Ohhhh, a ma gjen nji burrë, t'a durojë këtë MALL!!!

Pershtypjet dhe emocionet, pas degjimit te Albumit te ri "Canterina", te artistit te gjithanshem, te talentuar e te mirenjohur shkodran, Frederik Ndocit.

Kur te degjosh kengen "Zonja Shkoder" do te qash... ishte ky mesazhi, qe parapriu degjimin e ketij Albumi muzikor, te derguar nga miqte e mi, (ish-komshinjte e vjeter ne Shkoder, sot me banim ne Nju-Jork) Marjana e Zef Naci (http://www.albacenter.it/albart/shqip/giuseppe/index.htm) (piktor e nje nder iniciatoret e galerise se pare te piktoreve, skulptoreve shkodrane, ne internet, ne "albart"(http://www.albacenter.it/albart/shqip/piktura/index.htm)).

....e me te vertete, ja ku jam (ne Itali) e perlotur, pas degjimit te kesaj "kenge vaji" per Shkodren, te kompozuar e kenduar nga nje prej bijve te saj, Frederik Ndoci, i cili sot po shpalos talentin e tij pertej Oqeanit... larg Rozafes, larg Liqenit, larg asaj Shkodre ku mori duartokitjet, sukseset e para si kengetar, instrumentist, aktor, por edhe vuajtjet, denimet nga sundimi i nje diktature, ne epoken e se ciles nje talent si Frederiku konsiderohej "jashte standartit" ...no commet!!

"Zonja Shkoder" eshte kenga e pare e njerit prej 2 disqeve, qe perbejne albumin e Frederik Ndocit dhe eshte e kenduar ne shqip.
U ndala ne fillim te kjo kenge, mbasi jam shkodrane (fati i madh te lind ne ate qytet te bekuar!), nga ai qytet i quajtur "djep i kultures-shqiptare", qe ka perkundur artiste te medhenj, te cilet dashurine, respektin e pafund per "nane locen Shkoder" e kane shprehur me veprat e dedikuara asaj, ne cdo fushe arti qe kane levruar.
Pak nga keta bije-shkodrane kane pasur e kane sot mundesine per te demostruar talentin e tyre ne skenat e huaja. Eshte kjo, nje nga arsyet, qe kultura e kesaj treve, artistet e saj jane pak e aspak te njohur ne Bote. Sot kete "barre" promovimi kulture po e marrin mbi shpatulla disa artiste shkodrane, te cilet Fati i jetes i ka dergu ne vise te huaja e sot jane kthyer ne Ambasadore te Kultures shqiptare.

"Zonja Shkoder, nje kange du me ta kndu... " - nis keshtu "vaji i nje bylbyli" i Frederik Ndocit dhe me duket se eshte nje 'vaj' i degjuem, me kujton "vajin" e shkodraneve rilindas. Por ngjashmerine e gjej te Motivi.
Eshte malli-dhimbja qe nxjerr fjale te verteta, fjale zemre: "na mungon balta jote, gazi pa kufi... karajfilat e tu plot hijeshi...". E kumbom zeri i kengetarit, ne kete vaj, per nje Shkoder, qe nuk e gjen askund e per te cilen therret: "ah, ma gjej nje burre... t'a durojë kte mall!!

Qan zemra e kengetarit te merguar per nje Shkoder "qe jeton", qe ka halle, vuajtje e keshtu poezia e kenges nderron rrjedhen e saj e malli kthehet ne denoncim e revolte: "thone Shkodra sot ka halle te tjera... thinjet Taraboshi, Cukali thone ka re..."
Kete kenge, do e quaja nje nga Perlat e krijimtarise se Frederik Ndocit. Nje dhurate e çmuar per Shkodren e shkodranet.

Por kenga "Zonjes Shkoder" eshte vetem njera nga 15 kenget e Albumit "Canterina", qe i kendon mallit per vendlindjen. Shume kenge te tjera kane po te njejtin motiv dhe i gjejme te shperndara ne dy Disqet, qe perbejne kete Album, te cilat kendohen ne gjuhe te ndryshme: shqip, italisht, anglisht, spanjisht, frengjisht, greqisht.
Eshte ky nje Album, qe besoj e shpresoj jo vetem te kete suksesin qe meriton, por dhe te vleresohet e te studiohet potenciali vokal i Frederik Ndocit.

Ne Diskun e pare perfshihen interpretimet ne spanjisht te kenges "Malaguena Salerosa" (Pedro Galindo/Elpidio Ramirez) ku zeri i Frederik Ndocit 'shpalos' fuqine vokale, ne nje zgjatje tingulli pothuaj ne infinit... Kjo kenge pasohet nga "Anche Senza di Te", nje krijim i Jose Maria Cano/Gianni Belfiore, kenge e interpretuar ne 1992 edhe nga Julio Iglesias. Me pas vijon kenga "Corazon de Cristal" (Zemra prej qelqi), me autore Frederik Ndoci/George A. Gesner/Milagros Silvia/Luis Moreno. Ky krijim eshte i bazuar ne nje kenge shqiptare dhe eshte kenduar ne spanjisht dhe ne anglisht "Glass Heart". Lista vazhdon me nje tjeter kenge spanjolle, romantike-latine "El Dichoso Soy Yo" (Jam me fat) e Norman Kerner/Luis Moreno.
Caruso Medley perfshin dy interpretime napoletane, te preferuara nga Frederiku "Dicitentello Vuio" (RodolfoFalvo/Enzo De Fusco) dhe Caruso (Lucio Dalla).

