Elvir Muriqi fiton me pesë runde ndaj Tony Menfee në Prishtinë

-- nga Beqir SINA, Nju Jork (SHBA)

Prishtine - Kosove: Elvir Muriqi, boksier i njohur nga Kosova në Shtetet e Bashkuara të Amerikës, i cili renditet në pozitën e 7-të në boksin profesionist në kategorinë gjysmë të rëndë, para shikuesve në Kosovë zhvillojë dje pas dite në kryeqëndren e Kosovës - Prishtinë, meçin e vlefshëm në luftë për titullin e kampionit botëror. Ky meç i mbajtur në Stadiumin e qytetit në Prishtinë( 14 gusht -2004), vuri përball si kundërshtar të Muriqit, boksierin amerikan nga Nebrasaka Toni Menfin, boksier ky që nga 77 luftëra të zhvilluara, 40 prej tyre i ka fituar me nokaut.

Ndërkaq, Elvir Muriqi, "The Kosova Kid", që nga 29 luftëra në boksin profesionist ka pësuar vetëm një humbje, më 24.Mar.2000 - me nokaut në rundin e 6 me boksierin Dan Sheehan nga Philadelphia, Pennsylvania dhe 18 prej tyre i ka përfunduar para kohe, dje arriti të mposhtë Toni Menfin.

Kështu, u tha sipas një konference të sotme me gazetarë të cilën e kryesoi menagjeri Frenk Llonkas, ku sipas mediave vendore ceket fakti se boksieri ynë nga Kosova, Elvir Muriqi "The Kosova Kid" e ka fituar të shtunën në stadiumin e Prishtinës me nokaut "Knockout", teknik me amerikanin Toni Menefi. Fitorja e Muriqit ishte e mundur në rundin e pestë nga 12 runde sa ka pasur meçi i vlefshëm për titullin e kampionit botëror në kategorinë gjysmë të rëndë në Divisionin ku bokson "Super Middleweight World".