Qyteti i Shkodrës

0
6208

[ Shkodra – Wikipedia ]
[ Këshilli i Qarkut Shkodër ]

SQARIM NGA HISTORIANI AGRON LUKA:
Agron Luka, historian Loce ka kuptimin për një gjyshe ose gjysh të vjetër. Në Shkodër për shembull të gjitha gjysheve të veja i thonë Nana Loce.
Vetë Shkodra e sotme ruan formën e emnit të kohës së pushtimit romak SCODRA. Emni i kohës greke antike ka qenë SKODRINON ne alf. helen. Etimologjia përfaqëson një kompozitë S + Kodra + Drinon, pra S (Sh) një shumës, një Shejte etj + Kodra -kodra diminutive kodrina + Dri (i hundore) me kuptimin Shejte kodra e drinonit për akropolin dhe qytetin.
Kuptimi i shkurtuar Shkodra loce = Shkodra e vjetër e moçme.

Dri – dra asht etimon për hidro, rrjedhë emni i vjetër ilirisht për lumë. Sepse lumë – flumen vjen nga latinishtia. Këtë shpjegim e ka sjellë etimologu gjerman Hans Krache dhe Çabej bën sikur e miraton. Kurse për Kodra ka patur dyshime. Unë e kam kritikuar sepse kemi Codriopolis në Frouli, që e sjell Dr. Hahni; pastaj Kodrion në Epir, që e ndërton Pirro i Epirit. Kemo Kodro Codri themeluesi mitilogjik i Athinës etj. Rrënjët Kodro, Dryma etj., janë të ilirishtes e pellazgjishtes, simbas autorëve antikë.

Shkrime me interes:
Pjaca natën

  • Familja Marubi
  • Historia e kalasë Rozafa
  • Emri i kalasë Rozafa
  • Statutet e Shkodrës
  • Shkodra dhe motet
  • Rrethimi i Shkodrës

    Këmbësore te liqeni
    Klementi XI – Albani
    HISTORI SHKODRANE
    Kisha Zoja e Shkodrës
    Kisha e Shirqit
    Xhamia e Plumbit
    Kisha ortodokse
    Sahati i Inglizit
    Teatri shkodran
    Këngë shkodrane – tekste


    Historikisht Shkodra ka qenë një ndër qytetet kryesore shqiptare. Zhvillimin më të madh e mori në shekullin XIX. Më 1870 ajo kishte rreth 50 000 banorë. U bë nyjë e rëndësishme tregtare për gjithë Ballkanin, me 3500 dyqane, në zonën ku sot njihet si ‘pazari i vjetër’.

    Që më 1718, Shkodra ka patur agjensi konsullore në shumë vende të huaja. Si port konsiderohej Oboti, por sidomos Ulqini dhe më vonë Shëngjini. Gjatë viteve të Lidhjes së Prizrenit (1878), Shkodra u bë vatër e rëndësishme e lëvizjes kombëtare. Në këtë kohë, dega e Lidhjes në Shkodër kishte gardën e saj, e cila ishta nga më veprueset dhe ndihmoi në mbrojtjen e Plavës, Gucisë, Hotit e Grudës, si dhe në luftën e Ulqinit.

    Pjaca e Shkodrës, projektuar nga Kol IdromenoPjaca e Shkodrës, projektuar nga ing. Kol Idromeno
     

    Shkodra ka qenë gjithashtu një vatër kulturore mjaft e rëndësishme. Përmendim këtu bibliotekën e Bushatllinjve dhe Fototekën Marubi, e cila njihet si ndër më të vjetrat e Ballkanit dhe me vlera të pazëvendësueshme. Gjatë luftës ballkanike dhe luftës së parë botërore, Shkodra u bë pré e synimeve grabitqare të Malit të Zi dhe Serbisë. Popullsia shkodrane e mbrojti qytetin për shtatë muaj me radhë kundër ushtrive rrethuese, por më 23.04.1913, ushtritë serbo-malazeze hynë në qytet përmes tradhëtisë së Esat Pashë Toptanit.

    Serbo-malazezët u detyruan të dilnin pas disa muajsh dhe Shkodra kaloi më vonë nën protektorat ndërkombëtar. Qyteti i kaloi qeverisë së Tiranës më 1920.

    Shkodra mund të përmendet edhe si qendër e katolicizmit shqiptar. Ishte qyteti i fundit shqiptar që ra nën sundimin osman më 1479, dhe qyteti që kundërshtoi më së shumti ardhjen e komunizmit më 1944. Qytetarët shkodranë ishin të parët që rrënuan simbolet e diktaturës më 1989. Aty filloi edhe shkëndija e parë e protestave gjithëpopullore kundër komunizmit në fundin e vitit 1990.

    Shkodra nën ujë - një pamje e bukurNënShkodra nën ujë… – dhe një amazonë e bukur vështron përmbytjen!
     


    Si e shohin Shkodrën shkodranët dhe të tjerët…dokumentare
SHARE
Artikulli i mëparshëmMALËSIA e MADHE

Arben Çokaj
Mësues Fizike & Informatike ::
Gazetar & Analist i pavarur ::
Autor librash