Mirënjohje e merituar për LDK-në në Nju Jork, me rastin festës së 28-Nëntorit

Presidenti i Kosovës Dr. Ibrahim Rugova, i dhuroi degës së LDK-së në Nju Jork e rrethin, në shenjë të lartë mirënjohje një volum me libra prej 8-volumësh si dhe Flamurin e Dardanisë

ARTHUR AVENUE - BRONKS, NY: Një grup vizitorësh nga Kosova, i përbërë nga zonja Ajshe Halili, Këshilltare e Ministrisë Arsim e Kulturës - Kosovë, zonja Samije Zeqiraj, deputete e Kuvendit të Kosovës, z Rrahman Zeqiraj, pedagog e producent, biznesmeni z Ibrahim Bucaliu Drejtor i përgjithëshëm i kompanise HIB -Petrol nga Ferizaj, së bashku me bashkëshorten e tij, dhe regjisoret e filimit EXIT, Lendita Zeqiraj dhe Blerta Zeqiri vizituan metropolin e botës, qytetin "Mit", Nju Jork-un.. Shkas për t'ju drejtuar Nju Jork-ut, mësohet se është bërë pormovimi i një filimi shqiptar, me titull EXIT, film, i cili, nesër do të konkurojë në Festivalin Ndërkombëtar të Filmit të Pavarur, në Manhattan. Në vijim të kësaj vizite disa ditore, ata kanë vizituara qendrat më të rëndësishme kulturo - artistike, muzeumet, dhe qendrat më të famëshme turistike të qytetit 12 miljon banorësh. Në këtë kontekst viztita e tyre, u bë si një axhendë e takimeve edhe me komunitetin shqiptar në këtë qytet.

Grupi vizitorve nga Kosova, vizitën e parë në qendrën më të madhe të populluara nga shqiptarët, e filloi nga rruga Arthur Avenue, në lagjen e shqiptarve Bronks. - Aty ku ndodhet redaksia e gazetës kombëtare Bota Sot. Në hyrje të saj me dashamirësi grupi i vizitorve nga Kosova, ka marrë një përshëndetje dhe urime për konkurimin në festivalin Ndërkombëtar të Flimit të Pavarur në Nju Jork, ku regjizoret nga Kosova do të parqiten nesër me flimin EXIT. Redaktori përgjegjes i gazetës kombëtare Bota sot prë SHBA-s, z Dervish Jahjaga, u foli më pasë edhe për punën dhe rolin e gazetës kryesishtë në diasporë. Grupi i vizitorëve nga Kosova, e vlersojë lartë punën dhe rolin që ka lujtuar kjo gazetë si gjatë luftës, por edhe tani në Kosovë. Ata thanë se:" Mesazhet që ka përcjell kjo gazetë, kanë qënë shpresdhënëse, dhe kanë inkurajuar vazhdimishtë shpresat e popullit të Kosovës, për liri e Pavarësi", u shprehën ata. Të shoqëruar nga zoti Agim Rexhaj, atyre ju përcoll me këtë rastë, edhe një urim mjaft i ngrohtë për sukse të plotë në konkurimin e filimit EXIT, prej Drejtorit Ekzekutivë të gazetës Bota Sot, në Prishtinë, zotit Gani Mehmetaj.

Grupi vizitorve nga Kosova, më pasë u ndal në takim në zyrën e degës së Lidhjes Demokratike të Kosovës, për Nju Jork e rrethinë. Aty gupi i vizitorëve u pritë nga kryesia e kësaj dege : Agim Rexhaj, Sali Lajçi, Sadri Dreshaj, Shaban Lipaj, Syl Lajçi,Sadri Muriqi, Marijan Cubi, Pashk Paloka, Halit Shabaj, Sejdi Hysenaj, Dervish Jahjaga dhe Halil Mula. Megjithse gjatë këtij takimi më aktualja dukej pavarësia e Kosovës, dhe ndarja e disa dhuratave, klauzola e problemeve që ka sot, Kosova, kaluan nëpër një vështrim e diskutim mjaft të larmishëm nga çdo diskutant. Me motivacionin për një punë të shkëlqyer në Lirinë e Demokratizimin e Kosovës, edhe jashte saj, e me marrjen e Flamurit të Dardanisë, dorzuar në emër të Presidentit Rugova, u nderua dega e Lidhjes Demokratike të Kosovës, për Nju Jork e rrethinë, përkatësishtë kryetari i kësaj dege z. Agim Rexhaj. Kompleti personal i librave të Presidentit të Kosovës Dr. Ibrahim Rugova u dorzua nga zonja Ajshe Halili, Këshilltare e Ministrisë Arsim e Kulturës dhe deputetja Samije Zeqiraj, një ndër deputet e para të Kuvendit të Kosovës, e zgjedhur edhe pas çlirimit në dy ligjistatura e fundit nga Lidhja Demokratike e Kosovës dorzojë Flamurin e Dardanisë.

