5, 7 dhe 9 Prilli, Ditët e Mbreterisë shqiptare përkujtohen nga Burgajeti në Nju Jork

Nga Kosova në Çamëri do të valvitet vetëm flamuri Kuq e Zi

EAST ELMHURST - BRONX - NY: Duke marrë parasysh se ky do të jetë edhe viti i pavarësisë së Kosovës, besojmë se më së fundi do të realizohet dhe amaneti profetik i apostullit të Shqipërisë Etnike, Mbretit të gjithë shqiptarëve Zogu i I-rë, Ahmet Zogu “Për një Shqipëri Etnike". Ditët e prillit 5 -7- dhe 9 Prilli, i janë kushtuar me dekada në mërgim nga mbretërorët, legalistët, atdhetarët, demokratët, miqët e dashamirët e tyre – figurës më të madhe dhe më e ndritshme e krijimit të shtetit shqiptar. Mëmëdheu, patriotizmi, liria e demokracia, janë kthyer në moton e festës së mbretërorve e legalistëve, në Nju Jork. Ata edhe kësaj rradhe u mblodhën që së bashku të përkujtojnë shqiptarin, i cili, për herë të parë, që kurse edhe patë shpalluar pavarësinë e saj më 28 nëntorë 1912, Shqipëria, kundër robërisë pesëshekullore turke, themelojë e ngriti mbi baza të forta edhe shtetin e parë moderren shqiptarë. Kështu, që për, çdo monarkist, legalistë, e atdhetarë, Mbreti Zogu i Parë, është tepër i shtrenjtë dhe shihet si një Apostull i lirisë e demokracisë shqiptare, në të gjitha trojet.

Këtë e kanë dëshmuar në përkujtimet e ditëve të prillit, të gjithë ata që e jetuan mbretërinë, ose ata që u njohën me ndershmëri me 18- vitet, e mbretërisë shqiptare, prej nga Burgajeti e deri në Nju Jork. Ata me këtë rastë po kujtojnë, respektojnë dhe e nderojnë me pjete veprën dhe figurën e tij. Vlersojnë Mbretin Zog i I-rë, Leka Zogun, e Princin Zog, për vetëmohimin dhe për pastërtinë e tyre morale dhe shpirtërore, për ndjenjën e thellë kombëtare, për gatishmërinë të sakrifikojë gjithëçka në emër të të atdheut të dashur. Me parrullën mbi krye "Atdheu mbi të gjitha" i kane kushtuar gjithë jetën dhe veten Mëmëdheut. Dhe gjer në vdekje, ata do të punojnë për të, dhe do t`i mbeten besnik të Shqipërisë Etnike. Me këtë amanet do të vdiste edhe më 5-prill 1961 mbreti Zog, at'here kur dergjej në shtartin e vdekjes në Francë. Të gjitha veprimet e tij i nënshtroheshin patriotizmit, idesë së bashkimit të gjitha trojeve dhe lirisë e demokratizmit.

5-7-9 Prillin, ditë e veçantë të jetës së diasporës

Mbretërorët e legalistët shqiptarë në SHBA-ës, me traditën e krijuar, me 5 -7 -9 Prillin, po e kthejn në një ditë të veçantë të jetës së diasporës. Çdo gjë për ata, është për 5 - prillin e vitit 1939 - ditën kur lindi Princ Leka, sot, Mbreti Leka I-rë(67 vjeç), 7 - prillin po të vitit 1939 - okupimin fashist, prishja e shtetit Shqiptar, vendosja e diktaturës fashiste, Fillimi i Luftës se Dytë Botërore, që u bë shkak i vendosjes së rregjimit të terrorrit komunist, rregjimit më të egër që ka njohur historija e gjithe kohëve në gjithë botën. 9 - prillin 1961- kur mbyllit sytë, Mbreti i Shqiptarëve Ahmet Zogu.Më 9- Prill 2006, me rastin e 45- vjetorit të vdekjes së, së Mbretit Zog sipas traditës , u dha nje pritje-koktej në hotelin në afërsi të aeoroportit të Nju Jork(ut) "La Guardia" - "Hotel Courtyard by Marriott", lagjja East Elmhurst-Queens.

Në këtë pritje, e cila mbahet në të njëjtin vend, merrnin pjesë, mbretërorë, legalistë e simpatizantë të monarkisë, mërgimtarë të vjetër, intelektualë e biznesmen, përfaqësues të partive politike dhe shoqatave, të besimeve fetare. Tubimin e e hapi dhe monotirojë Sekretari i Përgjithëshëm i PLL -së për degën Ny, NJ , CT, zotëri Tomorr Selmani. I cili, falenderoi pjësëmarrësit për praninë e tyre në këtë ditë të shënuar të monarkisë shqiptare. Intonimi i hymnve kombëtare të Shqipërisë dhe SHBA-ës, dhe një minutë zi në shenjë rrespekti të të gjithë atyre që ranë për vatanë, u përcollën me nderime nga pjesëmarrësit. Selmani, kërkojë që me një minutë zi në shenjë rrespekti të kujtohet edhe Presidenti i Kosovës Prof. dr. Ibrahim Rugova, si dhe Korifeu i Lumës, mbretërori e veterani i diasporës prof. Myftar Spahia.