Ne larmine tematike te kengeve ben pjese edhe "Musica" e Antonio Esposito, katautorit, pianistit e arranxhatorit te mirenjohur italian, nje fan i Frederikut, i cili ka shkruar posacerisht per te disa kenge ( keshtu shenohet ne fletpalosjen, qe shoqeron keto disqe). Eshte kjo nje kenge qe reflekton mbi jeten e artistit, vendin qe ze muzika ne jeten e tij, ndikimi i saj ne te e ne universin qe rrethon. Me pas "Bizet's Pearls" qe perfshin interpretimet ne frengjisht te aries "The fisherman of Pearls" ("Peshkatari i perlave"), ne pjeset "Au Fond du Temple Saint" dhe "Je Crois Entendre Encore" ku sic shkruhet ne fletepalosje " kerkuam per interpretimin e ketyre arie-ve te Bizet nje duet tenor-bariton, mbasi keto karakteristika zeri i kane dy persona te ndryshem, por mrekullisht i gjetem te nje person i vetem, te nje ze i vetem, te zeri i Frederik Ndocit ".
Me tej, degjuesi kalon ne degjimin e nje kenge klasike dashurie, vetem vokal dhe harmoni "Falling in love again" ("Te dashurosh serish") (Frederik Hollaender/Sammy Lerner).

"Piano on a Moon" - NASA e zgjodhi si një ndër këngët, që do të jenë "sound non stop life" në sondat e altoparlantëve të vendosura në planetin Mars. Kështu, zëri i artistit shqiptar del nga Planetit TOKE... e arrin deri ne Planetin Mars!!! ....(ndofta aty 'dikush' do te kujtohet t'i jape vendin qe duhet ketij talenti te shumanshem shqiptar!!)

Ndersa "Canterina", titulli i se ciles kenge eshte bere edhe titull i ketij albumi eshte nje krijim i perbashket i Frederik Ndocit, Antonio Esposito e George A.Gesner (qe eshte edhe prodhuesi i ketij Disku). Kenga eshte kenduar ne gjuhen anglese dhe italiane dhe shenon flesibilitetin vokal te artistit te madh, qe kalon nga tingujt e kengeve popullore napoletane ne ato pop modern amerikan e me pas ne ze operistik. "Canterina" ekzaminon fonemat e zerit te TE SUPERTALENTUARIT artist shkodran, FREDERIK NDOCI.

Eshte teper "e dukshme", pothuaj e prekshme, tendenca e artistit te shfrytezoje TRADITEN. Kenget e krijuara prej tij kane ne sfond KULTUREN muzikore shqiptare, kane MOTIVET e kengeve tradicionale shqiptare e per kete arsye jane TINGUJ famijare, TE PAVDEKSHEM ne memorjen kolektive e rrjedhimisht ndikojne te cilesia e KENGES. Keto jane PERLAT e KRIJUESVE SHKODRANE qe shtojne PASURINE E KULTURES SHQIPTARE.

Me vlera te tilla eshte edhe kenga "The Crying Field" (Lendina e loteve) me autore Frederik Ndoci/George A. Gesner/ Harold Stefan dhe eshte frymezuar nga kenga folklorike shqiptare me motive nga Dibra e Vlora. Kenga e fundit e Diskut te pare titullohet "Return to me" (Kthehu tek une) e kompozuar nga nje staf kantautoresh, nder me te miret sot ne boten e muzikes: Emil Adler/Julie Flander.

Disku i dyte nis me kengen "Zonja e Shkodres" dhe kendohet ne gjuhen shqipe. Kete kenge, sic shenohet ne fletepalosje kompozitori ia dedikon Nene Terezes, vendlindjes e bashqytetareve te tij.
"All the love in the world" ( Te gjithe dashurinë e botes) eshte nje krijim origjinal dhe pothuaj i paperseritshem ne llojin e tij. I kendohet dashurise, nje dashurie qe ka te njejten vlere e kuptim ne bote, e ku fjala 'te dua" kendohet ne tete gjuhe te botes :... Se agapo,.. je t'aim, ...muchacha te quiero,... ya tyebya lyublyu, ... ahebik habibi, ...aishiteiru, ...ti amo, ..oh, sa te dua!
E me pas, nje tjeter kenge dashurie: "Falling in love again" ("Te dashurosh serish") e Frederick Hollaender/Sammy Lerneer.

"Mavra Gialia" (Vështroj botën me syze të errëta) eshte nje kenge e kantautorit te famshem grek Nikos Karvelas dhe eshte kenduar edhe nga kengetarja e famshme Anna Vissi. Nje tjeter sprove kjo per mjeshtrin shqiptar te interpretoje ne greqisht kete kenge, e te konkuroje me zera te njohur ne Bote.
Disku i dyte mbyllet me "La danza" (Tarantella) te Rossinit. Sprove vokalike e artistit shkodrane.