Fjala e Zonjës Ajshe Halili, Keshilltare e Ministirt të Arsimë Kulturës në Kosovë:
Kamë ardhur këtu t'ju sjell në emër të Presidentit të Kosovës, Dr. Ibrahim Rugovës, kompletin e veprave të tij dhe t'u përshendes gjithashtu, po në emër të Tij. T'u përshendes, me këtë rastë për punën e madhe që keni bërë, e po bëni për lirinë e pavarësinë e Kosovës. Dhurata i dorzohet zotit kryetar Agim Rexhaj, në emër të degës suaj këtu në Nju Jork, me kompletin personal të librave të Presidentit të Kosovës dr Ibrahim Rugovës, me dëshirë, që t'a vazhdoni këtë rrugë edhe më tutje. Ky komplet është një ndër kompletet e para të sapo dala nga shtypi, por që nuk ka dalë ende në qarkullim. Kompleti 8-volumësh është botim i shtëpisë botuese Faik Koniza në Prishtinë, e finacuar nga Ministria e Arsimit dhe e Kulturës në Kosovë, sipas një programi të bazuar në pikën"B", që bënë fjalë për publikimin e veprave kapitale. Gjë që kemi ndër mend ta bëjmë për çdo vitë. Kjo vepër ka 8-volume(libra) që përfshijnë 6-volume(libra) veprimtarinë letrare të Presidentit Rugova, dhe 2- volume(libra) nga veprimtria politke e tij. Këtu përfshihet veprimtaria e presidentit Rugova që nga viti 1971- deri në vitin 1994.

Përndryshe këtu mungojnë dy vepra siç është biblografia e kritikës letrare që presidenti Rugova, e ka bërë bashkë më M. Shemen dhe në atë kohë, dhe me Sabri Hamitin. Kjo vepër, është një përmbëledhje që nga De Rada e deri tek Migjeni. Veprimtaria e presidentit është një veprimtari 48- vjeqare. Punimin e parë e ka të botur në vitin 1960 në gazetën Rilindja. Dhe vazhidmishtë ka botuar punime në gazetat e revistat deri në vitin 19971 dhe më pasë. Përveq këtyre sa përmeda dhe që janë botuar mungojnë edhe shumë fjalime, punime e shkrime të tjera. Mungon gjithashtu edhe një dorëshkrim që presidenti, e ka lënë si befasi për të ardhmen.

Këto vepra të presidentit Rugova, nuk kanë përjetuar botime e ribotime përveqëse temës se doktoruar dhe një libri që është botuar tani në Shqipëri. Përndryshe të gjitha këto libra botohen për her të parë. Kështu që deri tani është ndjer edhe një mangësi e madhe për këto vepra të cilat gjenerata të tëra janë shkolluar duke mos e njohur këtë veprimtari të Presidetit të Kosovës Dr. Ibrahim Rugova.

Në këtë komplet Presidentit të Kosovës dr Ibrahim Rugovës ka pasur si qëllim që në njërën prej tyre t'ja u dedikojë shqiptarëve në Amerikë. Pastaj ka ndodhur koha para luftës dhe pas luftës, djegur e humbur dhe kështu redaktori Nazmi Rrahmani, e pa të udhës, që megjithse nuk e kishte komplet, por të përgatitur, t'a sillte për botim. Prej kur ka botuar veprën e parë më 1971- e deri tek vitin 1976 kur ka botuar veprën tjetër ka bërë një kthesë të madhe në letërsinë shqipe. Ai është i veqantë edhe në veprimtarinë politike. Përndryshe sikurse me simbolikë që e ka dërguar këtë komplet ashtu edhe me simbolikë, e ka edhe përkushtimin që i ka bërë zotit Agim Rexhaj si kryetar i degës së Lidhjes Demokratike të Kosovës për Nju Jork e rrethinë. Dhe këtë nuk e ka shkruar në kopjen e parë ashtu siç shkruhet përkushtimi, por e ka lënë t'a shkruaj përkushtimin, në librin e 7-të. Duke thënë se po e shkruaj tek libri i shtatë, tek vepra e titulluar" Pavarësia e Demokracia e Kosovës," pasi që ajo është më e qëlluar për Rexhajn. Më lejoni që në mbyllje, të ju urojë punë të mbarë edhe suksese.