Fjalën e rastit e mbajti Anëtari i Këshillit të Përgjithëshëm, z. Adnan Ramadani(i biri i intelektualit të njohur nga Shkodra, legalistit veteran z. Enver Ramadani), sekretar i marrëdhënieve me publikun degës së PLL - Nju Jork. Pasi beri nji permbledhje rreth jetes se mbretit Zog dhe mbretit Leka, u ndalua ne veprimtarine e P.L.L. Ai tha se rruga ma e mirë e përkujtimit të mbretit Zog dhe e mbështetjes ndaj mbretit Leka, është të jetojmë, mendojmë e punojmë si zogistë.Porosia, që na ka lënë Zogu i Parë, është e do të jetë motivi jonë politik: Atdheu mbi të gjitha. Karshi qeverisë së sotme shqiptare, ai tha se nuk është e vështirë të gjendet rruga e duhur. Kur qeveria gabon ajo duhet kritikuar e kundërshtuar, kur ajo vepron drejt ajo duhet mbështetur maksimalisht.

Gjithsesi ai theksoi se opozicioni duhet të jetë i vëmendshëm e i kujdesëshëm pasi mund të rezultojë si mbështetje ndaj forcave socialisto-komuniste në opozitë të cilat, japin shenja të dukshme se kërkojnë destabilizimin e shtetit. Kjo përbën nji akt të ulët aq dhe antishqiptar, sidomos, sot, që në tryezë janë shtruar fatet e Kosovës. Ne legalistët e Amerikës nuk do të shklasim mbi amanetin e të parëve tanë e të mbretit Zog e të mbretit Leka. Asnji interes nuk i barazohet interesave kombëtare. Pavarësimin e plotë të Kosovës, legalistat e përshendesin si hapin e parë drejt bashkimit kombëtarë në përputhje me devizën nacionaliste shqiptare " Një Atdhe një komb një shtet", tha z. Adnan Ramadani.

Me shumë interes dhe vëmendje u ndoqë fjala e kryetarit të LDK- ës, për Amerikë, z. Agim Rexhaj, n/kryetar i Vatrës, duke u ndërprer shpesh herë, edhe me duarktroktitje. Rexhaj, lidhi bukur nëpërmjet fjalës së tij veprën dhe figurën e Mbretit Zog me atë të Presidentit të Kosovës Rugova. Ai tha se :" është, një nder i madh për mua që në ermin tim personal, dhe të degës së Lidhjes Demokratike të Kosovës, të përshëndes këtë tubim tradicional përkujtimore tuajin, në nderim të jetës dhe veprës së Mbretërisë Shqiptare. Ne, së bashku me ju jemi mbledhur të kujtojm sot, artitektin kësaj dite, të cilën ai e dëshironte dhe hodhi themelet e saj- për lirinë e madhe të Kosovës, rrëzimin e komunizmit dhe zgjidhjen e çeshtjes shqiptare, në të gjitha trojet Etnike. Gjithashtu, është një nder sot, për ne që me këtë tubim, kemi për të treguar edhe njëher, se jeta dhe puna e Mbretërisë Shqiptare, ka zënë një nga vendet më të para në peripecitë e jetës politike, luftarake e civile të vendit tonë. Dhe ja, tani është koha dhe rasti më i mirë për të nderuar e vlersuar të gjithë ata burra, patriot dhe luftëtar që kanë punuar e luftuar dhe janë shkrirë për Shqiperinë".

Mirpo, tha Rexhaj, nuk ka sesi që duke kujtuar këto figura të larta kombëtare, të mos na shkojë mendja menjëher edhe tek figura emblematike e Presidentit Rugova . Atij që edhe ju mbretërorët e legalistët e deshët dhe e respektuat, përrkrahët e mbështet pa hamendje edhe në momentet më të vështira. Zonja dhe zotërinjë, Presidenti Rugova ishte personaliteti i cili, me veprimet e urta, të matura e të guximshme, hapi shtigje për sendërtim të idealeve të qytetarëve të Kosovës, për shtetin dhe sovranitetin e Kosovës. Ishte njeriu e udhëheqësi i cili me jetën e me veprën e tij, me frymën e tij atdhetare, mbolli, kultivoi, zhvilloi dhe e shpuri në prag të realizimit të plotë pavarësinë e Kosovës dhe ai, si i tillë, mbetet në shpirtin e në mendjet tona, burim i pashterrshëm i frymëzimit, i përkushtimit atdhetar, i vendosmërisë, qëndresës dhe i vizionit historik. Ai u shpreh se :"Ashtu si na nderuan Heronjët dhe dëshmorët e kombit të të gjitha kohërave, ashtu i nderojmë edhe ne sot, ata, duke i kujtuar me respekt. Në fund i përgëzoj organizatorët dhe uroj që përkujtimin e ardhëshëm të kemi Kosovën e Pavarur dhe realizimin e aspiratave të shqipëtarve në trojet e tyre etnike në Maqedoni, Mal të Zi,Kosovë Lindore dhe Çamëri, përfundojë fjalën e tij zoti Agim Rexhaj.

