Pavarësia e Kosovës, ka parasysh gjithë Kosovën, jo një Kosovë të ndarë apo të copëtuar

Shqiptarët e Amerikës protestuan në "Ditën e OKB-së", 60-vjetorin e krijimit të Organizatës së Kombeve të Bashkura, takimin e Këshillit të Sigurimit të OKB-së, në Nju Jork, ku do të vendosë rreth rekomandimeve për fillimin e bisedimeve për statusin përfundimtar të Kosovës.

"Dag Hammarskjold Plaza", United Nations - New York : Në një mengjes "dimri", duke filluar nga ora 10.00 e paradites deri në 2:00 të pasdites, këtu në Nju Jork, orë kur brenda pallatit të "Qelqët", po zhvilloheshin bisedimet për çështjen e Kosovës, në sheshin "Daghammarskjold Plaza", përball ndërtesës shumëkatëshe të OKB-s, grupe të ndryshme shqiptarësh, si shoqata e organizata jo-partiake në Amerikë, mbajtën një protestë paqësore, me kërkesa të forta për Pavarësi të plotë të Kosovës.

Para selisë së Kombeve të Bashkuara në Nju Jork, kur Këshilli i Sigurimit, po vendoste rreth fatit të fillimit të bisedimeve për statusin politik të Kosovës, në shenjë proteste ata kundërshtuan fuqishëm dhe e dënuan prezencën e kryeministrit të Sërbisë Voijislav Koushtunica, në pjesamarrjen e tij në këto bisedime. Duke mbajtur në duar flamurët e Shqipërisë dhe SHBA-së, dhe hedhur parrulla në gjuhën angleze e shqipe protestuesit e oratorët që folën nga bina, tërhoqën vëmendjen e kalimtarëve, diplomatëve të huaj , si edhe të medies amerikane, e asaj ndërkombëtare të akredituar pranë OKB-ës.

"Qëllimi ynë, tha Luigj Gjokaj, drejtuesi i protestës, i ardhur me një grup shqiptarësh prej Detroitit, ka qënë i mirë dhe kjo na ka shtyrë edhe ne shqiptarëve me banim në Detriot, t'ju bëjmë thirrje ju të gjithë shqiptarëve në Nju Jork e rrethinë, të ngremë zërin e protestës: kundra pjesmarrjes së kryeministrit sërb Koushtunica, në këtë takim, ku flitet për të ardhmen e Kosovës. Ne erdhëm këtu, tha ai t'i dalëm para këtij njeriu që ende nuk e harron Kosovën. Ne tha ai sot, kemi shpërndar në të gjithë këtë mjedis të OKB-s, rreth 4- mijë fletushka, ku demaskohej kryeministri sërb si pjesmarrës e krimeve në Kosovë."

Gjokaj bëri thirrje tek protestuesit, që në këto momente vendimtare të gjithë shqiptarët të jenë të bashkuar dhe të palëkundër në kërkesat e tyre, për pavarësin e plotë të Kosovës. Rruga e popullit tonë për liri e pavarësi, ende nuk ka përfunduar, dhe mjerishtë mund të themi, se ajo sapoka nisur. Shqiptarët janë përball sfidave të mëdha, për arsye se ata pos pavarësisë po luftojnë për më shumë të drejta për shqiptarët në Mal të Zi, e në të gjitha trojet tona etnike, e të okupuara nga sërbo-sllavët. Kjo protestë, e cila ka si motiv zgjidhjen e çështjes shqiptare, do të ketë jehonë dhe ndikim të madh në të gjitha vendbanimet shqiptare, Tuz e kudo.

Eliot Engel: "Kosova, nuk mund t’i kthehet kurrë më Serbisë dhe të administrohet nga Beogradi".