Fjala e deputetes z. Samije Zeqiraj - (Member of the Commettee on Emergncy Preparadness)

Që në ditë e para kur u krijua ky grupacion politik në diasporë, dega më të fuqishme në emigracion, dega e LDK-së në SHBA-s, u krjijua një mbështje e fortë si në aspektin moral, politik, material e financier. Keni bërë shumë dhe ndoshta edhe më shumë vështërsi, por të bindur edhe krenarë për atë çka bëtë, e do të bëni edhe në të ardhemn deri në pavarësinë e Kosovës. Ju e internacionalizuat çështjen tonë kombëtare, duke e futur atë deri në dyert e Shtëpisë së Bardhë, Senatit, e Kongresit amerikanë. Dhe ju ishit, po ata që me të vërtet tundët botën dhe e zgjuat nga"gjumi" kancelarit. Ju shqiptarët e Amerikës, ishtit ata që sollët superfiqinë më të madhe të botës në Kosovë, t'i vijë në ndihmë me luftën që bëri popullit të saj në largimin njëher e përgjithmon nga toka jonë okupatorin sërb. Duke mbrojtur kështu familjet tuaja atje, familjet tona, fëmijët e prindërit tanë në Kosovë. Dhe e gjithë Kosova, ju është mirënjohës për punën që keni bërë dhe kontributin e madhë që këni dhënë si shqiptarë të Amerikës. Gjë që pa dyshim do t'a bëni edhe deri në pavërsinë e plotë të Kosovës. Me këtë rastë në shenjë falemiderimi dhe mirënjohëje, u kamë sjell edhe një flamur të shtetit të ardhëshëm të Kosovës, të cilin, do t'a shpalos këtu para jushë duke ju uruar për këtë Flamur dhe për festat e mëdha që kemi përpara. Flamuri i Dradanisë, do të jetë patjetër simboli ynë. Megjithse, qarqe të ndryshme e kanë konstatuar e parqitur kundërshtime, por, ne jemi shumicë dhe ne jemi ata që do t'a përcaktojmë me popullin e Kosovës.

Fjala e plote kryetarit te deges se LDK-s per Nju Jork e rrethe z Agim Rexhaj:
Të nderuar mysafir, zonja dhe zotërinjë, sonte kam nderin t’ua them dy tri fjalë për një ngjarje të shënuar kulturore të nivelit kombëtar, për botimin e veprës komplete të Presidentit të Kosovës, Dr. Ibrahim Rugova, komplet i veprave të të cilit u promovua kohët e fundit në Prishtinë e Tiranë dhe, me këtë rast, të falëndetoj autorin e veprave të botuara, Presidentin Dr. Ibrahim Rugova për dhurimin e kompletit të librave të tij mua dhe Degës së Lidhjes Demokratike për SHBA.

Botimi i veprave komplete të Dr. Ibrahim Rugovës, të gjithë atyre që Presidentin tonë të çmuar e njohin nga vitet ’70-të e ‘8o-të, ua kujton atyre një aspekt të çmuar të aktivitetit të Dr. Rugovës, aktivitetin e tij të gjithanshëm, të frytshëm e modern në fushën e studimit të kulturës e letërsisë shqiptare, në fushën e kritikës letrare. Ky aktivitet studimor hapi shtigje dhe kaptina të reja në frymën dhe në orientimin e studimit të kulturës, të artit e të letërsisë shqiptare. Dr. Rugova, intelektual i tipit properëndimor, me frymën e tij të hapur e kritike ndaj vlerave kombëtare e evropiane, në vitet 70-të themeloi metoda të reja të studimit të kulturës e të artit shqiptar, të cilat i thelloi në përmasa të jashtëzakonshme në vitet ’80-të.