Numri 17 (27) i revistës letrare shqiptare "ars"

-- nga irhan jubica, kryeredaktor

revista letrare shqiptare
kryeredaktor irhan jubica
shqipëri - kosovë - mali i zi - maqedoni
del të dielën e fundit të çdo muaji
numri i parë doli më 31 mars 2002
kutia postare nr. 1526, tiranë, shqipëri
tel: +355692132186
[email protected]
www.arsalbania.tk

njoftim
për daljen e numrit 17 (27) të revistës letrare shqiptare "ars"

numër i posaçëm kushtuar prozës

intervistë ekskluzive me shkrimtarin izraelit elisha porat

Revista letrare shqiptare "ars" njofton daljen e numrit 17 (27), në Shqipëri, Kosovë, Maqedoni e Mal të Zi, ditën e premte, më 4 qershor 2004, si dhe brenda pak ditësh edhe në Michigan, ShBA. Për shkak të botimit të katër librave të rinj dhe të pjesmarrjes në Panairin e VI të Librit në Kosovë, ky numër vjen me pesë ditë vonesë, për çka kërkojmë ndjesën dhe mirëkuptimin tuaj.

Revista hapet me tregimin "Për shkak të një ngatërrese me bagazhet" nga Lazër Stani.

Editoriali me titull "Bashkëkohësia, një listë e zbehtë" është shkruar nga Gilmana Bushati.

Një vend i veçantë i është kushtuar këtë numër një kronike të ilustruar nga paraqitja dinjitoze e revistës lertare "ars" në Panairin e VI-të të Librit, organizuar në kryeqytetin e Kosovës, Prishtinë, si dhe promovimit që iu bë katër librave ars të botuar kohët e fundit: Kasëm Trebeshina "Më përtej kohërave", 12 autorë shqiptarë "Antologji e prozës bashkëkohore shqiptare" (sipas "ars"), Mentor Haliti "Provokim", si dhe Italo Zvevo "Rrëfim për plakun e mirë dhe vajzën e bukur".

Në rubrikën "arbërisht" poeti Mario Bellizzi boton artikullin "Kultura zyrtare shqipëtare është një kulturë që ushqehet me kufoma", si dhe "Kam në shtëpi pesë shekuj me të vdekur, me luftë, me lotë, me mërgime", një reagim lidhur me kundërshtitë e disa lexuesve për shkrimin e kalaur të të njëjti autor për viktimat e pasluftës në Kosovë dhe Bosnjë, si shkak i përdorimit nga ana e NATO-s të bombave me uranium të varfëruar.

Rubrikat e përhershme paraqesin:
"premisa" nga Katerina Xukaro: "Parathënie për një paraqitje" "qiell i përtejmë" nga Jozef Radi: Ron Kubati: "Letërsia e ngjyen penën te habia ekzistenciale", si dhe fragment nga romani "M" i këtij autori. "poezi gjermane" përkthyer nga Ferdinand Laholli: Poezi nga Manfred Ach (shoqëruar me origjinalin gjermanisht).
"poezi ruse" përkthyer nga Arben Marku: Poezi nga Nikollaj Rubcov (shoqëruar me origjinalin në rusisht).
"mbishkrim" përkthyer nga Laura Shimili: Mbyllet kapitulli "Letërsia dhe e Keqja" nga George Bataille me fragmentin "Domethënia historike e 'Luleve të së keqes'".

Rubrikat e tjera paraqesin:
"studim": "Mbi komunikimin tonë" nga Myrvete & Begzad Baliu, mbi të vërtetën e botimit të krijimtarisë së autorëve nga Kosova në Shqipëri, si gjatë komunizmit, ashtu edhe sot.
"reagim": "Debati për Hivziun do të ishte i dobishëm" nga Bardh Frangu, mbi artikullin e Myrvete & Begzad Baliut "Riciklimi i debatit letrar", botuar në numrin e kaluar të revistës "ars".
"intervista": Harold Bloom: "Kritika e mirë bazohet mbi eksperiencën". "ese": John Lee: "Ndryshimi ndërmjet kritikës së letërsisë dhe teorisë"

Këtë numër botohet intervista ekskluzive që shkrimtari izraelit Elisha Porat, dha për revistën letrare shqiptare "ars": Elisha Porat: "Vetëm poezia i zbulon krizat njerëzore". Kjo intervistë e realizuar nga Gilmana Bushati shoqërohet me fragmente nga krijimtaria poetike e këtij autori, të cilat gjithashtu botohen absolutisht për herë të parë në shqip

Zgjedhje e veçantë këtë numër është bërë për paraqitjen e shumë autorëve me shumë tregime, qoftë nga letërsia shqiptare bashkëkohore, e po ashtu edhe ajo e huaja. Kështu, krijimtaria në prozë paraqitet nëpërmjet larmisë së 14 autorëve të ndryshëm, nga të cilët, 11 i përkasin letërsisë shqipe. Letërsia shqipe këtë numër prezantohet me autorët: Lazër Stani, Sali Bytyçi, Shazim Mehmeti, Albana Shala, Ron Kubati, Blendi Kraja, Laura Shimili, Menduh Leka, Ardiana Shala Prishtina, Loer Kume, Eris Rusi, Zade Kuqi, Albana Kozeli, Besa Salihu dhe Anila Xhekaliu, ndërsa letërsia e huaj me Donald Barthelme, Anton Çehov, Manfred Ach, Nikollaj Rubcov, Platon Rodhokanaqi dhe Elisha Porat.

Përkthimet e këtij numri janë realizuar nga: Gazmend Krasniqi, Gilmana Bushati, Lavdimir Marku, Laura Shimili, Irhan Jubica, Ferdinand Laholli, Jozef radi, Arben Marku dhe Faslli Haliti.

Numri i fundit për këtë vit shkollor i shtojcës së përhershme për nxënësit e shkollave të mesme "mars" përmban krijime poetike të nxënëzve nga shkolla të ndryshme.

irhan jubica
kryeredaktor

___________________
Revistën "ars" mund ta gjeni në të gjitha pikat e shitjes së gazetave dhe në libriaritë kryesore në Shqipëri (me çmim 100 lekë), në librarinë "ars-buzuku" dhe pikat e saj në Prishtinë, në të gjitha pikat "Rilindja" të shpërndarjes së shtypit në Kosovë (me çmim 1 euro), në Mal të Zi (Ulqin, Tuz) (me çmim 1 euro), në të gjitha pikat e shitjes së shtypit shqiptar në Maqedoni (me çmim 6 denar), si dhe në SHBA (Michigan) (me çmim 7 usd). Së shpejti, "ars'"-in mund ta merrni edhe në qytetet e tjera të SHBA-ve, në Greqi, si dhe në Itali, Zvicër e Gjermani.
"ars"-in mund ta lexoni edhe në internet në adresën www.arsalbania.com (në ndërtim) dhe www.arsalbania.tk.
Abonimet Europë: 1 vit-45 euro+pp, Amerikë: 70 usd+pp. (Për më shumë vizito: www.arsalbania.com, ose shkruaj në [email protected]) Për çdo vërejtje, sugjerime apo bashkëpunime kontaktoni në [email protected]
numri i ardhshëm i ars-it më 27 qershor 2004 /