikan dhe një ndër aktivistët e dalluar të komunitetit shqiptar në Karolinën e Veriut e shtetet për rrethë, ditët kur shkolla shqipe "28 Nëntori" në Karollinën e Veriut, çeli dyert e saja për fëmijët e migrantëve shqiptarë.

Ishte pikërishtë, ajo ditë që pos emrit kuptimplotë të shkollës"28 Nëntori" që u quajt si një ditë feste. Mërgimtarët tanë në Karollinën e Veriut, ndoqën recitime shqip nga të vegjlit e shkollës "28 Nëntori", vargje këto të cilat vogëlushat i kanë mësuar pikërisht në familje e shoqëri. Ceremonisë së çeljes së mësonjëtores shqipe i prinë himnet dhe tingujt e muzikës së ëmbël shqiptare. Qindra shkrepje fotografike, fiksuan këtë moment të rëndësishëm në kujtimet e të gjithëve u fiksuan gjëra të paharruara, mes fëmijëve dhe të ftuarit u krijua një atmosfer e festive, çka shkëlqente edhe ne fytyrat e fëmijeve të qeshura, e të gezuar. Dhe ja që dhe fruti i punës së tyre u kurorëzua në Atlanta të Xhorgjisë (SHBA), sot edhe kur përfundoi me plotë sukses viti shkollor i shkollës për mësim plotësues në gjuhën shqipe "28 nëntori".