Në protestë ishte i pranishëm dhe e mori fjalën një nga mbështetësit më të fuqishëm të pavarësisë së Kosovës, miku i dëshmuar i shqiptarve në ligjëvënsin amerikanë, kongresisti demokratë i Nju Jorkut, Eliot Engel. I cili, pasi ju falemnderua, organizatorëve për ftesën, tha se :"Dua të theksoj se kur flas për Pavarësi të Kosovës, unë kam parasysh gjithë Kosovën, jo një Kosovë të ndarë apo të copëtuar. As edhe një pjesë e Kosovës nuk mund të jetë një qytet i ndarë.

Engel nguli "këmbë", në atë besnikërinë e asaj çka ka thënë për vite me radhë, se nuk ka alternativë tjetër veç pavarësisë së Kosovës. Komuniteti ndërkombëtar nuk do që të qendrojë në Kosovë përgjithmonë, tha Engel, dhe as nuk do që ajo të mbetet protektorat ndërkombëtar. Kosova nuk mund t’i kthehet kurrë më Serbisë dhe të administrohet nga Beogradi. Populli i Kosovës nuk mund ta pranojë kurrë këtë. Pra, e vetmja alternativë është pavarësia dhe sa më shpejt që të njihet ajo, aq më mirë do të ishte. Unë kurrë nuk e kam mbështetur idenë “standardet para statusit”, sepse kam bindjen se kjo është një mënyrë për të penguar vetëqeverisjen në Kosovë.

Me këtë, u tha Engel, protestuesve, se " Kosova, nuk duhet të qendrojë më nënprektatorat ashtu siç është tani, Kosova duhet të jetë e pavarur. Asnjë zgjidhje tjetër nuk është e përshtatshme dhe kjo duhet shprehur qartë e prerë. Por, tha Engel se edhe Pavarësia kërkon nga shumica edhe më shumë përgjegjësi ndaj respektimit dhe gartmit të të drejtave tek pakicat. Unë e kam theksuar edhe shumë herë të tjera se është detyrim i shumicës që të respektojë të drejtat e pakicave.

Serbët e Kosovës nuk mund të jetojnë në enklava të vogla dhe të ndjehen të kërcënuar për jetën e tyre nëse dalin prej andej. Por një shtet i pavarur duhet patjetër të lejohet të drejtojë punët e veta. E vetmja zgjidhje është shteti plotësisht i lirë dhe i pavarur i Kosovës. Dhe se një ditë të gjithë ne do të mblidhemi në Prishtinë, ndoshta me miljona që të festojmë Pavarësinë e plotë të Kosovës. Zoti e bekoftë Amerikën dhe popullin amerikanë ! Zoti e bekoftë Kosovën dhe gjithë popullin shqiptarë, përfundojë miku i dëshmuar i shqiptarve në ligjëvënsin amerikanë, kongresisti demokratë i Nju Jorkut, Eliot Engel.

Dramaturgu i njohur Xhevat Limani, pos një fjale të shkurtër ku dënoi fuqishëm politikën e disa vendeve ndaj shqiptarëve, recitoi edhe disa vargje të shkurtëra të at Mashkallës, me titull "Jam Shqiptar". Aktivisti tjetër dhe veterani e protestave të shqiptarë në Amerikë, z. Ahmet Zherrka, tha: "Mendoj se lufta për çlirimin e Kosovës, largimi njëherë e përgjithmonë i sërbëve endacakë të ardhur nga Karpatet, prej luftës që bëri NATO-ja, SHBA, dhe nga Ushtria Çlirimtare e Kosovës, treguan se populli ynë e meritonë lirinë e pavarësinë, dhe krijuam një imazh pozitiv në të gjithë botën, se ne shqiptarët kemi vetëm një perspektivë, tani atë për bashkimin e të gjitha trojeve tona etnike" tha Zherka.

Pavarësia, është e vetëmja zgjedhje që prodhon siguri, paqe dhe prosperitet jo vetëm në Kosovë, Ballkan dhe rajonë por edhe më gjërë.