Përshëndesin përfaqësuesit e shoqatave, organizatave politike e shoqërore:

Dr. Gjon Buçaj : Në emër të Federatës PanShqiptare të Amerikës VATRA, u shpreh urimet më të sinqerta në përkujtimin e këtyre datave të rëndësishme. Me festat e aktivitetin e Legalitetit, këtu tash është krijuar një vatër shqiptarësh. Legaliteti, ka qënë gjithmon në diasporë një vatër kombëtare për dekada, ajo ka qënë dhe është një pjesë e rëndësishme e çështjes kombëtare. Ajo ka dhënë kontributin e saj shumë të vlefëshëm, në mbajetjen e përforcimin e çështjes kombëtare. Ajo ka qënë vazhdimisht shumë e afërt me Vatërën, si pjes e çdo aktiviteti në dobi të asaj çështje që ne po punojmë.

Edi Asllani: Është bërë një traditë, e bukur që ne në çdo prill të mblidhemi në këtë kuvend të kujtojmë ditë e prillit. Por edhe të meditojmë për ata që përfaqësuan këto data. Ata janë e djathta shqiptare e cila sot, fatkeqësisht po i mungon politikës shqiptare në përfaqësimin institucional - pra parlamentin e Qeverinë shqiptare. Ata që me të vëtrte përfaqësojn të djathtën tipike e tradicionale shqiptare. Në programin e Legalitetit vazhdimisht kanë spikatur elementët nacionalist, vlera e patriotizmit e ndërshmërisë kombëtare.

Sali Bollati: I përshëndes takime të tilla që na frymëzojnë e na mbajnë gjallë shqiptarizmën. Javën e kaluar një takim tjetër ku mbretërojë ndjenja e thellë kombëtare u zhvillua në komunitet, ku atdhetari i njohur zoti Niko Kirka promovojë librin e tij "Për Mëmëdheun". Ai para një viti në një përkujtimoe si kjo para një viti, tha një fjalë të pa harrueshme :" Historia e Shqipërisë, ka mbetur në" 7-prill 1939", shtatë prilli ishte ajo ditë që jo vetëm pushtojë vendin tonë, por zhduku edhe nacionalizmin e patriotizmi. Atë ditë ata thyen atë njeri që e mori Shqipërinë, nga vendin e fiseve, të skamjes, mjerimit, paditurisë dhe primitivizmit, duke e bërë Shqipërinë, më pasë shtetin Shqiptarë. Shtetin moderren dhe nga më të fuqishmit e asaj kohe. Ku politika, diplomacia, ekonomia dhe zhvillimi i vendit tonë po ecnin me hapin e kohës. Leku shqiptar ishet më i fuqishëm se dollari. Pasaporta shqiptare nderohej e respektohej në çdo vend të botës. Siguria e qëtësia ishin me standarte. Diploma e studentëve shqiptar, njihej në të gjitha institucionet e botës. Në tërë Shqipërinë, dhe viset shqiptare at'here këndohej vëtëm kënga "Nga Kosova në Çamëri do të valvitet përsëri vetëm flamuri Kuq e Zi".

Dr. Fuad Myftia: Të dashuar, koleg, miq dhe dashamirë, të mbretërisë dhe të legalitetit përfaqësues të partive politike, bashkëatdhetar nga Kosova e Çamëria. Të gjithë ju që sëbashku me ne kemi kaluar situata të vështira në këto vite në mërgim. Ju që na mbështet dhe na përkrahët në rrugën tonë të gjatë por të lavdishme të patriotizmit e nacionalizmit shqiptarë në mërgim. Gjithmon kam ndjer afrimitetin tuaj , çka edhe na i ka lehtësuar sado pak punën në të mirë të kombit. Ne të frymëzuar dhe prirë nga principet mbretërore kemi qënë dhe jemi vetëm për një Shqipëri Etnike.

Poeti anti komunist, z.Tahir Hysa, recitoi vargje poetike per Mbretërinë shqiptare, duke fituar admirimin e të pranishmeve. Tubimi - koktej kaloi këndshëm me përshëndetje dhe urime për Mbretin Leka I-rë, Princin Zog dhe Familjen Mbretërore nga të gjithë pjesemarrësit. Në fund u pre edhe keku tradicional i ditëlindjes s Mbretit Leka i I-rë që shënojë me këtë rastë edhe 67- vjetorin e lindjes së tij. Festa e tyre në bashkësinë shqiptare në SHBA-ës, është një shembull i dinjitetit dhe i patriotizmit për të gjithë shqiptarët, kushtuar këtij shqiptari të madh.